Vaefesa 2:4 - BIBELE Mahungu Lamanene

⁴ Kambe Xikwembu xi ni musa swinene, hikwalaho ka rirhandzu lerikulu leri xi hi rhandzeke ha rona.

Testamente Leyimpsha Xichangana

⁴ Kambe Xikwembu xi ni timpsalu svinene, hikolaho ka rirhandzu lerikulu leri xingahirhandza ha rona.

Xitsonga (Bibele)

⁴ Kambe Xikwembu lexi teleke tintswalo, hikwalaho ka rirhandzu lerikulu ra xona, leri xi hi rhandzeke ha rona,

Vaefesa 2:4 Referans Kwoze

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Pisalema 86:15

Kambe wena N'wini wanga, u Xikwembu lexi twelaka vanhu evusiwana; wa va tsetselela, u hlwela ku kariha, u tele tintswalo ni ku tshembeka.

Varhoma 5:8

Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

Vaefesa 2:7

Xi endlile leswi ku komba, eminkarhini leyi taka, ku tala loku nga pimekiki ka tintswalo ta xona, hi vunene lebyi xi hi endleleke byona ha Kriste Yesu.

Pisalema 145:8

HOSI Xikwembu xi ni tintswalo, xi twela vanhu vusiwana, hi rirhandzu ra xona lerikulu xi va lehisela mbilu.

Varhoma 10:12

A ku na ku hambana exikarhi ka Vayuda ni vamatiko, hikuva hinkwavo va na Hosi yin'we, leyi minkateko ya yona yi talelaka hinkwavo lava khongelaka yona.

1 Timotiya 1:14

Kambe tintswalo ta Hosi ya hina ti ndzi talele, swin'we ni ku pfumela ni rirhandzu, swi nga leswi nga eka Kriste Yesu.

Yeremiya 31:3

Vaisraele a va ku: ‘HOSI yi tikombile eka hina yi suka kule!’ Kutani mina ndzi ku ka vona: Ndzi mi rhandzile hi rirhandzu leri nga heriki, a ndzi tshiki ku mi komba ku tshembeka ka mina.

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Varhoma 9:23

Kumbe, ku yini ka swona ke, loko xi endlele ku tivisa vukulu bya ku kwetsima ka xona, ehenhla ka swibya leswi a swi vumberiwile ku tsetseleriwa, swi nga swibya leswi xi swi lunghiseke ka ha ri ku sunguleni leswaku swi ta nyikiwa ku kwetsima ka xona, xana?

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Nehemiya 9:17

Va arile ku ku yingisa, va nga tsundzuki swihlamariso leswi u swi endleke exikarhi ka vona; va tinonon'hwisile, va tihlawulela munhu loyi a nga ta va rhangela leswaku va tlhelela evuhlongeni etikweni ra Egipta. Hambiswiritano, wena Xikwembu lexi tshamaka xi tiyimisele ku rivalela, a wu va tshikanga, hikuva u tele ku tsetselela ni ku twela vusiwana; u hlwela ku kariha, naswona u tele tintswalo.

2 Vatesalonika 2:13

Swa hi fanela ku nkhensa Xikwembu masiku hinkwawo hikwalaho ka n'wina vamakwerhu, n'wina lava Hosi yi mi rhandzaka, hikuva Xikwembu xi mi hlawurile leswaku mi va lavo rhanga ku ponisiwa, hi Moya lowu wu mi endlaka lava tengeke, ni ku pfumela ka n'wina eka ntiyiso.

Luka 1:78

Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Daniele 9:9

Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

Pisalema 51:1

We Xikwembu, ndzi twele vusiwana hikwalaho ka rirhandzu ra wena; susa milandzu ya mina, hikwalaho ka tintswalo ta wena letikulu.

Eksoda 33:19

HOSI Xikwembu xi hlamula xi ku: “Ndzi ta hundza hi le mahlweni ka wena ndzi ri karhi ndzi ku komba vunene bya mina hinkwabyo, ndzi twarisa vito ra mina ra ‘HOSI’ emahlweni ka wena. Ndzi ta komba tintswalo eka lava ndzi nga ta va komba tona, ndzi twela vusiwana lava ndzi nga ta va twela byona.”

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.