Vagalatiya 1:14 - BIBELE Mahungu Lamanene

¹⁴ Hi ku hanya Xiyuda, a ndzi tlula lavo tala va tintangha ta mina exikarhi ka va ka hina, ndzi ri karhi ndzi hisekela ngopfu mikhuva ya vatata wa hina.

Testamente Leyimpsha Xichangana

¹⁴ Hikuhanya Xiyuda, anitlula lavotala vatintanga ta mina xikarhi ka va ka hina, nili karhi nihisekela ngopfu mikhuva ya vatatana va hina.

Xitsonga (Bibele)

¹⁴ kutani a ndzi siyile ekule lavo tala va ntangha ya mina, a ndzi ri emahlweni ka vona etimhakeni ta Vuyuda, etikweni ra hina, hi ku hisekela mikhuva ya vatata wa hina.

Vagalatiya 1:14 Referans Kwoze

Vakolosa 2:8

Chavani leswaku munhu a nga mi phasi hi tidyondzo ta vutlhari, hi marito ya vunwa lama nga pfuniki nchumu, lama humaka eka mintolovelo ya vanhu ni ka mimoya leyi fumaka misava leyi, ku nga ri eka Kriste.

Timhaka 26:5

I khale va ndzi tiva, kutani va nga humesa vumbhoni, loko va swi lava, leswaku ndzi hanyile ndzi ri wa ntlawa lowu wu nga ni milawu yo tiya ku tlula mintlawa yin'wana hinkwayo, evukhongerini bya ka hina, hileswaku ntlawa wa Vafarisi.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Timhaka 22:3

“Mina ndzi Muyuda; ndzi velekiwile eTarso wa Kilikiya, kambe ndzi kulele emutini lowu, ndzi ri mudyondzisiwa wa Gamaliele. Ndzi dyondzisiwile Nawu wa vatatana hi mukhuva lowunene, ndzi ri munhu la hisekelaka Xikwembu, kukotisa n'wina hinkwenu namuntlha;

Matewu 15:6

Eka n'wina, munhu loyi a nga ha ri na fanelo ya ku pfuna tata wa yena. Kutani ke mi onha rito ra Xikwembu hi mikhuva ya n'wina.

Timhaka 26:9

“Na mina khale, a ndzi anakanya leswaku ndzi fanele ku lwa swinene ni vito ra Yesu wa Nazareta.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.

Esaya 57:12

Ku lulama loku mi nge mi na kona, ndzi ta ku humesela erivaleni; swilo leswi mi swi endlaka, swi nge mi vuyerisi nchumu!

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Yeremiya 15:2

Kutani loko va ku vutisa va ku: ‘Hi ta ya kwihi xana?’ va byele leswaku mina HOSI ndzi ri: “Lava hlawuleriweke ntungu, a va fe hi wona; lava hlawuleriweke tlhari, a va dlawe hi rona; lava hlawuleriweke ndlala, a va fe hi yona; lava hlawuleriweke ku ya evukhumbini, a va yisiwe kona!

Timhaka 21:20

Loko va twa timhaka teto, va dzunisa Xikwembu; kutani va ku ka Pawulo: “Wa swi vona, makwerhu, leswaku ku ni madzana-dzana ya vanhu lava pfumeleke exikarhi ka Vayuda; hinkwavo i vanhu lava hisekelaka Nawu;

Levhitika 13:16

Loko swilondza leswi swi hola swi hundzuka swi va swo basa, muvabyi ú fanele ku tlhelela eka muprista.