Vafilipiya 1:26 - BIBELE Mahungu Lamanene

²⁶ Hikokwalaho, loko ndzi tlhela ndzi ta ku ta tshama na n'wina, mi ta kota ku tidzunisa ha Yesu Kriste ku tlula ni khale, hikwalaho ka mina.

Testamente Leyimpsha Xichangana

²⁶ Hikolaho, loko nitlhela nita hitatshama na n'wina, mitakota kutidzunisa ha Yesu Kriste kutlula ni khale, hikolaho ka mina.

Xitsonga (Bibele)

²⁶ leswaku loko ndzi tlhela ndzi va kona eka n'wina, ku tidzunisa ka n'wina ha mina ku ta engeteleka eka Yesu Kriste.

Vafilipiya 1:26 Referans Kwoze

2 Vakorinto 1:14

hambiloko namuntlha mi nga swi twisisi ngopfu; hikokwalaho, mi ta tidzunisa hi hina esikwini ra Hosi Yesu, hilaha na hina hi nga ta tidzunisa hi n'wina hakona.

2 Vakorinto 5:12

A hi tlheli hi titivisa eka n'wina, kambe ho mi nyika nkarhi wa ku tidzunisa ha hina, mi ta tiva ku hlamula lava va tidzunisaka hi swa le handle, ku nga ri hi swa le mbilwini.

Vafilipiya 4:4

Titsakeleni eHosini masiku hinkwawo; ndzi tlhela ndzi vurisa sweswo, ndzi ri: Titsakeleni!

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Vafilipiya 4:10

Ndzi tsakisiwile ngopfu eHosini hi mhaka ya leswi, endzhaku ka nkarhi lowo leha, mi pfuxeteke torha ra n'wina ra ku ndzi pfuna; torha leri a mi ri na rona hakunene, ntsena a mi ri hava ndlela yo ndzi komba rona.

Vafilipiya 3:1

Kutani sweswi vamakwerhu, titsakeleni eHosini. A swi ndzi karhati ku engeta ndzi mi tsalela swo fana, naswona swi pfuna ku mi tiyisa.

2 Vakorinto 7:6

Kambe Xikwembu lexi chavelelaka lava heleke matimba, xi ndzi chavelerile hi ku fika ka Tito;

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

Yohane 16:22

Swi tano na n'wina: Mi twa ku vaviseka sweswi, kambe ndzi ta tlhela ndzi mi vona, kutani timbilu ta n'wina ti ta tsaka, kutani a ku na munhu la nga ta mi tekela ku tsaka ka n'wina.

Risimu ra Tinsimu 5:1

Ndzi ta entangeni wa mina, murhandziwa, we nhwana wanga, ndzi ta hlengeleta mafurha ya mirha ni swinun'hweriso swa mina, ndzi dya swihlenge swa mina ni vulombe bya swona, ndzi nwa vhinyo ya mina ni ntswamba wa mina. N'wina vanakulorhi, dyanani mi nwa, nwanani mi kolwa, n'we vanghana.

2 Vakorinto 7:4

Ndzi vulavula na n'wina, ndzi ri karhi ndzi mi tshemba ngopfu; ndzi tikurisa ngopfu hi n'wina; ndzi tala hi ku chaveleriwa; emaxangwini hinkwawo ya hina, ndza tsaka ndzi tsakisisa.

2 Vakorinto 7:14

Hambiloko ndzi tidzunisile emahlweni ka yena hi mhaka ya n'wina, a mi ndzi khomisanga tingana. A hi mi byelanga nchumu wun'wana, loko wu nga ri ntiyiso ntsena. Hi mukhuva wolowo ku tidzunisa ka hina emahlweni ka Tito, ku kumekile wu ri ntiyiso.

Vagalatiya 6:4

Un'wana ni un'wana a a kambisise ntirho wa yena, ku ri kona laha a nga kotaka ku tidzunisa hi swa yena, ku nga ri hi swa un'wana;