Vafilipiya 2:7 - BIBELE Mahungu Lamanene

⁷ kambe ú titshiketile hi ku teka xiyimo xa nandza, a velekiwa a ri la fanaka ni vanhu. Loko a voniwile a ri la kotisaka munhu,

Testamente Leyimpsha Xichangana

⁷ kambe atitshikile hi kuteka xiyimu xa xikarawa, avelekiwa na ali lweyi afanaka ni vanhu. Loko avoniwile na ali lweyi afanaka ni munhu,

Xitsonga (Bibele)

⁷ kambe u tithangurile hi ku teka xiyimo xa nandza, a tiendla la fanaka ni vanhu;

Vafilipiya 2:7 Referans Kwoze

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

Varhoma 15:3

Hikuva hambi a ri Kriste, a nga titsakisanga, kambe, hilaha ku tsariweke ha kona: “Ku sandza ka lava ku sandzaka ku ndzi wele henhla.”

Esaya 53:11

Ú ta vona mihandzu ya maxangu ya yena layo chavisa, kutani a tsaka. HOSI Xikwembu xi ri: “Nandza wa mina ú tiva ku rhandza ka mina; leswi a nga riki na nandzu, ú ta ntshunxa lavo tala emilandzwini ya vona hikuva ú biwile ematshan'wini ya vona.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Luka 22:27

Hikuva lonkulu i mani xana? Xana hi loyi a tshamaka eswakudyeni, kumbe hi loyi a tirhaka ku phamela van'wana xana? Ma swi tiva, hi loyi a tshamaka eswakudyeni. Kambe mina ndzi le xikarhi ka n'wina ndzi ri loyi a tirhelaka van'wana.

Varhoma 15:8

Hikuva ndza mi byela leswaku Kriste ú ve nandza eka Vayuda, ku kombisa ku tshembeka ka Xikwembu, ni ku endla leswaku switshembiso leswi nga nyikiwa vakokwana swi hetiseka,

Vafilipiya 2:6

A a ri ni xiyimo xin'we ni Xikwembu, kutani a nga tekanga ku ringana ka yena ni Xikwembu xi va xilo lexi a nga khomelelaka eka xona,

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Pisalema 22:6

Kambe mina a ndzi munhu wa nchumu, ndzo va xivungu; vanhu va ndzi monya, va ndzi langutela hansi.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Matewu 12:18

“Vonani nandza wa mina loyi ndzi nga tihlawulela yena, murhandziwa wanga loyi mbilu ya mina yi n'wi tsakelaka. Ndzi ta veka moya wa mina ehenhla ka yena, kutani ú ta tivisa vamatiko leswaku ku avanyisa loko lulama ku kona;

Vaheveru 13:3

Anakanyani lava nge khotsweni, ku fana ni loko onge na n'wina mi ri ekhotsweni na vona; kutani ni lava va xanisiwaka, mi fanele ku titwa mi ri na vona, hikuva na n'wina mi ni miri.

Varhoma 1:3

yi vulavula hi N'wana wa xona, Hosi ya hina Yesu Kriste, loyi a nga huma erixakeni ra Davhida hi tlhelo ra ku va munhu wa nyama;

Marka 9:12

A va hlamula a ku: “Eliya ú fanele ku rhanga a ta hakunene, a tlhela a pfuxeta hinkwaswo; kambe hikwalaho ka yini ku tsariwile leswaku N'wana-wa-Munhu ú ta fanela ku twisiwa ku vaviseka lokukulu, a va a soriwa ke?

Zakariya 3:8

HOSI Xikwembu xi ri: “We Yoxuwa muprista lonkulu, yingisa! Yingisani na n'wina vaprista-kulobye lava mi tshameke na yena: Hakunene, mi vanhu lava hlolaka leswinene; vonani, ndzi ta mi rhumela nandza wa mina loyi va nge i Hluke.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Esaya 49:3

Kutani xi ku ka mina: ‘We Israele, u nandza wa mina, ndzi ta dzunisiwa hikwalaho ka wena.’

2 Vakorinto 13:4

A a tsanile loko a vambiwa exihambanweni, kambe sweswi, hi matimba ya Xikwembu, wa hanya. Na hina, ha tsana swin'we na yena, kambe matimba ya Xikwembu ma ta hi nyika vutomi bya yena, leswaku hi kota ku tirha exikarhi ka n'wina.