Vaefesa 6:10 - BIBELE Mahungu Lamanene

¹⁰ Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

Testamente Leyimpsha Xichangana

¹⁰ Kuheteleleni nili, tiyani svinene, minamarhela Hosi, mitiseketela hi ntamu wa yona lowungatsandziwiki hi nchumu.

Xitsonga (Bibele)

¹⁰ Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Vaefesa 6:10 Referans Kwoze

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

1 Vakorinto 16:13

Hitekani, mi tiya swinene eku pfumeleni, mi va vavanuna, mi tinyika matimba.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

Vakolosa 1:11

Mawaku loko mi nga tiyisiwa swinene hi matimba, hi ku ya hi ntamu wa xona wo twakala, mi kota ku tiyisela swinene, ni ku leha mbilu mi tsakile.

Vaefesa 1:19

mi ta tiva ni vukulu lebyi nga pimekiki bya matimba ya xona lama tirhaka exikarhi ka hina lava pfumelaka. Matimba lamakulu lawa,

Vaefesa 3:16

Ndzi kombela Xikwembu leswaku entalweni wa ku dzuneka ka xona, xi mi nyika matimba, hi Moya wa xona, ku tiya emunhwini wa n'wina wa le ndzeni,

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Esaya 40:28

Xana a mi tivi nchumu, a mi twanga nchumu ke? HOSI Xikwembu, xona Xikwembu lexi nga kona hilaha ku nga heriki, lexi tumbuluxeke misava hinkwayo, a xi karhali, a xi heli ntamu, makungu ya xona, a ma tivi hi munhu.

2 Timotiya 2:1

Hikokwalaho n'wananga, tiya entintswalweni leti nge ka Kriste Yesu.

2 TIKRONIKA 15:7

Kambe loko mi ri n'wina, tiyani mi nga heli mbilu, hikuva leswi mi swi endlaka, swi ta mi tisela hakelo.”

Hagayi 2:4

Kambe, hambiswiritano, tiya nhlana wena Zerubabele, ku vula mina HOSI. Tiya nhlana wena Yoxuwa muprista lonkulu n'wana Yosadaki. Na n'wina vaaki va tiko hinkwenu, tiyani nhlana; ndzi vula sweswo, mina HOSI. Tirhani, hikuva ndzi na n'wina, ku vula mina HOSI ya matimba hinkwawo.

Pisalema 138:3

Siku leri ndzi huweleleke eka wena, u ndzi hlamurile, u ndzi pfunile ndzi ko ndzi tiya swinene.

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

1 TIKRONIKA 28:10

Tsundzuka leswi: HOSI Xikwembu xi ku hlawurile leswaku u va wena loyi a nga ta aka Tempele ni xivandla xa yona lexo hlawuleka. Kutani sweswi tiya nhlana, u sungula ku tirha!”

1 SAMIELE 23:16

Yonatani n'wana Sawulo a suka a ya eka Davhida le Horexe, a ya n'wi khongotela leswaku a tiyisela a tshemba Xikwembu.

Zakariya 8:9

HOSI ya matimba hinkwawo yi vurisa sweswo yi ri: “Tirhani mi tiyile, hikuva namuntlha mi twa marito lama vuriwaka hi vaprofeta, loko yindlu ya HOSI Xikwembu xa matimba hinkwawo yi ri karhi yi akiwa hi vuntshwa emasungulweni ya yona.

Duteronoma 31:23

Kutani HOSI Xikwembu xi lerisa Yoxuwa n'wana Nuni, xi ku: “U fanele ku tiya, u va ni xivindzi, hikuva hi wena u nga ta fikisa Vaisraele etikweni leri ndzi hlambanyeke ku va nyika rona. Mina ndzi ta va na wena.”

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

2 Vakorinto 13:11

Sweswi ke, vamakwerhu, ndzi ri: Salani! Ringetani ku hetiseka; amukelani ku tsundzuxa ka mina; mi va ni ku anakanya kun'we; mi hanya hi ku rhula; kutani Xikwembu xa rirhandzu ni xa ku rhula xi ta va na n'wina.

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

Vafilipiya 3:1

Kutani sweswi vamakwerhu, titsakeleni eHosini. A swi ndzi karhati ku engeta ndzi mi tsalela swo fana, naswona swi pfuna ku mi tiyisa.

1 Petro 4:11

Loko un'wana a nyikiwile ku vulavula, a a vulavule hi ku landza marito ya Xikwembu; loko un'wana a nyikiwile ku tirhela vanhu, a a swi endle tanihi loyi a swi tirhaka hi matimba lawa Xikwembu xi n'wi nyikaka wona, leswaku eswilweni hinkwaswo Xikwembu xi dzunisiwa ha Yesu Kriste. Ku dzuneka ni matimba swi le ka xona hilaha ku nga heriki. Amen.

1 Yohane 2:14

Ndzi tsalela n'wina, vana, hikuva mi tiva Tatana. Ndzi tsalela n'wina, vatatana, hikuva ma n'wi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi ni matimba, ni rito ra Xikwembu ri akile eka n'wina, naswona mi hlurile Lowo biha.