Vaefesa 3:21 - BIBELE Mahungu Lamanene

²¹ eka yena a ku ve ku dzuneka ekerekeni ni ka Kriste Yesu, hi minkarhi ni minkarhi hilaha ku nga heriki. Amen!

Testamente Leyimpsha Xichangana

²¹ ka yena akuve kudzuneka kerekeni ni le ka Yesu Kriste, hi minkama ni minkama hilaha kungaheliki. Amen!

Xitsonga (Bibele)

²¹ eka yena a ku ve ku kwetsima eKerekeni leyi nga eka Yesu Kriste, etinxakeni hinkwato hi mikarhi ni mikarhi. Amen!

Vaefesa 3:21 Referans Kwoze

Yuda 1:25

eka xona Xikwembu xi ri xin'we, muponisi wa hina ha Yesu Kriste Hosi ya hina, ku ni ku twala, ni vukulukumba, ni ku fuma, ni matimba, ku sukela eminkarhini hinkwayo leyi hundzeke, ni sweswi, ni hilaha ku nga heriki. Amen.

Varhoma 11:36

Hikuva swilo hinkwaswo swi huma ka yena, swi kona hikwalaho ka yena, swi kongoma yena. Eka yena a ku ve ku dzuneka hilaha ku nga heriki! Amen!

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

1 Petro 5:11

Matimba a ma ve eka xona hi masiku ni masiku. Amen.

Esaya 6:3

Tintsumi a ti hlamulana ti ku: “Wa kwetsima, wa kwetsima, wa kwetsima loyi a nga HOSI ya matimba hinkwawo, misava hinkwayo yi tele hi ku dzuneka ka yena.”

1 TIKRONIKA 29:11

Vukulu, ni matimba, ni ku twala, ni ku fuma, ni ku dzuneka, swi le ka wena we HOSI. Hinkwaswo leswi nga tilweni ni laha misaveni i swa wena. Hi wena la fumaka ni ku rhangela swilo hinkwaswo.

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Vafilipiya 4:20

Eka Xikwembu Tata wa hina, a ku ve ku dzuneka hi masiku ni masiku! Amen!

Varhoma 16:27

eka Xikwembu xi ri xoxe xa vutlhari, a ku ve ku dzuneka ha Yesu Kriste, hi minkarhi ni minkarhi, Amen!

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Esaya 42:12

Na n'wina mi akeke ematikweni ya le kule, dzunisani HOSI Xikwembu, mi xi twarisa.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Vagalatiya 1:5

eka xona a ku ve ku dzuneka hilaha ku nga heriki! Amen.

2 Timotiya 4:18

Hosi yi ta ndzi vutla ni le ku biheni hinkwako, yi ndzi ponisa leswaku ndzi ta kuma Mfumo wa yona wa le matilweni. Eka yona a ku ve ku dzuneka hilaha ku nga heriki. Amen.

Vafilipiya 1:11

vutomi bya n'wina byi ta tala hi mihandzu ya leswo lulama, leyi tisiwaka ha Yesu Kriste, leswaku Xikwembu xi dzunisiwa ni ku twarisiwa ha swona.

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Luka 2:14

“Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”

Pisalema 115:1

We HOSI, ku dzunisiwa a hi swa hina, hakunene a hi swa hina, kambe i swa wena ntsena, hikuva u ni rirhandzu, wa tshembeka.

Vaefesa 2:7

Xi endlile leswi ku komba, eminkarhini leyi taka, ku tala loku nga pimekiki ka tintswalo ta xona, hi vunene lebyi xi hi endleleke byona ha Kriste Yesu.

Matewu 6:13

u nga hi yisi emiringweni, kambe u hi ponisa eka Lowo biha, [hikuva ku fuma, ni matimba, ni ku twala, i swa wena hi masiku ni masiku. Amen.’]

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.