Vaefesa 6:5 - BIBELE Mahungu Lamanene

⁵ N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;

Testamente Leyimpsha Xichangana

⁵ N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri;

Xitsonga (Bibele)

⁵ N'wina malandza, yingisani vini va n'wina enyameni hi xichavo, ni ku rhurhumela, timbilu ta n'wina ti basile, kukotisa loko mi yingisa Kriste,

Vaefesa 6:5 Referans Kwoze

Vaefesa 5:22

N'wina vavasati, titsongahateni eka vanuna va n'wina, kukota loko mi titsongahata eka Hosi.

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

1 Petro 3:2

hikuva va ta vona xichavo xa n'wina ni ku tenga ka mikhuva ya n'wina.

Filemoni 1:16

a nga ha ri hlonga, kambe a ri la tlulaka hlonga hi xiyimo, a va makwavo la rhandzekaka; eka mina, ú rhandzeka swinene, kambe eka wena, ú ta rhandzeka ku tlula sweswo, a ri munhu, ni makwenu eHosini.

Vafilipiya 2:12

Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;

Pisalema 86:11

We HOSI, ndzi dyondzise tindlela ta wena, leswaku ndzi ta famba entiyisweni; mbilu ya mina a yi lave xilo xin'we ntsena, ku nga ku xixima vito ra wena.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

1 Vakorinto 7:22

Hikuva loyi a vitaniweke ku va wa Hosi a ri hlonga, i muntshunxiwa wa Hosi; ni loyi a vitaniweke a ri muntshunxiwa i hlonga ra Kriste.

Matewu 8:9

hikuva, mina ndzi nga munhu la fumiwaka hi van'wana, ndzi ni masocha ehansi ka mina; loko ndzi ku eka rin'wana ra wona: ‘Famba!’ ra famba; ni ka rin'wana: ‘Tana!’ ra ta; ni le ka nandza wa mina: ‘Endla leswo karhi!’ wa swi endla.”

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Genesa 16:9

Ntsumi ya HOSI Xikwembu yi ku ka yena: “Tlhelela eka n'wini wa wena, u hamba u titsongahata eka yena.”

Vaefesa 6:24

Tintswalo a ti ve ni hinkwavo lava rhandzaka Hosi ya hina Yesu Kriste hi rirhandzu leri nga onhakiki!

Pisalema 123:2

Malandza ya xinuna ni ya xisati a ma tshiki ku languta eka vinyi va wona. Hi mukhuva wolowo na hina a hi tshiki ku languta eka HOSI Xikwembu xa hina, xi kondza xi hi twela vusiwana.

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

2 Vakorinto 7:15

Hikokwalaho, rirhandzu ra yena eka n'wina ri yile ri kula loko a anakanya hilaha mi yingiseke hakona, n'wina hinkwenu, ni hilaha mi n'wi amukeleke hakona, hi xichavo ni ku rhurhumela.

1 Vakorinto 2:3

Loko ndzi tile eka n'wina, a ndzi ri la tsaneke, ni ku chava, ni ku rhurhumela ngopfu.

Timhaka 2:46

Masiku hinkwawo a va chivirika ku hlangana eTempeleni, va ri mbilu yin'we, naswona a va hlangana va phema xinkwa emindyangwini ya vona, va dya swakudya swa vona hi ku tsaka lokukulu ni timbilu to basa,

Matewu 6:22

“Rivoni ra miri i tihlo; hikwalaho, loko tihlo ra wena ri tsakile, miri wa wena hinkwawo wu ta va eku vonakaleni.

Varhoma 9:3

Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.