Vaefesa 4:8 - BIBELE Mahungu Lamanene

⁸ hikuva Matsalwa ma ri: “Siku a tlhandlukeleke ehenhla, ú fambile ni vakhomiwa lavo tala, ú nyikile vanhu tinyiko.”

Testamente Leyimpsha Xichangana

⁸ hikuva Matsalwa mali: “Siku leri atlhantukeleke henhla, afambile ni van'wana vakhomiwa lavotala, anyikile vanhu tinyiko.”

Xitsonga (Bibele)

⁸ hilaha va nga te: “Kuteloko a tlhandlukele ehenhla, u byisile vakhomiwa, u nyike vanhu tinyiko.”

Vaefesa 4:8 Referans Kwoze

Pisalema 68:18

We Xikwembu, u tlhandlukele entshaveni leyo leha u ri karhi u fambisa lava u va khomeke enyimpini; u amukerile tinyiko eka vanhu, hambi ti ri ta lava tiarisaka, kutani u ta tshama exivandleni xexo we Xikwembu.

Vakolosa 2:15

Kriste ú hetile matimba ya mimoya ya vundhuna ni ya vufumi, a yi endla xisolo erivaleni, hi ku yi hlulela makumu hi xihambano.

1 SAMIELE 30:26

Loko Davhida a fika eSikilaga, a teka swin'wana swa leswi va swi phangheke, a swi rhumela eka vanakulobye va yena vakulukumba va Yuda, a ku: “Nyikonyana leyi i ya n'wina, yi huma eka leswi hi swi phangheke, swa valala va HOSI Xikwembu.”

Estere 2:18

Kutani hosi yi endla nkhuvo lowukulu wa ku amukela Estere, yi rhamba tihosana ta yona hinkwato ni malandza ya yona hinkwawo; yi veka siku leri leswaku ri va ra ku wisa, eswifundzheni hinkwaswo, yi tlhela yi phakela ni tinyiko to saseka leti faneleke ku nyikiwa hi hosi.

Vaavanyisi 5:12

“Khindlimuka, we Debora, pfuka! Ndzi ri pfuka, pfuka u suma risimu! Pfuka, we Baraka, u rhangela lava u va khomeke, we n'wana Abinowama!

Swivuriso 30:4

I mani la nga tlhandlukela etilweni, a tlhela a vuya xana? Xana i mani la nga tshama a fumbarhela moya xana; la tshamaka a phutsela mati hi nceka i mani xana, i mani la nga veka vugimamusi bya misava xana? Vito ra yena hi yena mani, ni n'wana wa yena i mani xana? Wena u fanele ku swi tiva!

Vaefesa 4:11

Naswona, hi yena “loyi a nyikeke vanhu tinyiko”, van'wana ku va vaapostola, van'wana vaprofeta, van'wana ku va vavuri va Evhangeli, van'wana ku va vafundhisi ni vadyondzisi.