Vaefesa 4:1 - BIBELE Mahungu Lamanene

¹ Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

Testamente Leyimpsha Xichangana

¹ Hikolaho-ke, mina ninga mubohiwa ntirhweni wa Hosi, na mikhongotela kuhanya hi ndlela leyifambelanaka ni kuvitaniwa ka n'wina.

Xitsonga (Bibele)

¹ Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Vaefesa 4:1 Referans Kwoze

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

1 Vatesalonika 2:12

hi mi khongoterile, hi mi tiyisile ni ku mi susumeta leswaku mi hanya hi mukhuva lowu tsakisaka Xikwembu, lexi xi mi vitanelaka ku averiwa ku fuma ka xona ni ku twala ka xona.

2 Petro 1:3

Hi matimba ya yena ya vukwembu, Kriste ú hi nyikile swilo hinkwaswo leswi swi hi pfunaka ku hanya vutomi bya vukhongeri, hi mhaka ya ku tiva loyi a hi vitaneleke eku kwetsimeni ka yena ne ku sasekeni ka yena ka xiviri.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

1 Vakorinto 4:16

Hikokwalaho, ndza mi khongotela leswaku mi tekelela mina.

2 Vatesalonika 1:11

Hikokwalaho, ha mi khongelela minkarhi hinkwayo; hi kombela leswaku Xikwembu xa hina xi mi endla lava lulameriweke hi vutomi lebyi xi nga mi vitanela byona, xi hetisa, hi matimba ya xona, makungu hinkwawo ya n'wina lamanene, ni mintirho hinkwayo ya ku pfumela ka n'wina.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Vakolosa 2:6

Kutani ke, leswi mi amukeleke Kriste Yesu ku va Hosi ya n'wina, hanyani hi ku va xilo xin'we na yena,

1 Petro 3:9

Mi nga tlheriseli ku biha hi ku biha, kumbe ndzhukano hi ndzhukano, kambe ematshan'wini ya sweswo, katekisani, hikuva hi leswi mi nga vitaneriwa ku endla swona, leswaku mi ta kuma nkateko na n'wina.

2 Vakorinto 6:1

Hina hi tirhisanaka ni Xikwembu, ha mi khongotela nakambe, hi ri: Leswi mi amukeleke tintswalo ta Xikwembu, mi nga ti tshiki ti wela hansi!

2 Yohane 1:5

Kutani sweswi, ndza ku kombela we nkosikazi, ndzi ri, a hi kombaneni rirhandzu hinkwerhu. A ndzi ku tsaleli nawu lowuntshwa, kambe hi lowu hi nga nyikiwa wona ku sukela khale.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

1 Petro 2:11

Varhandziwa, leswi mi nga valuveri ni vaendzi emisaveni, ndza mi khongotela hi matimba ku hambana ni ku navela ka miri, loku lwaka ni mimoya ya n'wina.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Vafilipiya 3:14

kutani ndzi tsutsuma ndzi kongomile swa le mahlweni leswaku ndzi ta kuma hakelo, ku nga ku vitana ka Xikwembu ha Kriste Yesu, loku ha kona xi hi vitanelaka evutomini bya le henhla.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Vaefesa 4:4

Ku ni miri wun'we, ni Moya wun'we, tanihi leswi ku nga ni ku tshemba kun'we loku Xikwembu xi nga mi nyika kona, siku xi mi vitaneke;

Vaefesa 3:1

Hikokwalaho, mina Pawulo ndza mi khongelela n'wina vamatiko, ndzi ri mubohiwa hi mhaka ya ku tirhela Kriste.

Vagalatiya 4:12

Ndza mi kombela vamakwerhu, hundzukani lava fanaka na mina, hikuva na mina ndzi hundzukile la fanaka na n'wina. A mi ndzi hoxelanga ha nchumu;

Genesa 5:24

Enoko ú hanyile a ri ni xinakulobye na Xikwembu, kutani a nyamalala, hikuva Xikwembu a xi n'wi tekile.

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.

2 Vakorinto 10:1

Sweswi ke, ndzi mi khongotela hi musa ni vunene bya Kriste, mina Pawulo loyi mi nge ndza soleka loko ndzi ri exikarhi ka n'wina, kasi loko ndzi ri kule na n'wina mi ri ndzi nhenha!

Yeremiya 38:20

Yeremiya a ku: “Vanhu volavo, u nga ka u nga nyiketiwi emavokweni ya vona. Ndzi kombela leswaku u amukela leswi ndzi ku byelaka swona swi ri leswi humaka eka HOSI Xikwembu, kutani u ta kateka, u ponisa ni vutomi bya wena.

Tito 2:10

kumbe ku va yivela, kambe ematshan'wini ya swona a va tikombe leswaku va lulamile ni ku tshembeka masiku hinkwawo, kutani eka hinkwaswo leswi va swi endlaka va ta komba ku saseka ka leswi dyondzisiwaka hi tlhelo ra Xikwembu Muponisi wa hina.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

2 Vakorinto 5:20

Hikokwalaho, hi vayimeri va Kriste; Xikwembu hi xoxe xa mi khongotela ha hina; ha mi khongotela hi matimba hikwalaho ka Kriste, hi ri:

Timhaka 9:31

Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Varhoma 11:29

hikuva tinyiko ta Xikwembu ni ku vitana ka xona a swi hundzuki.

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.