Vafilipiya 4:17 - BIBELE Mahungu Lamanene

¹⁷ A hi leswaku ndzi lava ku kuma tinyiko, kambe ndzi lava leswaku n'wina mi kuma mihandzu leyi yi nga ta andza yi mi twarisa.

Testamente Leyimpsha Xichangana

¹⁷ Ahi lesvaku nilava kukuma tinyiko, kambe nilava lesvaku n'wina mikuma mihandzu leyi yingatayandza yimitwalisa.

Xitsonga (Bibele)

¹⁷ Swi nga ri leswaku ndzi lava ku nyikiwa, kambe ndzi lava mihandzu leyi nga ta mi talela.

Vafilipiya 4:17 Referans Kwoze

Tito 3:14

Varikwerhu a va dyondze ku chivirikela mintirho leyinene, va ta pfuna lomu ku pfumariwaka ngopfu; va nga tshuki va hanya vutomi lebyi nga pfuniki nchumu.

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Yohane 15:8

Tata wa mina ú dzunisiwa hi loko mi veka mihandzu leyo tala, ku kombisa leswaku mi vadyondzisiwa va mina va xiviri.

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

Vafilipiya 4:11

A ndzi vuli sweswo hi ku titwa ndzi ri mupfumari, hikuva ndzi dyondzile ku kolwa hi leswi ndzi tikumaka ndzi ri ka swona.

1 Vatesalonika 2:5

Ma swi tiva swinene leswaku a hi ringetanga, ni siku ni rin'we, ku mi tsakisa kumbe ku mi kanganyisa hi marito, naswona a hi vulavulanga na n'wina hi ku susumetiwa hi makwanga. Xikwembu i mbhoni ya hina!

2 Vakorinto 9:5

Hikokwalaho ndzi anakanyile leswaku swa fanela ku kombela vamakwerhu ku ta kwaleyo, va ndzi rhangela emahlweni, va ta lunghisa hi nkarhi nyiko yo huma etimbilwini ta n'wina, leyi mi yi tshembiseke. Ndzi lava leswaku yi tshama yi lunghisiwile, yi ri leyi humaka embilwini, yi nga ri leyi humesiwaka hi ku vilela.

Varhoma 15:28

Kutani ke loko ndzi ta va ndzi hetile sweswo, ni loko ndzi ta va ndzi vekile mali hinkwayo emavokweni ya vona, ndzi ta hundza hi le ka n'wina, loko ndzi ya le Spaniya.

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

2 Vakorinto 11:16

Ndzi engeta ndzi vula kambe, ndzi ri: Munhu a nga tshuki a anakanya leswaku ndzi xiphukuphuku; hambiswiritano, loko mi anakanya sweswo, ndzi amukeleni ni loko ndzi ri xiphukuphuku xexo; ndzi tshikeni ndzi tidzunisanyana.

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Yuda 1:11

Khombo eka vona! Hikuva va khomile ndlela ya Kayini; hi ku navela bindzu, va tinyiketa emintirhweni leyo homboloka ya Balaama, va tilovisa hi makanetele yo fana ni ya Kora.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Mikiya 7:1

Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

2 Petro 2:15

Va tshikile ndlela leyinene, va landza ntila wa Balaama n'wana Beyori, loyi a rhandzeke bindzu hi ku endla leswo homboloka.

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.