Vaefesa 4:30 - BIBELE Mahungu Lamanene

³⁰ Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Testamente Leyimpsha Xichangana

³⁰ Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

Xitsonga (Bibele)

³⁰ Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vaefesa 4:30 Referans Kwoze

1 Vatesalonika 5:19

Mi nga timi Moya.

Esaya 63:10

Kambe Vaisraele va tiarisile, va khunguvanyisa Moya wa xona lowo Kwetsima, kutani xona xi hundzuka nala wa vona, xi lwa na vona hi xiviri.

Genesa 6:6

xi vaviseka embilwini, xi tilaya leswi xi endleke munhu emisaveni,

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Varhoma 8:23

A ku konyi swivumbiwa ntsena, kambe na hina hi nga amukela mihandzu yo rhanga ya Moya lowo Kwetsima, ha konya endzeni ka hina, hi ri karhi hi langutela ku endliwa vana, ku nga ku kutsuriwa ka miri wa hina.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Marka 3:5

Yesu a va rhalarhala hi mahlo a hlundzukile, a vavisekile hi ku nonon'hwa ka timbilu ta vona, kutani a ku ka munhu loyi: “Tshambuluta voko ra wena.” A ri tshambuluta, kutani voko ra yena ri tlhela ri ololoka.

Esaya 43:24

Hambi swi ri swinun'hweriso, a mi humesanga mali mi ndzi xavela, naswona a mi si tshama mi ndzi tsakisa hi mafurha ya swifuwo swa magandzelo ya n'wina. Ematshan'wini ya sweswo, mi ndzi tikiserile hi swidyoho swa n'wina, milandzu ya n'wina yi ndzi karhate ngopfu.

Pisalema 78:40

Loko va ri emananga, Vaisraele va tiarisile ko tala eka Xikwembu, va xi vavisa mbilu ematikweni lawa ya ku oma.

Genesa 6:3

Kutani HOSI Xikwembu xi ku: “Moya wa mina a wu nga ha tshami hilaha ku nga heriki eka munhu, hikuva munhu ú tsanile, kutani ú ta hanya ntsena malembe ya 120.”

Esaya 7:13

Kutani Esaya a ku: “N'wina va ka Davhida, yingisani! Xana a mi kolwi ku dyisa vanhu mbitsi xana? Xana na xona Xikwembu xa mina, mi lava ku xi dyisa mbitsi xana?

Ezekiele 16:43

Mina HOSI N'wini wa hinkwaswo ndzi ri, leswi u nga tsundzukangiki masiku ya vuntshwa bya wena, yingisa: Ndzi ta ku ba ndzi hlundzukile, ndzi ku bela mintirho ya wena hinkwayo, hikuva ehenhla ka manyala hinkwawo lawa u ma endleke, u tlhele u engetelela hi vunghwavava bya wena!”

Pisalema 95:10

Vanhu lava va ndzi phirhile malembe ya 40, ndzi kondza ndzi ku: ‘I vanhu lava lahlekeke, vo oma tinhloko, a va na mhaka ni leswi ndzi swi lavaka!’

Vaheveru 3:10

Hikwalaho ka swona, ndzi hlundzukele vanhu va rixaka rero, ndzi ku: ‘Timbilu ta vona ti huma endleleni masiku hinkwawo, a va tivanga tindlela ta mina.’

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Vaheveru 3:17

Kutani a va ri vamani lava xi nga va karihela hi malembe ya 40 xana? Xana a hi lava va dyoheke, lava mintsumbu ya vona yi weke yi sala emananga xana?

1 Vakorinto 15:54

Kutani loko leswi onhakaka swi ta va swi funengele leswi nga onhakiki, ni loko leswi faka swi ta va swi funengele leswi nga fiki, hi kona rito leri tsariweke ri nga ta hetiseka, leri nge: “Rifu ri mitiwile, ri hluriwele makumu.”

Hosiya 13:14

Xana ndzi nga va kutsula ematimbeni ya xivandla xa vafi xana? Xana ndzi nga va ponisa eka rifu xana? We rifu, mintungu ya wena yi kwihi, we xivandla xa vafi, ndzhombo wa wena wu kwihi ke? Sweswi a ndza ha ri na ku twela vusiwana.

Vaavanyisi 10:16

Hiloko Vaisraele va cukumeta swikwembu swa vamatiko leswi a swi ri exikarhi ka vona, kutani va tirhela HOSI Xikwembu. Hiloko HOSI Xikwembu xi vavisekela Vaisraele hikwalaho ka maxangu ya vona.

Luka 21:28

Loko swilo sweswo swi sungula ku humelela, ololokani, mi languta henhla, hikuva ku kutsuriwa ka n'wina ku kusuhi.”

Yohane 3:33

Munhu la amukelaka vumbhoni bya yena, ú tiyisa leswaku Xikwembu xa tshembeka.

Vaheveru 10:29

Kutani, xana mi ehleketa yini hi munhu loyi a soleke N'wana wa Xikwembu, a nga vuli nchumu hi ngati ya ntwanano leyi a nga hlawulekisiwa ha yona, a tlhela a rhuketela Moya wa tintswalo, xana? Xana yena ú ta biwa hi nkhavi lowo vavisa ku yini?