Vaefesa 6:4 - BIBELE Mahungu Lamanene

⁴ Na n'wina vatatana, mi nga dyisi vana va n'wina embitsi, kambe mi va kurisa, hi ku va laya ni ku va dyondzisa ta Hosi.

Testamente Leyimpsha Xichangana

⁴ Na n'wina vatatana, mingaxaniseni vana va n'wina, kambe mivawundla, hi kuvalaya ni kuvajondzisa ta Hosi.

Xitsonga (Bibele)

⁴ Na n'wina vatatana, mi nga tshuki mi dyisa vana va n'wina mbitsi, kambe va kuriseni eku layeni ni le ku dyondziseni ka Hosi.

Vaefesa 6:4 Referans Kwoze

Vakolosa 3:21

Vatatana, mi nga hlundzukisi vana va n'wina, leswaku va nga ti hela mbilu.

Swivuriso 22:6

Komba n'wana wa wena ndlela ya vutomi a ha ri ntsongo, leswaku ni loko a kurile, a ta ka a nga hambuki eka yona.

Swivuriso 29:15

Nkhavi ni ku tshinyiwa, swa tlharihisa; n'wana la kulaka a nga layiwi, ú ta khomisa mana wa yena tingana.

Swivuriso 19:18

Tshinya n'wana a ha ri ntsongo, kambe loko u n'wi ba, u nga beli ku dlaya.

Duteronoma 6:7

naswona u fanele ku tikarhata u ma dyondzisa vana va wena. Vulavula ha wona minkarhi hinkwayo, ku nga va loko mi tshamile emakaya, kumbe loko mi ri eriendzweni, kumbe loko mi etlela, kumbe loko mi pfuka.

Swivuriso 29:17

Loko u tshinya n'wana wa wena, ú ta ku nyika ku rhula, a phyuphyisa moya wa wena.

2 Timotiya 3:15

naswona u tiva leswaku ku sukela evuhlangini bya wena, u toloverile Matsalwa layo Hlawuleka, lama kotaka ku ku letela, ma ku ponisa hi ku pfumela eka Kriste Yesu.

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

Duteronoma 4:9

“Hlayisani timhaka leti swinene, mi ti veka embilwini; mi nga tshuki mi rivala leswi mi swi voneke; evutomini hinkwabyo bya n'wina, mi nga tshuki mi hambana na swona; vana va n'wina ni vatukulu va n'wina, va dyondziseni swona.

2 Timotiya 1:5

ndzi tsundzuka ta ku pfumela ka wena loku tiyeke, ku nga ku pfumela loku nga rhanga ku aka eka kokwa wa wena Luwisa ni mana wa wena Yunika, kutani sweswi ndzi tshemba swinene leswaku ku akile ni le ka wena.

Swivuriso 22:15

Vuphukuphuku byi namarhela mbilu ya lontshwa, kambe nkhavi wa byi namurhuta byi suka eka yena.

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

Esaya 38:19

Vanhu lava hanyaka, hi vona ntsena lava kotaka ku ku nkhensa, ku fana na mina ndzi ku nkhensaka sweswi; vatswari a va dyondzise vana va vona leswaku u Xikwembu xo tshembeka.

Yoxuwa 24:15

Loko mi nga swi lavi ku tirhela HOSI Xikwembu, namuntlha hlawulani loyi mi rhandzaka ku tirhela yena: Ku nga va swikwembu leswi vatata wa n'wina va swi tirheleke exifundzheni lexi xi nga entsungeni wa nambu wa Yufrata, kumbe swikwembu swa Vaamori lava mi tshamaka etikweni ra vona; kambe loko a ri mina ni ndyangu wa mina, hi ta tirhela HOSI Xikwembu.”

1 TIKRONIKA 29:19

We HOSI, ndzi kombela leswaku u nyika Solomoni n'wana wa mina matimba ya ku hlayisa swileriso swa wena, ni switsundzuxo swa wena, ni milawu ya wena, leswaku a ta aka Tempele hi nhundzu leyi ndzi yi hlengeleteke.”

Vaefesa 6:3

“leswaku u kateka, ni leswaku u hanya masiku layo tala emisaveni leyi.”

Vaavanyisi 13:12

Manowaka a n'wi vutisa a ku: “Loko swilo leswi u swi vulaka swi humelela, mufana loyi ú fanele ku hanyisa ku yini, naswona ú fanele ku tirha yini xana?”