Vagalatiya 1:7 - BIBELE Mahungu Lamanene

⁷ Kasi Evhangeli yin'wana ku hava. Ndzi vula leswi hikuva ku na van'wana lava va mi pfilunganyisaka tinhloko, lava ringetaka ku soholota Evhangeli ya Kriste.

Testamente Leyimpsha Xichangana

⁷ Kasi Evhangeli yin'wana ayikona. Nihlaya lesvi hikuva ku ni van'wana lava vamipfilunganyisaka tinhloko, lavaringetaka kujikisa Evhangeli ya Kriste.

Xitsonga (Bibele)

⁷ swi nga ri leswaku yin'wana yi kona, kambe vanhu va kona lava mi pfilunganyaka, lava rhandzaka ku soholota Evhangeli ya Kriste.

Vagalatiya 1:7 Referans Kwoze

Timhaka 15:24

“Hi twile leswaku van'wana lava humaka ka hina va mi tshukisile hi ku vulavula ka vona, va mi kanakanisa emimoyeni ya n'wina; kasi a hi nga va lerisanga nchumu;

Vagalatiya 5:10

Mina ndzi ni ku tshemba leswaku, leswi hi nga va Hosi hinkwerhu, a mi nga vi ni mianakanyo yo hambana ni ya mina, ni leswaku yoloyi a mi pfilunganyisaka, ú ta kuma ku avanyisiwa ka yena, hambi a nga va mani na mani.

2 Vakorinto 11:13

Vanhu lavo tano, i vaapostola va mavunwa, i vatirhi lava xisaka, lava tiendlaka onge i vaapostola va Kriste.

Vagalatiya 5:12

A swi ta va swona loko vanhu lava va mi pfilunganyisaka, va nga yimi kwalaho, kambe va titshena xikan'we.

2 Vakorinto 2:17

Hikuva a hi fani ni lavo tala, lava endlaka bindzu lero biha hi Rito ra Xikwembu; kambe hi vulavula kukotisa vanhu va timbilu leto tenga, kukota lava rhumiweke hi Xikwembu; hi vulavula emahlweni ka Xikwembu hi ri va ka Kriste.

Nhlavutelo 20:3

Yi n'wi hoxa ekheleni, yi pfala, yi n'wi lemela ndzeni leswaku a nga ha yi emahlweni ku xisa vanhu va matiko, ku fikela loko malembe ya 1 000 ma ta va ma hundzile. Endzhaku ka swona, ú ta fanela ku ntshunxiwa nkarhinyana.

2 Yohane 1:10

Loko ku ta munhu un'wana eka n'wina la kanetaka dyondzo leyi, mi nga n'wi amukeli emutini wa n'wina, hambi ku n'wi xeweta mi nga n'wi xeweti;

1 Yohane 4:1

Varhandziwa, mi nga pfumeleni moya wihi na wihi, kambe kambisisani mimoya ku vona loko hakunene yi ri ya Xikwembu; hikuva vaprofeta va mavunwa va hangalakile ni misava.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

Nhlavutelo 13:14

Kutani hi masingita lawa xi pfumeleriwaka ku ma endla emahlweni ka xivandzana lexo rhanga, xi kanganyisa vaaki va misava, xi va lerisa ku endla xifaniso va endlela xivandzana lexi a xi tsemiwile hi banga kambe xi tiya xa ha hanya.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

Nhlavutelo 2:20

Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.

Nhlavutelo 2:6

Kambe hambiswiritano, leswinene leswi u nga na swona hi leswi: U venga mintirho ya Vanikolayiti, leyi na mina ndzi yi vengaka.

Nhlavutelo 2:2

Ndzi tiva mintirho ya wena, ni ku tikarhata ka wena, ni ku tiyisela ka wena. Ndzi tiva leswaku a wu koti ku twanana ni vanhu lavo homboloka; naswona u xiyaxiyile swinene lava tivulaka vaapostola, kasi a hi vona, kutani u swi vonile leswaku va hemba.

Yuda 1:4

Hikuva vanhu van'wana va ngungumerile va nghena exikarhi ka hina; ku avanyisiwa ka vona ku lunghisiwile khale. I vanhu lava nga riki na mhaka ni vukhongeri; va gombonyokisa tintswalo ta Xikwembu xa hina, va endla swa manyala ha tona, naswona va landzula Yesu Kriste, yena N'wini wa hinkwaswo ni Hosi ya hina.

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

1 Yohane 2:26

Ndzi mi tsalele timhaka leti, hikwalaho ka lava ringetaka ku mi xisa.

2 Timotiya 2:18

lava tshikeke ntiyiso, hi ku vula leswaku swa ku pfuka eku feni swi hundzile khale, kutani va khunguvanyisa van'wana eku pfumeleni.

Vagalatiya 6:17

Ku sukela sweswi, ndzi nga ha karhatiwi hi munhu, hikuva timbanga leti ndzi nga na tona emirini, i mfungho wa leswaku ndzi hlonga ra Yesu.

Vagalatiya 4:17

Vanhu lavaya van'wana va chivirikela n'wina, kambe a va na moya lowunene; va lava ntsena ku mi hambanisa na mina, leswaku mi ta chivirikela vona.

Vagalatiya 2:4

Mhaka yi pfuxiwile hikwalaho ka vanhu van'wana lava tiendlaka vakriste, va nga lava ngheneke exikarhi ka hina hi ku kanganyisa, va lava ku vona ku ntshunxeka loku hi nga na kona eka Kriste Yesu; a va lava ku hi endla mahlonga;

2 Vakorinto 4:2

Hi tshikile mintirho hinkwayo ya munyama ni ya tingana; a hi hanyi hi ku xisetela vanhu; a hi soholoti Rito ra Xikwembu; kambe hi humesela ntiyiso erivaleni, kutani hi tikomba hi ri lava nkhensekaka eripfalweni ra un'wana ni un'wana, ne mahlweni ka Xikwembu.

Timhaka 20:30

naswona, ndzi tiva leswaku ku ta huma van'wana exikarhi ka n'wina lava nga ta vula mavunwa ku tilavela vadyondzisiwa.

Timhaka 13:10

“Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Yeremiya 23:26

Xana swilo leswi swi ta hela rini? Xana vaprofeta lava va ehleketa yini? Va ta xisa vanhu va mina ni ku va kanganyisa ku fikela rini xana?

Yeremiya 23:36

Mi nga ha vulavuli hi ‘ndzhwalo wa HOSI Xikwembu’. Xana mahungu ya xona ma nga va ‘ndzhwalo’ xana? Loko mi vula sweswo, mi onha mahungu ya Xikwembu xa hina lexi hanyaka, yona HOSI ya matimba hinkwawo.

Vagalatiya 1:6

Ma ndzi hlamarisa: Hi nkarhinyana wu nga ri wungani, mi fularhele loyi a mi vitaneke hi tintswalo ta Kriste, kutani mi tsutsumela eka Evhangeli yin'wana.