Vagalatiya 1:10 - BIBELE Mahungu Lamanene

¹⁰ Xana sweswo swi komba leswaku ndzi navela ku nkhensiwa hi vanhu kumbe hi Xikwembu ke? Xana ndzi vonaka ndzi ri la ringetaka ku tsakisa vanhu ke? Loko onge ndza ha ringeta ku endla sweswo, a ndzi nga ta va nandza wa Kriste.

Testamente Leyimpsha Xichangana

¹⁰ Xana svosvi svikomba lesvaku ninavela kukhensiwa hi vanhu kumbe hi Xikwembu ke? Xana ni vonaka na nili lweyi aringetaka kutsakisa vanhu ke? Loko onge naharingeta kuyendla svosvo, aningatava mutirhi wa Kriste.

Xitsonga (Bibele)

¹⁰ Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

Vagalatiya 1:10 Referans Kwoze

1 Vatesalonika 2:4

kambe, tanihi leswi Xikwembu xi hi voneke hi ri lava fanelaka ku tamerisiwa ntirho wa Evhangeli, ha yi vula, ku nga ri ku tsakisa vanhu, kambe ku tsakisa Xikwembu lexi kambelaka timbilu ta hina.

Timhaka 5:29

Kambe Petro ni vaapostola lavan'wana va hlamula, va ku: “Hi fanele ku yingisa Xikwembu ku tlula vanhu.

Vaefesa 6:6

naswona, ku nga ri ntsena loko va mi langutile, wonge hi loko mi lava ku tsakisa vanhu, kambe, leswi mi nga mahlonga ya Kriste, endlani ku rhandza ka Xikwembu hi mbilu hinkwayo.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Vakolosa 3:22

Mahlonga, yingisani vini va n'wina va laha misaveni etimhakeni hinkwato, ku nga ri ntsena loko va mi langutile, wonge hi loko mi lava ku tsakisa vanhu, kambe hi timbilu letinene, mi ri karhi mi chava Hosi.

Varhoma 2:29

Kambe Muyuda wa xiviri, hi loyi a nga yena exihundleni xa mbilu, ni ku yimba ka xiviri, i ku yimba ka mbilu, loku endliwaka emoyeni, ku nga ri hi leswi tsariweke swa Nawu; ku dzunisiwa ka munhu loyi a ku humi ka vanhu, kambe ku huma eka Xikwembu.

1 Yohane 3:9

Ku hava ni un'we loyi a tshamelaka ku dyoha, loko a tswariwile hi Xikwembu, hikuva mbewu ya Xikwembu yi mirile eka yena, kutani a nga ka a nga ha tshameli ku dyoha, hikuva ú tswariwile hi Xikwembu.

2 Vakorinto 12:19

Nkarhi hinkwawo lowu, mi anakanya leswaku hi ringeta ku tisasekisa emahlweni ka n'wina. A hi swona! Hi vulavula emahlweni ka Xikwembu, hi ri va ka Kriste. Hinkwaswo leswi, varhandziwa, i swa ku mi aka.

Varhoma 2:8

kambe lava nga ni moya wa ku tirhandza, va alaka ntiyiso, va fambaka hi ku homboloka, xi ta va hlundzukela ni ku va karihela.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

1 Vakorinto 10:33

Tekelelani mina, hikuva ndzi tsakisa vanhu hinkwavo hi tindlela hinkwato, ndzi nga tilaveli leswi pfunaka mina ntsena, kambe ndzi lava leswi pfunaka lavo tala, leswaku va ta ponisiwa.

Matewu 28:14

Ni loko mhaka leyi yi fika etindleveni ta hosi, hina hi ta yi khorwisa, hi mi sirhelela.”

1 SAMIELE 21:7

Hi siku leri, un'wana wa malandza ya Sawulo a a ri kona, a khomeletiwile hi ku humesela HOSI Xikwembu emagandzelo. Vito ra yena a a ri Duwege wa le Edomu, mulanguteri wa varisi va Sawulo.

Timhaka 12:20

Heroda a a lava ku lwa ni va le Tiri ni va le Sidoni; kambe vona va ta ka yena va ri mbilu yin'we; va rhanga hi ku twanana na Blasto, mulanguteri wa yindlu ya hosi; hiloko va ya kombela ku etlela ka tiko, hikuva tiko ra vona a ri singila etikweni ra hosi Heroda.

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Vafilipiya 1:1

Mina Pawulo nandza wa Kriste Yesu, na Timotiya nandza-kulorhi, hi tsalela vahlawuriwa va Xikwembu hinkwavo lava tshamaka eFilipiya, lava nga va ka Kriste Yesu, swin'we ni vafambisi va kereke ni vapfuni, hi ri: