Vagalatiya 2:5 - BIBELE Mahungu Lamanene

⁵ a hi pfumelanga na siku na rin'we ku tiveka ehansi ka vona, kambe hi lavile leswaku ntiyiso wa Evhangeli wu hlayiseriwa n'wina swinene.

Testamente Leyimpsha Xichangana

⁵ ahipfumelanga ni siku ni rin'we kutiveka hansi ka vona, kambe hilavile lesvaku ntiyiso wa Evhangeli wuhlayiseliwa n'wina svinene.

Xitsonga (Bibele)

⁵ kambe a hi pfumelanga ku tiveka ehansi ka vona ni siku ni rin'we, ntiyiso wa Evhangeli wu ta tshamisa eka n'wina wu tiyile.

Vagalatiya 2:5 Referans Kwoze

Vagalatiya 4:16

Xana sweswi ndzi hundzukile nala wa n'wina hi ku mi byela ntiyiso ke?

Vagalatiya 2:14

Kambe loko ndzi vonile leswaku leswi a va swi endla a swi nga fambelani ni ntiyiso wa Evhangeli, ndzi byerile Petro emahlweni ka vona hinkwavo, ndzi ku: “U Muyuda wena hi ku velekiwa, kambe u hanya hi mukhuva wa vamatiko, ku nga ri wa Vayuda; hikwalaho ka yini u sindzisa vamatiko ku hanya hi mukhuva wa Vayuda ke?”

Vakolosa 1:5

hikwalaho ka ku tshemba loku ku hlayiseriweke n'wina ematilweni. Ta ku tshemba loku, mi rhange mi ti twa eritweni ra ntiyiso, yi nga Evhangeli,

Vaefesa 1:13

A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

Yuda 1:3

Varhandziwa, a ndzi navela ngopfu ku mi tsalela timhaka ta ku ponisiwa loku nga ka hina hinkwerhu, kambe ndzi kumile leswaku swa ndzi fanela ku mi tsalela ndzi mi khongotela ku lwela vupfumeri lebyi Xikwembu xi byi nyikeke vahlawuriwa va xona, kan'we swi hela kwalaho.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Timhaka 15:2

Kambe Pawulo na Barnaba va hambana ngopfu na vona emhakeni leyi, va kanetana na vona hi matimba; kutani va lulamisa leswaku Pawulo na Barnaba va ta ya eYerusalema va ri ni van'wana va Antiyoka, ku ya vutisa mhaka leyi eka vaapostola ni ka vakulukumba.

Vagalatiya 1:6

Ma ndzi hlamarisa: Hi nkarhinyana wu nga ri wungani, mi fularhele loyi a mi vitaneke hi tintswalo ta Kriste, kutani mi tsutsumela eka Evhangeli yin'wana.

Nehemiya 6:4

Va rhumile vanhu va ta eka mina ku ringana ka mune, kambe ndzi va hlamula ku fana ni le ku sunguleni.