Vaefesa 2:12 - BIBELE Mahungu Lamanene

¹² Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Testamente Leyimpsha Xichangana

¹² Minkameni yoleyo, amihambene na Kriste, amingahlayiwi nchumu xikarhi ka Vaisrayele, amingali na kuyaveliwa ka mintwananu ya xitshembiso. Amihanya misaveni leyi na mingali na kulangutela, nasvona mingali na Xikwembu.

Xitsonga (Bibele)

¹² emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

Vaefesa 2:12 Referans Kwoze

Vagalatiya 4:8

Khale, loko mi nga si tiva Xikwembu, a mi ri mahlonga ya swilo leswi hi ku tumbuluka swi nga riki swikwembu.

Vakolosa 1:21

Na n'wina lava khale a mi ri kule ni Xikwembu, a mi ri valala va xona hi miehleketo ya n'wina ni mintirho ya n'wina leyo biha;

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

1 Vatesalonika 4:13

Vamakwerhu, ndzi lava leswaku mi tiva ntiyiso hi tlhelo ra lava va tietleleleke, mi ta ka mi nga vaviseki kukota van'wana lava nga riki na ku langutela.

Vaefesa 4:18

Mianakanyo ya vona yi le munyameni; a va na ku averiwa evutomini bya Xikwembu, hikuva eka vona vutivi ku hava, na swona timbilu ta vona ti tlanyarile,

Ezekiele 37:26

Ndzi ta endla ntwanano na vona, leswaku wu va tisela ku rhula loku nga ta ka ku nga heli. Ndzi ta va katekisa va andza, ndzi aka Tempele ya mina exikarhi ka vona leswaku yi va kona hilaha ku nga heriki.

1 Vatesalonika 4:5

ku nga ri hi ku navela loku hisaka, ku fana ni vamatiko lava nga tiviki Xikwembu.

Yohane 15:5

Hi mina nsinya wa vhinya; n'wina mi marhavi. Loyi a tshamaka eka mina, kukota leswi na mina ndzi tshamaka eka yena, ú veka mihandzu yo tala; hikuva handle ka mina mi nga ka mi nga koti ku endla nchumu.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Varhoma 9:8

Swi vula leswaku a hi vona lava nga vana hi tlhelo ra swa ntumbuluko, lava nga vana va Xikwembu; kambe vana lava nga velekiwa hikwalaho ka xitshembiso xa xona, hi vona lava hlayiwaka leswaku i va rixaka ra xiviri.

2 TIKRONIKA 15:3

Hakanyingi eminkarhini leyi hundzeke, Vaisraele va tihanyerile va nga ri na Xikwembu xa ntiyiso, va pfumala muprista wo va dyondzisa, va ri hava ni nawu.

1 Petro 3:15

Etimbilwini ta n'wina, kombisani xichavo eka Kriste, leswi a nga Hosi; masiku hinkwawo tilunghiseleni ku tihlamulela eka un'wana ni un'wana loyi a mi vutisisaka ehenhla ka ku tshemba loku mi nga na kona,

Timhaka 28:20

Hikokwalaho ndzi mi vitanile leswaku ndzi ta mi vona ni ku vulavula na n'wina, hikuva ndzi bohiwile hi nketani leyi hikwalaho ka loyi Vaisraele va n'wi languteleke.”

Timhaka 3:25

Hi n'wina valandzeri va vaprofeta, hi n'wina va ntwanano lowu Xikwembu xi nga wu endla ni vatata wa n'wina, loko xi te eka Abrahama: ‘Hi vatukulu va wena, ndzi ta katekisa tinxaka hinkwato ta misava.’

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

1 Yohane 3:3

Kutani un'wana ni un'wana loyi a n'wi tshembaka, ú tihlayisa a tshama a tengile, tanihi leswi yena a tengeke.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

Vaheveru 11:34

Va timile mindzilo leyo leva, va pona ku tlhaviwa hi mabanga, va kuma matimba va ri lava tsaneke, va hundzuka tinghwazi ta matimba eku lweni, va tsutsumisa tinyimpi ta valala.

1 Timotiya 1:1

Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vakolosa 1:5

hikwalaho ka ku tshemba loku ku hlayiseriweke n'wina ematilweni. Ta ku tshemba loku, mi rhange mi ti twa eritweni ra ntiyiso, yi nga Evhangeli,

Yohane 10:16

Naswona ndzi ni tinyimpfu tin'wana leti nga riki ta tshanga leri; na tona ndzi fanele ku ti vuyisa; ti ta yingisa rito ra mina, kutani ti ta endla ntlhambi wun'we, ti va ni murisi un'we.

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku ponisiwa ku huma eka Vayuda.

Luka 1:72

A xi te, xi ta tsetselela vatata wa hina, ni ku anakanya ntwanano wa xona lowo hlawuleka;

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Ezekiele 13:9

“Ndzi ta komba matimba ya mina hi ku ba vaprofeta lava vo vona swivono swa hava ni ku vhumbha mavunwa. A va nga ngheni entlaweni wa vanhu va mina, kumbe ku tsariwa etibukwini ta Vaisraele, naswona a va nga tlheleli etikweni ra Israele; kutani hi kona va nga ta tiva leswaku HOSI Xikwembu hi mina.

Yeremiya 14:8

Vaisraele va tshemba wena ntsena, enkarhini wa khombo, u mukutsuri wa vona. Hikwalaho ka yini u tiendla xi-ta-xi-famba, muhundzi wa ndlela wo xwa vusiku byin'we ntsena ke?

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Esaya 44:6

HOSI Xikwembu mufumi wa Vaisraele ni muponisi wa vona, yona HOSI ya matimba hinkwawo, xi vurisa sweswo xi ri: “Hi mina loyi a a ri kona eku sunguleni, loyi a nga ta va kona hilaha ku nga heriki, ehandle ka mina a ku na xikwembu xin'wana.

Ezra 4:3

Kambe Zerubabele na Yexuwa ni tinhloko ta mindyangu ya Vaisraele, va va hlamula va ku: “Hina a hi swi lavi leswaku mi aka na hina yindlu ya Xikwembu xa hina. Yindlu ya HOSI Xikwembu, hi ta yi aka hi ri hexe, hilaha Korexe hosi ya Vaperesi a hi leriseke hakona.”

Tinhlayo 18:19

“Mihlengo hinkwayo leyo hlawuleka leyi Vaisraele va ndzi humeselaka yona mina HOSI, ndzi ku nyika yona wena ni vana va wena hinkwavo, hilaha ku nga heriki; ntwanano lowu ndzi wu endlaka na wena ni vatukulu va wena, wu fana ni leswi lungiweke hi munyu, wu nga ka wu nga onhaki.”

Esaya 61:5

N'wina Vaisraele mi ta riseriwa swifuwo hi vanhu lava humaka ematikweni man'wana, a va nga tshami ni le hansi; swi-ta-swi-famba swi ta mi rimela masimu ya mavele ni ya vhinya.

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Ezekiele 47:22

Mi ta avelana miganga ya rona hi vuhlolotwana, mi nga rivali ni valuveri lava ku nga khale va akile exikarhi ka n'wina ni ku kuma vana va ri laha ka n'wina; mi ta amukela vanhu lava va ri vaakatiko ku fana na n'wina, va phakeriwa masimu ku fana ni Vaisraele va xiviri, etinyimbeni ta vona.

Timhaka 2:39

hikuva xitshembiso lexi xi endleriwe n'wina ni vana va n'wina, ni va le kule hinkwavo lava nga ta vitaniwa hi Hosi Xikwembu xa hina.”

Vaefesa 2:19

Hikokwalaho ke, n'wina vamatiko a ma ha ri va le handle ni vanhu vambe, kambe mi va muti wun'we ni vahlawuriwa va Xikwembu, mi va ndyangu wa xona.

Vaheveru 8:6

Kambe hilaha timhaka ti yimeke hakona, Kriste ú kumile ntirho lowu tlulaka ngopfu lowa khale hi ku saseka, tanihi leswi ntwanano lowu a nga muyimeri wa wona wu nga wa ku antswa, hikuva lowa khale wu bohiwile hi ku ya hi switshembiso leswi nga swa ku antswa.

Eksoda 12:45

“Munhu wo ta a famba, ni munhu loyi a thoriweke, va nga tshuki va dya Paseka.