Vafilipiya 4:6 - BIBELE Mahungu Lamanene

⁶ Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

Testamente Leyimpsha Xichangana

⁶ Mingavileli ha nchumu; kambe timhakeni hinkwatu, khongelani, mitivisa Xikwembu lesvi misvipfumalaka, mikombela na mili karhi mikhensa;

Xitsonga (Bibele)

⁶ Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

Vafilipiya 4:6 Referans Kwoze

1 Petro 5:7

Rhulani ku karhateka hinkwako ka n'wina eka xona, hikuva xi tikarhatela n'wina.

Pisalema 55:22

Andlala timhaka ta wena emahlweni ka HOSI Xikwembu, kutani xona xi ta ku seketela; xi nga ka xi nga pfumeli leswaku lowo lulama a tsekatsekisiwa, ni siku ni rin'we.

Matewu 6:8

Mi nga tshuki mi fana na vona, hikuva Tata wa n'wina ú tiva leswi mi swi pfumalaka mi nga si kombela.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Swivuriso 16:3

Loko u endla xilo, kombela HOSI Xikwembu xi ku pfuna, kutani makungu ya wena ma ta katekisiwa.

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Vakolosa 4:2

Yanani emahlweni mi tiyisela emikhongelweni, mi hitekela kona mi ri karhi mi nkhensa;

Vaefesa 6:18

Endlani hinkwaswo leswi hi ku khongela, mi kombela ku pfuniwa hi Xikwembu; khongelani minkarhi hinkwayo hilaha Moya wu mi letelaka hakona. Hikokwalaho, tshamani mi hitekile, mi nga karhali ku khongelela vahlawuriwa va Xikwembu hinkwavo.

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Luka 18:1

Yesu a byela vadyondzisiwa exifaniso, ku komba leswaku vanhu va fanele ku khongela minkarhi hinkwayo, va nga heli timbilu,

Luka 12:22

Kutani Yesu a ku ka vadyondzisiwa: “Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini, hambi ku ri ku vilela hi swa miri leswaku mi ta ambala yini.

Pisalema 51:15

We N'wini wanga, pfula nomo wa mina, ndzi ta ku dzunisa ha wona.

Vakolosa 3:15

Kutani endlani leswaku ku rhula ka Kriste ku fuma etimbilwini ta n'wina, ku nga ku rhula loku mi vitaneriweke kona, emirini wun'we ntsena. Naswona dyondzani ku nkhensa.

1 SAMIELE 30:6

Davhida a a ri ekhombyeni lerikulu; vanhu a va vulavula hi ku n'wi khandla hi maribye, hikuva a va khunguvanyekile swinene hikwalaho ka ku khomiwa ka vana va vona va majaha ni vanhwana. Hambiswiritano, Davhida a tiyisela, a tshemba HOSI Xikwembu xa yena.

Vaefesa 5:20

Masiku hinkwawo, nkhensani Xikwembu Tatana hikwalaho ka swilo hinkwaswo, hi vito ra Hosi ya hina Yesu Kriste.

Pisalema 55:17

Vusiku ni nhlekanhi ndzi le ku vileleni, ndza rila, kutani xona xi ta ndzi yingisa;

Luka 10:41

Kambe Hosi yi n'wi hlamula, yi ku: “Marta, Marta, u vilela ni ku tikarhata hi leswo tala;

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Matewu 10:19

Kambe siku va mi nyiketaka eka vona, mi nga kanakani hi leswi mi nga ta vula swona ni mavulavulele ya kona; hikuva sweswo, mi ta nyikiwa swona enkarhini wolowo.

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Luka 12:29

Hikokwalaho mi nga vileli hi leswi mi nga ta dya swona, ni leswi mi nga ta nwa swona, naswona, mi nga kanakani;

1 SAMIELE 1:15

Kambe Hana a hlamula a ku: “E-e, n'wini wanga, ntsena ndzo va wansati loyi a karhatekaka ngopfu. A ndzi nwanga vhinyo kumbe byalwa, kambe ndzi tile ku ta phofula swa mbilu ya mina eka HOSI Xikwembu.

2 Vakorinto 1:11

loko na n'wina mi hi pfuna hi ku hi khongelela, kutani ku ta va ni lavo tala lava nga ta nkhensa Xikwembu hikwalaho ka hina, hi mhaka ya ntirho wa xona wa tintswalo lowu xi hi endleleke wona.

1 Vakorinto 7:32

Ndzi lava leswaku mi nga vi na swivilelo. Loyi a nga tekangiki ú tikarhatela swa Hosi, ku vona hilaha a nga tsakisaka Hosi hakona;

1 Petro 4:7

Ku hela ka swilo hinkwaswo ku le kusuhi. Hikokwalaho, tlharihani mi tikhoma, mi ta kota ku khongela.

Matewu 13:22

Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Daniele 3:16

Xadraka, na Mexaka, na Abedi-Nego va hlamula hosi va ku: “We Nebukadnetsara, mhaka leyi u yi vulaka, hina a hi boheki ku yi hlamula.

2 TIKRONIKA 32:20

Kavaloko hosi Hezekiya ni muprofeta Esaya n'wana Amotsi va languta etilweni, va huwelela eka HOSI, Xikwembu xa le matilweni.

1 SAMIELE 7:12

Samiele a teka ribye, a ri yimisa exikarhi ka Mitspa ni muti lowu vuriwaka “Tino”. Kutani a thya ribye leri evito ra “Ebenezere”, hi leswaku “Ribye-ra-Vuponisi”, a engeta a ku: “Ku fikela siku ra namuntlha, HOSI yi hi ponisile.”

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

1 Vakorinto 7:21

Xana a wu ri hlonga loko u vitaniwa? U nga vileli hi swona; kambe loko u tshuka u kuma nkateko wo ntshunxiwa, wu tirhise.

1 TIHOSI 8:28

Hambiswiritano, we HOSI Xikwembu xanga, amukela ku khongela ka mina nandza wa wena, ni ku kombela ka mina, u yingisa ku rila ka mina ni xikhongelo lexi ndzi xi vulaka namuntlha emahlweni ka wena, mina nandza wa wena.

Yeremiya 32:16

Yeremiya a engeta a ku: “Endzhaku ka loko ndzi nyikile Baruku n'wana Neriya emapapila ya vun'wini, ndzi khongela HOSI Xikwembu ndzi ku:

Daniele 6:10

Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

Matewu 6:34

Hikwalaho ke mi nga tshuki mi vilela hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana, ku ringene rona.

1 Timotiya 2:1

Loko swi ri tano, xo sungula, ndzi navela hi matimba leswaku ku kombela, ni ku khongela, ni ku khongelela, ni ku nkhensa, swi endleriwa vanhu hinkwavo,

1 Timotiya 5:5

Wansati wa noni loyi a nga wa xiviri, loko a sele a ri yexe, ú vekile ku tshemba ka yena eka Xikwembu, kutani ú tshama a ri karhi a kombela eka xona ni ku khongela vusiku ni nhlekanhi.