Vaefesa 2:13 - BIBELE Mahungu Lamanene

¹³ Kambe sweswi, eka Kriste Yesu, n'wina lava khale a mi ri kule na Xikwembu, mi tshinetiwile kusuhi na xona hi ku fa ka Kriste.

Testamente Leyimpsha Xichangana

¹³ Kambe svosvi, ka Yesu Kriste, n'wina lava va khale amili kule ni Xikwembu, mitshinetiwile kusuhi na xona hi kufa ka Kriste.

Xitsonga (Bibele)

¹³ Kambe sweswi, eka Yesu Kriste, n'wina valavo ingi mi ri ekule khale, mi tshinetiwile hi ngati ya Kriste,

Vaefesa 2:13 Referans Kwoze

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Esaya 57:19

Hinkwavo lava nga kona etikweni, ni lava nga matikweni ya le kule, ndzi ta va nyika ku rhula ka mina HOSI; vanhu va mina, ndzi ta va hanyisa.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

Esaya 43:6

Ndzi ta lerisa matiko ya le n'walungwini ni ya le dzongeni, leswaku ma tshika vanhu va ka n'wina va vuya, ma nga va siveli; ndzi ta ku: ‘Tshikani vana va mina va xinuna ni va xisati va vuya, a va suke ematlhelo hinkwawo ya misava,

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

Esaya 66:19

Ndzi ta veka xikombiso xa matimba ya mina exikarhi ka vona, kutani ndzi ta rhuma lava poneke ku ya tivisa ku dzuneka ka mina eka vanhu va matiko man'wana. Va ta ya eTarxixi, ni le Putu, ni le Ludu, ri nga tiko ra lava tivaka ku konga vurha; va ta ya ni le Tubala, ni le Yavhani, ni le swihlaleni swa le kule. Vanhu lava hinkwavo a va si tshama va twa kumbe ku vona ku dzuneka ka mina.

Pisalema 22:7

Hinkwavo lava va ndzi vonaka, va ndzi hlekula, va minyula, va hlakahla ni tinhloko, va ku:

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaheveru 9:18

Hikokwalaho, hambi ri ri papila lero rhanga ra ndzhaka, a ri sungulanga ku tirha ehandle ka ngati:

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Varhoma 8:1

Kutani sweswi a ka ha ri na ku avanyisiwa eka lava nga va ka Kriste Yesu.

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 15:14

Simoni wa ha ku hlamusela hilaha Xikwembu xi nga sungula hakona ku tikarhata, xi tilavela, exikarhi ka vamatiko, vanhu lava nga ta vuriwa va xona hakunene.

Esaya 60:9

I ta vanhu va matiko ya le kule lava va tshembaka HOSI Xikwembu; ti rhangeriwile hi tingalava to huma eTarxixi, ti vuyisa vana va wena etindhawini ta le kule, ti rhwele silivhere ni nsuku, leswaku vito ra HOSI Xikwembu xa wena ri dzunisiwa, yena Muhlawuleki wa Israele loyi a ku nyikeke ku dzuneka.

Esaya 60:4

Tlakusa mahlo u rhalarhala matlhelo hinkwawo: Vona, hinkwavo va le ku hlengeletaneni, va karhi va vuya eka wena; vana va wena va xinuna va ta vuya ematikweni ya le kule; lava va xisati va ta vuya va beburiwile kunene.

Esaya 49:12

Vonani, hi lavaya! Va vuya ematikweni ya le kule. Van'wana va huma en'walungwini, van'wana evupeladyambu, van'wana va huma etikweni ra Asuwani.”

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Pisalema 73:27

Lava hambanaka na wena va nge poni, va ta lova, hinkwavo lava va ku tshikaka, lava lwaka na wena, u ta va pfala milomo.

Yohane 10:16

Naswona ndzi ni tinyimpfu tin'wana leti nga riki ta tshanga leri; na tona ndzi fanele ku ti vuyisa; ti ta yingisa rito ra mina, kutani ti ta endla ntlhambi wun'we, ti va ni murisi un'we.

1 Vakorinto 12:13

Hinkwerhu, hambi hi ri Vayuda kumbe Vagriki, mahlonga kumbe lava tifumaka, hi hundzukile miri wun'we, hi ku khuvuriwa ka hina eMoyeni wun'we; hinkwerhu hi nyikiwile ku nwa Moya wun'we ntsena.

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri:

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Vaefesa 2:6

Hi ku hi hlanganisa na Kriste Yesu, xi hi pfuxile eku feni swin'we na yena, ni ku hi endla lava fumaka na yena ehenhla ematilweni.

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.