Vafilipiya 2:15 - BIBELE Mahungu Lamanene

¹⁵ leswaku mi ta pfumala nandzu, mi va lava tengeke, mi va vana va Xikwembu lava nga riki na xisandzu exikarhi ka rixaka lero homboloka, leri tiarisaka; mi fanele ku vangama exikarhi ka rona kukota timboni, laha misaveni,

Testamente Leyimpsha Xichangana

¹⁵ lesvaku mitapfumala nandzu, miva lavabaseke, miva vana va Xikwembu lavangaliki na xisandzu xikarhi ka rixaka lerohomboloka, leritiyalisaka; mifanela kuphatima xikarhi ka rona kufana ni tinyeleti, laha misaveni,

Xitsonga (Bibele)

¹⁵ leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Vafilipiya 2:15 Referans Kwoze

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Matewu 5:45

leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.

Esaya 60:1

We Yerusalema, suka u yima u vangama, hikuva ku vonakala ka wena ku tile, ni ku dzuneka ka HOSI Xikwembu ku le henhla ka wena.

1 Vatesalonika 5:23

Ingi Xikwembu xa ku rhula xona ha xoxe, xi nga mi endla lava hlawulekeke hi matlhelo hinkwawo. Ingi mimoya ya n'wina, ni timbilu ta n'wina, ni miri wa n'wina, swi nga hlayiseka swi basile, swi nga ri na nandzu siku Hosi ya hina Yesu Kriste a vuyaka.

Duteronoma 32:5

Kambe n'wina mi xi dyoherile, a ma ha ri vana va xona, hikuva mi tionhile, mi vanhu vo homboloka, va mahanyelo yo biha.

2 Petro 3:14

Hikokwalaho, varhandziwa, leswi mi languteleke swilo leswi, chivirikani leswaku Xikwembu xi mi kuma mi nga ri na xivati kumbe xisandzu, naswona mi ri ni ku rhula.

1 Vakorinto 1:8

loyi a nga ta mi tiyisa ku yisa eku heteleleni, mi va lava nga solekiki hi siku ra Hosi ya hina Yesu Kriste.

Tito 2:10

kumbe ku va yivela, kambe ematshan'wini ya swona a va tikombe leswaku va lulamile ni ku tshembeka masiku hinkwawo, kutani eka hinkwaswo leswi va swi endlaka va ta komba ku saseka ka leswi dyondzisiwaka hi tlhelo ra Xikwembu Muponisi wa hina.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Matewu 5:48

Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

1 Timotiya 3:10

Naswona, a va rhange hi ku kambiwa, kutani loko va tikomba leswaku va hava xisandzu, va nga tirha ntirho wa vona wa vatirheli ekerekeni.

1 Timotiya 3:2

Hikokwalaho, mufambisi ú fanele ku va munhu la nga riki na xisandzu, a teka nsati un'we ntsena, a dya hi ku pima, a tikhoma, a chaviseka, a tsakela vaendzi, a kota ku dyondzisa.

Vafilipiya 1:10

mi ta kota ku hlawula leswi nga swinene ku tlula swin'wana; hi mukhuva wolowo, mi ta va lava tengeke, mi nga ha ri na nandzu ku fikela esikwini ra Kriste;

Vaefesa 5:27

Ú naverile ku yimisa Kereke emahlweni ka yena, hi ku saseka ka yona hinkwako, yi nga ri na xivati kumbe minkonya, kumbe xin'wana lexi fanaka na swona, kambe yi ri leyi hlawulekeke, leyi nga riki na xisandzu.

Varhoma 16:19

Ku yingisa ka n'wina ku twakele eka vanhu hinkwavo; ndzi tsaka hi n'wina emhakeni leyi; kambe ndzi lava leswaku mi va lavo tlhariha hi tlhelo ra leswinene, ni lava nga tiviki nchumu hi tlhelo ra leswo biha.

Timhaka 2:40

Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

Tito 1:6

Nkulukumba ú fanele ku va munhu la nga riki na xisandzu, a va ni nsati un'we ntsena; vana va yena va fanele ku va vapfumeri, lava nga soriwiki hikwalaho ka mahanyelo ya vona ya vusopfa, ni ku tiarisa ka vona,

1 Timotiya 5:20

Loko ku ri ni vakulukumba lava va phikelelaka ku dyoha, va tshinye erivaleni, leswaku lavan'wana va ta chava.

Timhaka 20:30

naswona, ndzi tiva leswaku ku ta huma van'wana exikarhi ka n'wina lava nga ta vula mavunwa ku tilavela vadyondzisiwa.

Yohane 5:35

Yohane a a ri rivoni leri pfurhaka ni ku vangama; kutani n'wina mi swi nkhensile, mi tsakela hi nkarhinyana ku vonakala ka yena.

Luka 6:35

Kambe n'wina, rhandzani valala va n'wina, mi endlela vanhu leswinene; lombani mi nga languteli ku tlheriseriwa, kutani hakelo ya n'wina yi ta va leyikulu; mi ta va vana va Loyi-a-nge-henhla-henhla, hikuva yena ú ni tintswalo eka lava nga tiviki ku nkhensa ni ka lavo biha.

Matewu 17:17

Yesu a hlamula, a ku: “Ha! Rixaka leri nga pfumeriki, lero homboloka, ndzi ta va na n'wina ku fikela rini ke? Ndzi ta mi lehisela mbilu ku fikela rini ke? N'wi tiseni haleno.”

Pisalema 122:5

Hi kona laha murhangeri wa tiko, yena munhu wa ka Davhida, a avanyisaka timhaka a ri kona.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.

1 Timotiya 5:14

Mina a ndzi ta tsakela leswaku vavasati va tinoni lavantshwa va tekiwa, va kuma vana, va hlayisa mindyangu ya vona, va nga nyiki nala enkarhi wa ku hi hleva.

1 Timotiya 5:7

Lerisa timhaka leti, leswaku va ta pfumala xisandzu.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Swivuriso 8:8

Hinkwaswo leswi ndzi swi vulaka swi lulamile, a ku na xin'we xa swona lexi gombonyokeke kumbe ku huma endleleni;

Daniele 6:4

Kutani tihosana ni valanguteri lavan'wana va lava lexi va nga hehlaka Daniele ha xona entirhweni wa yena wa mfumo, kambe a va kumanga na xin'we lexi hoxekeke, hikuva a a tirha hi ku tshembeka.

Vafilipiya 3:6

loko ku ri ku hiseka, hi mina ndzi nga xanisa kereke; hi tlhelo ra ku va munhu wo lulama hi ku hlayisa Nawu, a ndzi nga ri na nandzu.

Nhlavutelo 2:5

Hikokwalaho ke, anakanya laha u nga suka u ri kona loko u wa, kutani hundzuka u vuyela emintirhweni leyi a wu yi endla eku sunguleni. Loko swi nga ri tano, ndzi ta ta eka wena, ndzi ta susa xitlhoma-timboni xa wena laha xi nga kona, loko u nga hundzuki.

Eksoda 34:35

Vaisraele a va vona mombo wa yena wu ri karhi wu hatima; hikokwalaho, a a tisiva mombo hi xincekana, ku kondza loko a tlhelela entsongeni ku ya vulavula na HOSI Xikwembu.