Vafilipiya 4:19 - BIBELE Mahungu Lamanene

¹⁹ Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

Testamente Leyimpsha Xichangana

¹⁹ Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

Xitsonga (Bibele)

¹⁹ Kambe Xikwembu xa mina xi ta mi tatisela hinkwaswo leswi mi swi pfumalaka, hikuva ku fuwa ni ku kwetsima i ka xona, ha Yesu Kriste.

Vafilipiya 4:19 Referans Kwoze

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

2 SAMIELE 22:7

Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona, xirilo xa mina xi fikile etindleveni ta xona.

Pisalema 36:8

Va hanya endzalweni ya leswi u va phamelaka swona; u va nwisa ni mati layo nandziha enambyeni wa wena,

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vaefesa 3:16

Ndzi kombela Xikwembu leswaku entalweni wa ku dzuneka ka xona, xi mi nyika matimba, hi Moya wa xona, ku tiya emunhwini wa n'wina wa le ndzeni,

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Varhoma 8:18

Hikokwalaho ke, ndzi anakanya leswaku mahlomulo ya nkarhi wa sweswi a ma faneli ku ringanisiwa ni ku kwetsima loku hi nga ta kombiwa kona.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

2 Vakorinto 4:17

Hikuva maxangu lawa ya nga riki na ku tika ngopfu, lawa ya nga ya nkarhinyana ntsena, ma hi tisela ku kwetsima loku nga ni ntikelo swinene, loku nga heriki, loku tlulaka ngopfu mpimo hinkwawo.

Varhoma 9:23

Kumbe, ku yini ka swona ke, loko xi endlele ku tivisa vukulu bya ku kwetsima ka xona, ehenhla ka swibya leswi a swi vumberiwile ku tsetseleriwa, swi nga swibya leswi xi swi lunghiseke ka ha ri ku sunguleni leswaku swi ta nyikiwa ku kwetsima ka xona, xana?

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Pisalema 130:7

N'wina Vaisraele, langutelani HOSI, hikuva rirhandzu ra yona ra tshembeka, naswona yi hi kutsurile ko tala.

Pisalema 104:24

We HOSI Xikwembu, mintirho ya wena a hi ku tala ka yona, hinkwayo u yi endlile hi vutlhari, misava yi tele hi leswi u swi vumbeke.

Vaefesa 1:18

Ndzi kombela leswaku miehleketo ya n'wina yi pfuleka, mi ta tiva leswaku ku tshemba loku xi mi vitanelaka kona hi loku ko yini, ni leswaku ku tala ka ndzhaka ya xona leyo saseka ngopfu leyi tshembisiwaka vahlawuriwa va xona, hi loku ko yini,

Vaefesa 2:7

Xi endlile leswi ku komba, eminkarhini leyi taka, ku tala loku nga pimekiki ka tintswalo ta xona, hi vunene lebyi xi hi endleleke byona ha Kriste Yesu.

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

2 TIKRONIKA 18:13

Mikaya a hlamula a ku: “Ndza tiyisa emahlweni ka HOSI Xikwembu lexi hanyaka, ndzi ri: Ndzi ta vula ntsena leswi Xikwembu xa mina xi nga ta swi vula.”

Genesa 48:15

Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

Varhoma 11:33

Vukosi bya Xikwembu, ni vutlhari bya xona, ni vutivi bya xona, a hi ku enta ka swona! Makungu ya xona ma nga pimisiwa ku yini, ni tindlela ta xona ti nga twisisiwa ku yini xana?

1 Petro 5:1

Sweswi ke, ndzi khongotela vakulukumba lava nge xikarhi ka n'wina, leswi na mina ndzi nga un'wana wa vona; ndzi mbhoni ya ku vaviseka ka Kriste, ni loyi a tshembaka ku averiwa ku kwetsima loku nga ta humelela, kutani ndzi ri:

1 Vatesalonika 2:12

hi mi khongoterile, hi mi tiyisile ni ku mi susumeta leswaku mi hanya hi mukhuva lowu tsakisaka Xikwembu, lexi xi mi vitanelaka ku averiwa ku fuma ka xona ni ku twala ka xona.

Varhoma 1:8

Xo sungula, ndzi nkhensa Xikwembu xa mina ha Yesu Kriste hikwalaho ka n'wina hinkwenu, hikuva ku pfumela ka n'wina ku twakarile emisaveni hinkwayo.

Yohane 20:27

Kutani a ku ka Tomasi: “Tisa ritiho ra wena la, u languta ni, swandla swa mina; tshambuluta xandla xa wena, u xi nghenisa etsheveni ra mina; u nga ha kanakani, kambe pfumela!”

Yohane 20:17

Yesu a ku ka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu, u ya va tivisa leswaku ndzi tlhandlukela eka Tata wa mina, a nga Tata wa n'wina, eka Xikwembu xa mina, xi nga Xikwembu xa n'wina.”

Filemoni 1:4

Ndzi nkhensa Xikwembu xa mina masiku hinkwawo, loko ndzi ku anakanya emikhongelweni ya mina,

2 Vakorinto 12:21

Ndzi chava leswaku loko ndzi ta le ka n'wina, Xikwembu xa mina xi nga tlhela xi ndzi tsongahata emahlweni ka n'wina, kutani ndza rila hikwalaho ka lavo tala lava dyoheke khale, lava nga hundzukangiki etimhakeni ta vona leto ka ti nga tenganga, ni ta vuoswi, ni ta manyala, leti va nga ti endla.

Nehemiya 5:19

We Xikwembu xanga, ndzi tsundzuke, u ndzi katekisa hikwalaho ka hinkwaswo leswi ndzi swi endlelaka vanhu lava.

Matewu 6:32

Hikuva swilo sweswo hinkwaswo swi laviwa hi vamatiko; kutani Tata wa n'wina wa le tilweni wa swi tiva leswaku swilo leswi hinkwaswo ma swi pfumala.

Vafilipiya 4:7

kutani ku rhula ka Xikwembu loku tlulaka ku twisisa hinkwako, ku ta hlayisa timbilu ta n'wina ni mianakanyo ya n'wina eka Kriste Yesu.

2 TIKRONIKA 31:8

Loko Hezekiya ni tindhuna ta yena va vona tinhulu ta kona, va tlangela HOSI Xikwembu, va nkhensa ni Vaisraele vanhu va xona.