Vaefesa 5:3 - BIBELE Mahungu Lamanene

³ Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

Testamente Leyimpsha Xichangana

³ Mi vahlawuliwa va Xikwembu, kutani vuwosvi, ni sva chaka hinkwasvu, ni makwanga, asvilaveki xikarhi ka n'wina, ni kukumbuka svingakumbukiwi.

Xitsonga (Bibele)

³ Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

Vaefesa 5:3 Referans Kwoze

Vakolosa 3:5

Loko swi ri tano, dlayani leswi swi nga swa misava eka n'wina, hileswaku vuoswi, ni swa thyaka, ni ku hisekela swa tingana, ni ku navela loko biha, ni makwanga, ku nga ku gandzela swikwembu swa hava.

Vaefesa 5:5

Tivani mhaka leyi: Ku hava munhu ni un'we la nga ta averiwa ndzhaka eMfun'weni wa Kriste ni wa Xikwembu, loko a ri la oswaka, kumbe la endlaka swa thyaka, kumbe la nga ni makwanga, ku nga ku gandzela swikwembu swa hava.

1 Vatesalonika 4:3

naswona ku rhandza ka Xikwembu hi loku: Hileswaku mi endliwa lava tengeke, hi ku fularhela vuoswi hinkwabyo.

1 Vakorinto 6:18

Chavani vuoswi! Xidyoho xin'wana ni xin'wana lexi munhu a xi endlaka xi le handle ka miri wa yena; kambe loyi a oswaka ú dyohela miri wa yena.

1 Vatesalonika 4:7

Hikuva Xikwembu a xi hi vitanelanga ku hanya ethyakeni, kambe eku tengeni.

1 Vakorinto 6:13

Un'wana a nga ku: “Swakudya i swa khwiri, kutani khwiri i ra swakudya.” Ina, kambe Xikwembu xi ta swi herisa hi vumbirhi bya swona. Miri a wu vumberiwanga vuoswi, kambe wu vumberiwe Hosi, ni Hosi i hosi ya miri.

Vaefesa 5:12

hikuva hambi ku ri ku vula ntsena leswi va swi endlaka exihundleni, swi khomisa tingana.

Matewu 15:19

Hikuva miehleketo leyo biha, ni ku dlayana, ni vuoswi, ni vuphukuphuku, ni ku yiva, ni vumbhoni byo hemba, ni ku sandzana, swi huma embilwini;

Nhlavutelo 2:21

Ndzi n'wi nyikile nkarhi leswaku a hundzuka, kambe wa ala ku hundzuka a tshika vuoswi bya yena.

1 Vakorinto 10:8

Hi nga tshuki hi nghena evuoswini, ku fana ni leswi van'wana va vona va endliseke swona, kutani hi siku rin'we ku lovile vanhu va 23 000.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Nhlavutelo 2:14

Hambiswiritano, ku ni swilo swi nga ri swingani leswi u ndzi vilerisaka ha swona: Hileswaku ku ni van'wana lava u nga na vona kwaleyo, lava khomelelaka edyondzweni ya Balaama, loyi a kuceteleke Balaka ku veka xikhunguvanyiso emahlweni ka Vaisraele, leswaku va dya swakudya leswi humeseriweke swikwembu swa hava, va endla ni vuoswi.

1 Vakorinto 5:1

Mhaka leyi hi yi twaka, hileswaku ku ni vuoswi exikarhi ka n'wina, lebyi ni le xikarhi ka vamatiko byi nga riki kona, lebyi fikaka laha un'wana a hanyaka ni nsati wa tata wa yena.

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Nhlavutelo 9:21

A va tshikanga ku dlayana, kumbe ku ya evangomeni, kumbe ku oswa, kumbe ku yiva.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Vaheveru 12:16

Ku nga vi na un'we la hundzukaka muoswi kumbe la nga riki na mhaka ni vukhongeri, ku fana na Esawu la nga xavisa vuhosi bya yena ku kuma mpandzwanyana wa swakudya.

2 Vakorinto 12:21

Ndzi chava leswaku loko ndzi ta le ka n'wina, Xikwembu xa mina xi nga tlhela xi ndzi tsongahata emahlweni ka n'wina, kutani ndza rila hikwalaho ka lavo tala lava dyoheke khale, lava nga hundzukangiki etimhakeni ta vona leto ka ti nga tenganga, ni ta vuoswi, ni ta manyala, leti va nga ti endla.

Tito 2:3

Byela ni vavasati lava kuleke leswaku va va ni mahanyelo lawa vanhu lavo hlawuleka va fanelaka ku va na wona; va nga vi na mahlevo, va nga vi mahlonga ya byalwa; a va dyondzise leswo lulama,

2 Timotiya 3:2

Hikuva vanhu va ta va lava tirhandzaka, va ta va lava rhandzaka mali ngopfu, ni ku tikurisa, ni ku titiva, ni ku rhukana; va ta va lava nga yingisiki vatswari va vona, lava nga riki na ku nkhensa, lava nga khongeriki;

Timhaka 15:20

kambe a hi va tsaleleni papila, hi va byela ku tshika swakudya leswi nyamisiweke hi ku humeseriwa swikwembu swa hava, va tshika ni vuoswi, va nga dyi leswi vanhu va swi dlayeke hi ku swi tlimba minkolo, ni ngati va nga dyi;

Eksoda 18:21

Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa.

2 Petro 2:14

Va ni mahlo lama taleke hi vuoswi, lama nga ni torha ra swidyoho. Va rhiya mimoya leyi nga tiyangiki. Va ni timbilu leti toloveleke makolo. I vanhu lava rhukaniweke hi Xikwembu.

2 Petro 2:10

ngopfu-ngopfu lava landzaka swa ntumbuluko wa vona wa laha misaveni, va navela ku titsakisa hi swilo swa thyaka, va sandza ni vuhosi bya Xikwembu. Vanhu lava va titshemba ngopfu, naswona va titiva; a va chavi ku sandza swa le henhla leswi kwetsimeke.

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

Tito 1:11

Swa fanela leswaku volavo va miyetiwa, hikuva va kokela kule vanhu hinkwavo va mindyangu yin'wana, va dyondzisa leswi va nga fanelangiki ku swi dyondzisa, hi ku navela rifuwo ro homboloka.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

1 Timotiya 2:10

kambe a va tibombise hi mintirho leyinene, hilaha swi fanelaka vavasati lava tivulaka va vukhongeri.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Varhoma 16:2

n'wi amukeleni hi vito ra Hosi, hilaha vahlawuriwa va Xikwembu va fanelaka ku amukeriwa hakona; kutani mi n'wi pfuna hi xin'wana ni xin'wana lexi a nga kombelaka leswaku mi n'wi pfuna ha xona, hikuva ú pfunile lavo tala, na mina ú ndzi pfunile.

Varhoma 6:13

mi nga ha nyiketi swirho swa n'wina eku dyoheni, mi nga ha swi tirhisi ku endla leswo homboloka; kambe tinyiketeni eka Xikwembu tanihi vanhu lava hanyaka, lava humeke exikarhi ka vafi. Kutani mi nyiketa swirho swa n'wina eka Xikwembu, mi swi tirhisa ku endla leswo lulama.

Varhoma 1:29

Va tele ku homboloka hinkwako, ni leswo biha, ni makwanga, ni nsele; va tele mavondzo, ni ku dlaya, ni ku kanetana, ni ku xisa, ni ku kucetela; i vahlevi

Timhaka 20:33

A ndzi lavanga mali ya silivhere kumbe ya nsuku, hambi xi ri xiambalo, eka munhu ni un'we.

Luka 16:14

Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Mikiya 2:2

Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Swivuriso 28:16

Murhangeri wo pfumala ku twisisa, ú andzisa maxangu, kasi loyi a alaka ku xaviwa, ú andzisa masiku ya yena ya ku hanya.

Pisalema 119:36

Ndzi susumete ku anakanya switsundzuxo swa wena, ku tlula ku navela rifuwo.

Pisalema 10:3

Munhu lowo homboloka ú tibumabuma hi ku navela ka yena loku biheke, a nga kolwi ku bindzula, a rhuketela ni ku sandza HOSI.

1 SAMIELE 8:3

Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Yoxuwa 7:21

Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Tinhlayo 25:1

Enkarhini lowu Vaisraele a va govile eXitimi, vavanuna va sungurile ku tsutsuma-tsutsuma ni vavasati va tiko ra Mowabu.

Eksoda 23:13

Tivoneleni leswaku mi endla hinkwaswo leswi ndzi mi byeleke swona. Naswona, mi nga tshuki mi kumbuka swikwembu swin'wana, mi nga vulavuli hi swona.

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Levhitika 15:18

Loko wanuna a etlela ni wansati, va fanele ku hlamba hi vumbirhi bya vona; hambiswiritano, siku rero va ta va va nga tenganga, dyambu ri ko ri pela.