Vaefesa 5:8 - BIBELE Mahungu Lamanene

⁸ Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Testamente Leyimpsha Xichangana

⁸ Hikuva khale n'wina hi n'wexe amili munyameni, kambe svosvi, lesvi mingahundzuka vanhu va Hosi, mi le kuvonakaleni. Hanyani kufana ni vanhu va kuvonakala,

Xitsonga (Bibele)

⁸ Hikuva khale a mi ri vamunyama kambe sweswi, mi va ku vonakala eHosini;

Vaefesa 5:8 Referans Kwoze

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Vakolosa 1:13

Ú hi humesile ematimbeni ya munyama, a hi rhurhisela eku fumeni ka N'wana wa yena loyi a rhandzekaka,

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Vaefesa 4:18

Mianakanyo ya vona yi le munyameni; a va na ku averiwa evutomini bya Xikwembu, hikuva eka vona vutivi ku hava, na swona timbilu ta vona ti tlanyarile,

Yohane 12:36

Loko ma ha ri ni ku vonakala, pfumelani eka ku vonakala, leswaku mi hundzuka vanhu va ku vonakala.” Loko Yesu a vurile sweswo, a suka a ya tifihla kule na vona.

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Yeremiya 13:16

Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Luka 16:8

Kutani n'wini a dzunisa mulanguteri wo kala a nga tshembekanga, hikuva a a endlile hi vutlhari.” Yesu a engeta a ku: “Vanhu va misava leyi va tlharihile eku tirhisaneni ni va ka vona ku tlula vanhu va ku vonakala.

Esaya 2:5

N'wina va ka Yakobo, tanani hi famba eku vonakaleni ka HOSI!

Vaefesa 6:12

Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Luka 1:79

ku ta voninga lava nga tshama emunyameni ni le ndzhutini wa rifu, ni ku hi fambisa etindleleni ta ku rhula.”

2 Vakorinto 6:14

Mi nga rhwaleni mpingu wun'we ni lava nga riki vapfumeri; hikuva ku tirhisana ku kwihi exikarhi ka ku lulama ni ku homboloka xana? Kumbe ku vonakala ku ni ku yelana kwihi ni munyama ke?

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Varhoma 2:19

wena u kholwaka leswaku u mufambisi wa lavo-fe-mahlo ni ku vonakala ka lava nga munyameni,

Yohane 1:9

Ku vonakala ka xiviri loku voningaka munhu un'wana ni un'wana, a ku ri endleleni ku ta emisaveni.

Matewu 4:16

Vanhu lava a va ri emunyameni, va vonile ku vonakala lokukulu; lava a va tshama etikweni ra rifu ni xinyami, va fikeriwe hi ku vonakala.”

Esaya 49:9

Eka lava pfaleriweke, ndzi ta ku: ‘Humani ekhotsweni!’ Eka lava tshamaka exinyamini, ndzi ta ku: ‘Humelani ehandle!’ Loko va ri endleleni, a va nga pfumali swakudya, hambi ku ri etindhawini leti omeke, va ta dya va xurha.

Vagalatiya 5:25

Leswi Moya wu hi nyikeke vutomi, a hi hanyeni hi ku letela ka wona.

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Timhaka 17:30

Hambiswiritano, Xikwembu xi tshikile minkarhi ya ku pfumala ku tiva yi hundza, kutani sweswi, ematikweni hinkwawo xi lerisa vanhu leswaku va hundzuka hinkwavo.

Pisalema 74:20

Tsundzuka ntwanano lowu u wu endleke na hina, hikuva etindhawini leto tala laha tikweni ku tumbele vanhu va tihanyi.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Matewu 3:8

Vekani mihandzu leyi fambelanaka ni ku hundzuka ka n'wina.

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.