Vaefesa 5:10 - BIBELE Mahungu Lamanene

¹⁰ Xiyaxiyani, mi vona leswi tsakisaka Hosi.

Testamente Leyimpsha Xichangana

¹⁰ Kambisisani, mivona lesvitsakisaka Hosi.

Xitsonga (Bibele)

¹⁰ (hikuva mihandzu ya ku vonakala, i vunene hinkwabyo, ni ku lulama ni ntiyiso), mi siya leswi tsakisaka Hosi;

Vaefesa 5:10 Referans Kwoze

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Pisalema 19:14

Marito ya mina ni miehleketo ya mina, a swi ve leswi amukelekaka emahlweni ka wena, we HOSI, wena u nga ribye ra mina ra vutumbelo, ni mukutsuri wanga.

1 Petro 2:20

Xana loko mi biwa hikwalaho ka ku dyoha ka n'wina, kutani mi tiyisela, swi ni ku nkhensiwa sweswo xana? Kasi, loko mi endla leswi lulameke, kutani mi tiyisela mi ri karhi mi twisiwa ku vava hikwalaho ka swona, sweswo swa nkhenseka eka Xikwembu.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

1 Vatesalonika 5:21

kambe kambisisani hinkwaswo, mi tiya eka leswinene.

1 Timotiya 2:3

Leswi i swinene, swa amukeleka emahlweni ka Xikwembu muponisi wa hina,

Vafilipiya 1:10

mi ta kota ku hlawula leswi nga swinene ku tlula swin'wana; hi mukhuva wolowo, mi ta va lava tengeke, mi nga ha ri na nandzu ku fikela esikwini ra Kriste;

Varhoma 14:18

Loyi a tirhelaka Kriste hi mukhuva wolowo, ú tsakisa Xikwembu, naswona ú nkhensiwa hi vanhu.

Swivuriso 21:3

HOSI Xikwembu xi tsakela ku lulama ni maavanyisele lamanene, ku tlula ku humeseriwa magandzelo.

1 Timotiya 5:4

Loko wansati wa noni a ri ni vana kumbe vatukulu, a va rhange va dyondza tifanelo ta vona ta vukhongeri hi tlhelo ra ndyangu wa ka vona, va endla swin'wana ku nkhensa vatswari va vona, hikuva hi swona leswi amukelekaka emahlweni ka Xikwembu.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

1 SAMIELE 17:39

Sawulo a heta hi ku n'wi khweketa banga ra yena etingubyeni leti ta nyimpi, kutani Davhida a ringeta ku tlakusa milenge, kambe swi n'wi tsandza, hikuva a a nga tolovelanga ku ambarisa sweswo. Kutani Davhida a ku ka Sawulo: “Ndza tsandzeka ku famba hi swiambalo leswi, hikuva a ndzi swi tolovelanga.” Kutani a hluvula hinkwaswo,

Esaya 58:5

Xana ku titsona ni ku titsongahata loku ndzi ku tsakelaka, i ku korhamisa nhloko kukota rihlanga, ni ku andlala swiambalo swo khwaxa etaleni, mi etlela ka swona, xana? Xana mi ri hi kona ku titsona swakudya loku ndzi ku nkhensaka mina HOSI xana? E-e!

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.