Vaefesa 3:2 - BIBELE Mahungu Lamanene

² Mi ta va mi twile hilaha Xikwembu, hi tintswalo ta xona, xi ndzi nyikeke ntirho lowu leswaku ndzi mi pfuna,

Testamente Leyimpsha Xichangana

² Mitava mitwile hilaha Xikwembu, hi timpsalu ta xona, xininyikeke hakona ntirho lowu lesvaku nimipfuna,

Xitsonga (Bibele)

² Loko ngi mi yingisile ku averiwa ka tintswalo ta Xikwembu leti ndzi nga nyikeriwa n'wina,

Vaefesa 3:2 Referans Kwoze

1 Timotiya 1:11

Dyondzo ya kona yi yelana ni Evhangeli leyi vekiweke emavokweni ya mina, leyi twarisaka ku kwetsima ka Xikwembu, xihlovo xa minkateko.

2 Timotiya 1:11

Mina ndzi vekiwile ku va mutwarisi wa Rito ni muapostola ni mudyondzisi hikwalaho ka Evhangeli leyi.

Varhoma 1:5

Ha yena, ndzi nyikiwile nkateko wa ku va muapostola evitweni ra yena, leswaku vanhu va matiko hinkwawo va pfumela, va tlhela va yingisa;

Vaefesa 4:7

Hambiswiritano, un'wana ni un'wana wa hina ú nyikiwile nyiko leyi nga ya yena, leyi a nga averiwa yona hi Kriste,

1 Vakorinto 4:1

Loko swi ri tano, mi fanele ku hi vona hi ri malandza ya Kriste, ni valanguteri va swihundla swa Xikwembu.

Vaefesa 1:10

loku a xi lava ku ku yisa emahlweni, minkarhi ya kona yi kondza yi hetiseka. Ku rhandza ka xona i ku hlanganisa swivumbiwa hinkwaswo, swa le matilweni ni swa la misaveni, nhloko ya swona a va Kriste.

Vagalatiya 1:13

Mi twile leswi a ndzi hanyisa swona khale, loko ndza ha hanya Xiyuda. Mi tiva hilaha ndzi nga xanisa ni ku herisa kereke ya Xikwembu hakona, ndzi nga tsetseleri munhu.

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 13:46

Kambe Pawulo na Barnaba va hlamula va nga chavi nchumu, va ku: “A swi fanela leswaku Rito ra Xikwembu ri byeriwa n'wina eku sunguleni; kambe leswi mi ri cukumetaka, ni leswi mi tiavanyisaka hi n'wexe, mi ku a mi faneriwi hi vutomi lebyi nga heriki, maswivo hina hi hundzukela eka vamatiko.

Timhaka 13:2

Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

1 Timotiya 2:7

Kutani, hi swona leswi nga endla leswaku ndzi vekiwa ku va mutwarisi wa Rito ni muapostola (ndzi vula leswi tiyeke, a ndzi hembi), ndzi dyondzisa vamatiko ta ku pfumela ni ta ntiyiso.

1 Timotiya 1:4

va nga heti nkarhi wa vona hi mintsheketo, ni ku longoloxela swivongo swo ka swi nga heli, leswi vangaka ku kanetana, ematshan'wini ya ku seketela makungu ya Xikwembu lama tirhaka hi ku pfumela.

Vakolosa 1:6

leyi fikeke eka n'wina kukota leswi yi fikeke ematikweni hinkwawo; yi karhi yi veka mihandzu ni ku kula, kukota leswi yi endlisaka xiswona eka n'wina, ku sukela siku mi tweke ni ku twisisa tintswalo ta Xikwembu hi ntiyiso wa tona.

Vakolosa 1:4

hikuva hi twile ta ku pfumela ka n'wina eka Kriste Yesu, ni ta rirhandzu ra n'wina eka vahlawuriwa va Xikwembu hinkwavo,

Vaefesa 4:21

timhaka ta yena mi ti twile, kutani leswi mi nga vanhu va yena Yesu, mi dyondzisiwile ntiyiso lowu nga ka yena.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Varhoma 12:3

Hikuva, hikwalaho ka tintswalo leti ndzi nga nyikiwa tona, ndzi byela un'wana ni un'wana wa n'wina, ndzi ku: Mi nga tshuki mi ehleketa leswaku mi tlula van'wana hi vukulu; kambe mi fanele ku titsongahata, mi ya hi mpimo wa ku pfumela lowu Xikwembu xi aveleke un'wana ni un'wana wa n'wina.

Varhoma 11:13

Kutani sweswi ndzi vulavula na n'wina vamatiko, ndzi ri: Leswi ndzi nga muapostola wa vamatiko, ndzi tinyungubyisa hi ntirho wa mina

Vaefesa 3:7

Ndzi nyikiwile ku va nandza wa Evhangeli leyi hi tintswalo ta Xikwembu, leti ndzi ti kumeke hi matimba ya xona lama tirheke eka mina.

Vaefesa 3:9

ni ku endla leswaku vanhu hinkwavo va tiva hilaha xihundla xa makungu ya Xikwembu xi endlekaka hakona. Xikwembu, lexi nga mutumbuluxi wa hinkwaswo, xi fihlile xihundla lexi eminkarhini hinkwayo leyi hundzeke,