Vaefesa 5:11 - BIBELE Mahungu Lamanene

¹¹ Mi nga tshuki mi tolovelana ni lava endlaka leswo ka swi nga pfuni nchumu swa munyama; swi soleni erivaleni,

Testamente Leyimpsha Xichangana

¹¹ Mingatshukeni mitolovelana ni lavayendlaka lesvokala svingapfuni nchumu sva munyama; svisoleni rivaleni,

Xitsonga (Bibele)

¹¹ kambe mi nga tshuki mi va ni mhaka emitirhweni ya munyama leyo-ke mihandzu, kambe mi yi sandza:

Vaefesa 5:11 Referans Kwoze

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

1 Timotiya 5:20

Loko ku ri ni vakulukumba lava va phikelelaka ku dyoha, va tshinye erivaleni, leswaku lavan'wana va ta chava.

2 Vatesalonika 3:6

Ha mi lerisa vamakwerhu, hi vito ra Hosi Yesu Kriste, leswaku mi hambana ni makwenu wihi ni wihi loyi a nga laviki ku tirha, la nga fambiki hi tidyondzo leti hi mi nyikeke tona.

Varhoma 16:17

Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

Nhlavutelo 18:4

Kutani ndzi twa rito rin'wana leri humaka etilweni ri ku: “N'wina vanhu va mina, humani mi n'wi siya, leswaku mi ta kala mi nga ngheni eswidyohweni swa yena, mi ta kala mi nga weriwi hi maxangu ya yena,

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

2 Vatesalonika 3:14

Loko ku ri ni un'wana loyi a alaka ku yingisa marito lawa hi mi rhumelaka wona hi papila leri, n'wi xiyaxiyeni, kutani mi nga vi na mhaka na yena, leswaku a ta khomiwa hi tingana.

Varhoma 6:21

Xana a mi tshovela yini eminkarhini yoleyo, hi ku endla swilo leswi sweswi swi mi khomisaka tingana, xana? Hikuva makumu ya swona i rifu.

2 Timotiya 4:2

Twarisa Rito, u hiseka hi nkarhi wa kona hambi ku nga ri hi nkarhi wa kona; khorwisa, u laya ni ku khongotela; u nga tsandzeki hi tlhelo ra ku lehisa mbilu ni le ku dyondziseni.

2 Timotiya 3:5

Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

Vagalatiya 6:8

loyi a byalaka swo tsakisa ntumbuluko wa yena wa nyama, ú ta tshovela leswo bola leswi humaka eka ntumbuluko wa yena wolowo; kambe loyi a byalaka swo tsakisa Moya, ú ta tshovela leswi humaka eka Moya, byi nga vutomi lebyi nga heriki.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Swivuriso 13:18

Loyi a alaka ku layiwa, ú tivangela vusiwana ni tingana, kasi loyi a pfumelaka ku tshinyiwa, wa dzunisiwa.

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

1 Vatesalonika 5:7

Hikuva lava etlelaka, va etlela nivusiku, ni lava pyopyiwaka, va pyopyiwa nivusiku.

Luka 3:19

Kambe Hosi Heroda a a tekile Herodiya, nsati wa makwavo wa yena Filipi, a endla ni swin'wana leswo tala leswi biheke, kutani Yohane a a tala ku n'wi tshinya etimhakeni teto.

Vaefesa 5:7

Hikokwalaho mi nga tshuki mi tolovelana ni vanhu lavo tano.

Vaefesa 4:22

Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Esaya 29:21

Ku ta herisiwa hinkwavo lava lumbetaka van'wana, ni lava yimelelaka swigevenga etihubyeni, ni lava vulavulaka mavunwa leswaku loyi a nga dyohangiki a dyiwa hi nandzu.

Swivuriso 25:12

Swiletelo swa vutlhari, eka munhu loyi a swi yingisaka, swi fana ni xingwavila xa nsuku, kumbe vuhlalu bya nkoka.

Pisalema 141:5

Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Genesa 20:16

Kutani Abimeleke a ku ka Sara: “Ndzi nyikile makwenu mali ya tisilivhere ta 1 000; leswi swi ta va xikombiso eka vanhu hinkwavo lava u nga na vona, leswaku a wu na nandzu, naswona u lulamile emahlweni ka munhu un'wana ni un'wana.”

Swivuriso 19:25

Loko u ba musandzi, swi nga nyika dyondzo eka lava pfumalaka vutivi, loko u laya munhu wo twisisa, swi n'wi pfuna ku engetelela vutlhari.

Swivuriso 15:12

Musandzi a nga swi lavi ku tshinyiwa, a nge pfuki a yile eka lavo tlhariha.

Matewu 18:15

“Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.

Yeremiya 15:17

a ndzi lavanga ku dzumba ni lava tsakaka, a ndzi navelanga ku tiphina na vona. Hi wena u ndzi vangeleke xivundza lexi, hikuva ndzi tshamela ku tshinya vanhu hi vito ra wena.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

1 Timotiya 6:5

naswona swi vanga ku holova exikarhi ka vanhu lava boleke miehleketo ni ku lahlekeriwa hi ntiyiso, lava ehleketaka leswaku vukhongeri i ndlela yo kuma rifuwo.

Swivuriso 1:10

N'wananga, u nga tshuki u pfumela ku yengiwa hi vadyohi.

Swivuriso 28:4

Loko u tlula nawu, u dzunisa lavo homboloka, kasi loko u wu hlayisa, a wu yimi na vona.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Vaefesa 5:12

hikuva hambi ku ri ku vula ntsena leswi va swi endlaka exihundleni, swi khomisa tingana.

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.

1 Timotiya 5:22

U nga hatliseli ku tlhandleka munhu mavoko, naswona u nga tinghenisi eswidyohweni swa un'wana munhu. Tihlayise, u tshama u tengile.