Vagalatiya 5:5 - BIBELE Mahungu Lamanene

⁵ Loko a ri hina, hi ni ku tshemba leswaku Xikwembu xi ta hi endla lava lulameke emahlweni ka xona, kutani hi swona leswi hi swi langutelaka, hi matimba ya Moya lowu tirhaka eka hina, hi ku pfumela loku hi nga na kona.

Testamente Leyimpsha Xichangana

⁵ Loko ali hina, hi ni kutshemba ka lesvaku Xikwembu xitahiyendla lavalulameke mahlweni ka xona, kutani hi svona lesvi hisvilangutelaka, hi matimba ya Moya lowutirhaka ka hina, hi kupfumela loku hinga nakona.

Xitsonga (Bibele)

⁵ Kambe hina hi langutela hi Moya ku tshemba ka ku lulama loku humaka eku pfumeleni.

Vagalatiya 5:5 Referans Kwoze

Pisalema 130:5

Ndzi tshemba HOSI hi mbilu ya mina hinkwayo, ndzi yimela ku twa rito ra yona.

1 Vatesalonika 1:10

Naswona mi langutela ku ta ka N'wana wa xona Yesu hi le matilweni, loyi xi n'wi pfuxeke exikarhi ka vafi, loyi a hi lamulelaka eku avanyiseni ka xona loku taka.

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

Tito 2:13

hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

Vafilipiya 3:9

ni ku kumiwa ndzi ri xilo xin'we na yena, ndzi nga ha ri na ku lulama loku nga ka mina, loku ndzi ku kumaka hi ku hlayisa Nawu, kambe ndzi ri ni ku lulama loku nyikiwaka hi ku pfumela eka Kriste, ku lulama loku humaka eka Xikwembu, loku yimaka ehenhla ka ku pfumela.

Genesa 49:18

“We HOSI, ndzi langutele ku ponisiwa hi wena!

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Pisalema 25:5

Ndzi fambise entiyisweni wa wena, u ri karhi u ndzi dyondzisa, hikuva hi wena Xikwembu lexi xi ndzi ponisaka, minkarhi hinkwayo ndzi tshemba wena.

2 Vatesalonika 3:5

Ingi Hosi Xikwembu xi nga susumeta timbilu ta n'wina, leswaku mi xi rhandza, ni leswaku mi chivirikela Kriste.

Vaefesa 2:18

Hi yena la endleke leswaku hina hinkwerhu, Vayuda ni vamatiko, hi kota ku ta hi moya wun'we emahlweni ka Xikwembu.

Pisalema 25:3

Exikarhi ka lava va ku tshembaka, ku hava na un'we la khomiwaka hi tingana, hikuva tingana i ta lava kanganyisaka van'wana, va tlanga hi vona.

1 Vakorinto 1:7

hikokwalaho a mi pfumali nyiko ni yin'we ya Moya, loko mi ri karhi mi langutela ku hlavuteriwa ka Hosi ya hina Yesu Kriste,