Vafilipiya 2:14 - BIBELE Mahungu Lamanene

¹⁴ Endlani swilo hinkwaswo ehandle ka ku n'unun'uta ni ku phikisana,

Testamente Leyimpsha Xichangana

¹⁴ Yendlani svilo hinkwasvu handle ka kuvulavulela matlhelweni ni kuphikizana,

Xitsonga (Bibele)

¹⁴ Endlani hinkwaswo mi nga n'unun'uti ni ku kanetana,

Vafilipiya 2:14 Referans Kwoze

1 Petro 4:9

Titoloveteni ku amukela vaendzi mi rhurhelana, ehandle ka ku vilerisana.

1 Vakorinto 10:10

Mi nga ngurangureni ku fana ni leswi van'wana va vona va endliseke swona; kutani va herisiwile hi Ntsumi leyi dlayaka.

Vafilipiya 2:3

Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Yakobo 5:9

Mi nga ngurangurisani, vamakwerhu, leswaku mi ta ka mi nga avanyisiwi. Vonani, muavanyisi ú yimile enyangweni.

Varhoma 12:18

Endlani hinkwaswo leswi mi swi kotaka, hi tlhelo ra n'wina, ku hanyisana ni vanhu hinkwavo hi ku rhula.

1 Vatesalonika 5:15

Vonani leswaku ku nga vi na loyi a tlheriselaka swo biha hi leswo biha; kambe hi masiku hinkwawo, ringetani ku endlelana leswinene, mi swi endla ni le ka hinkwavo.

Yakobo 1:20

Hikuva vukari bya munhu a byi yisi makungu layo lulama ya Xikwembu emahlweni.

Vagalatiya 5:26

Hi nga tshuki hi titiva ngopfu; a hi chaveni ku pfukana ni ku vondzokana.

Vagalatiya 5:15

Kambe loko mi lumana ni ku kakatlulana, tivoneleni leswaku mi nga hetani hi rixaka.

Yakobo 3:14

Kambe loko timbilu ta n'wina ti tele mavondzo ni moya wo tirhandza, mi nga tshuki mi tikurisa mi hembela ntiyiso.

Varhoma 14:1

Loyi a tsaneke eku pfumeleni, n'wi amukeleni, kambe mi nga phikisani na yena loko mi hambana hi mianakanyo.

Pisalema 106:25

va n'unun'uta va ha ri emixaxeni ya vona, va ala ku yingisa rito ra HOSI Xikwembu;

Yuda 1:16

Lava i vanhu vo tshamela ku ngurangureka ni ku vilela, lava susumetiwaka hi ku navela ka vona loko biha, vanhu va manyunyu lava tikurisaka, lava xisaka van'wana hi ku va bumabumela, kasi va lava ku vuyeriwa.

1 Petro 3:11

a a tshike leswo homboloka a endla swo lulama; a a lave ku rhula a tiyisela endleleni ya kona.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Varhoma 16:17

Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

Timhaka 15:2

Kambe Pawulo na Barnaba va hambana ngopfu na vona emhakeni leyi, va kanetana na vona hi matimba; kutani va lulamisa leswaku Pawulo na Barnaba va ta ya eYerusalema va ri ni van'wana va Antiyoka, ku ya vutisa mhaka leyi eka vaapostola ni ka vakulukumba.

Timhaka 6:1

Hi masiku walawo, loko vadyondzisiwa va ya va ri karhi va andza, van'wana va vona lava a va vulavula Xigriki va dzumadzumela lava a va vulavula ririmi ra Vayuda, va ku tinoni ta ka vona ta tsoniwa loko ku phakiwa swa siku rin'wana ni rin'wana.

1 Vatesalonika 5:13

mi va xixima swinene hi rirhandzu, hikwalaho ka ntirho wa vona. Hanyani swin'we hi ku rhula.

Tinhlayo 14:27

“Xana ntshungu lowu wa vabihi wu ta ndzi dzumadzumela ku ya fika rini xana? Ndzi va twile Vaisraele lava loko va ri karhi va ndzi dzumadzumela.

2 Vakorinto 12:20

Ndzi chava leswaku, loko ndzi ta, ndzi ta mi kuma mi nga ha fani na leswi ndzi swi lavisaka swona, ni leswaku na mina, mi ta ndzi kuma ndzi nga ha fani na leswi mi swi lavisaka swona. Ndzi chava leswaku loko ndzi ta, ndzi ta kuma timholovo, ni mavondzo, ni vuntswaka, ni ku tirhandza, ni ku rhuketelana, ni mahlevo, ni ku tikukumuxa, ni madzolonga.

Timhaka 15:39

Kutani ku humelela mholovo exikarhi ka vona, va kondza va avana; Barnaba a teka Marka, a ya eKipra hi ngalava.

Timhaka 15:7

Kuteloko va yi kanerile nkarhi wo leha, Petro a yima, a ku ka vona: “Vavanuna varikwerhu, ma swi tiva leswaku Xikwembu xi ndzi hlawurile exikarhi ka n'wina loko kereke ya ha ku sungula, leswaku vamatiko va ta twa rito ra Evhangeli hi nomo wa mina, va kondza va pfumela.

Marka 14:5

Kasi a ma ta xavisiwa ma kuma tidenari leti tlulaka 300; mali ya kona a yi ta nyikiwa swisiwana!” Kutani va n'wi tshinya.

Matewu 20:11

loko va yi kumile, va dzumadzumela n'wini wa muti,

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Marka 9:14

Kuteloko va fikile eka vadyondzisiwa lavan'wana, va kuma ntshungu lowukulu wu va rhendzerile va sala xikarhi, ni vatsari va ri karhi va kanetana na vona.

Luka 5:30

Vafarisi ni vatsari va ntlawa wa vona va n'unun'uta va ku ka vadyondzisiwa va yena: “Xana mi dyela yini ni valuvisi ni vadyohi, mi nwela yini na vona ke?”