Vafilipiya 3:21 - BIBELE Mahungu Lamanene

²¹ Ú ta hundzula miri wa hina lowu solekaka, a wu endla lowu fanaka ni miri wa yena lowo kwetsima, hi matimba lawa ha wona a kotaka ku veka hinkwaswo ehansi ka mfumo wa yena.

Testamente Leyimpsha Xichangana

²¹ Atahundzula miri wa hina lowusolekaka, awuyendla lowufanaka ni miri wa yena lowokwetsima, hi matimba lawa ha wona akotaka kuveka hinkwasvu hansi ka mfumu wa yena.

Xitsonga (Bibele)

²¹ la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.

Vafilipiya 3:21 Referans Kwoze

Vakolosa 3:4

Vutomi bya n'wina bya xiviri i Kriste, kutani loko a humelela, na n'wina mi ta humelela na yena eku kwetsimeni.

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.

Matewu 28:18

Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni;

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Nhlavutelo 1:8

“Hi mina Alfa na Omega”, ku vula Hosi Xikwembu, “loyi a nga kona, loyi a a ri kona, loyi a taka, Lowa-matimba-hinkwawo.”

Matewu 22:29

Yesu a va hlamula, a ku: “Mi lahlekile ngopfu, hikuva a mi tivi Matsalwa ni matimba ya Xikwembu.

Hosiya 13:14

Xana ndzi nga va kutsula ematimbeni ya xivandla xa vafi xana? Xana ndzi nga va ponisa eka rifu xana? We rifu, mintungu ya wena yi kwihi, we xivandla xa vafi, ndzhombo wa wena wu kwihi ke? Sweswi a ndza ha ri na ku twela vusiwana.

Esaya 25:8

HOSI N'wini wa hinkwaswo ú ta herisa rifu ri helela makumu; vanhu hinkwavo, ú ta va sula mihloti, a endla leswaku emisaveni hinkwayo, vanhu va yena va nga hlekuriwi. Leswi swi vuriwile hi HOSI Xikwembu.

Risimu ra Tinsimu 1:11

Hi ta ku endlela nketani ya nsuku, hi yi sasekisa hi silivhere.