Vaefesa 2:11 - BIBELE Mahungu Lamanene

¹¹ N'wina vamatiko, lava khale hi ku velekiwa a mi vuriwa “lavo ka va nga yimbanga”, hi Vayuda lava tivulaka “lavo yimba”, hikwalaho ka ngoma leyi endliwaka hi mavoko ya vanhu emirini wa vona, tsundzukani leswi a mi ri swona.

Testamente Leyimpsha Xichangana

¹¹ N'wina vamatiko, lava va khale hi kuvelekiwa amihlayiwa “lavokala vangayimbanga” hi Vayuda lavatihlayaka “lavoyimba”, hikolaho ka kuyimba lokuyendliwaka hi mavoko ya vanhu mirini wa vona, tsundzukani lesvi amili xisvona.

Xitsonga (Bibele)

¹¹ Hikwalaho, anakanyani leswaku n'wina valavo khale ingi mi ri vahedeni hi ku velekiwa, a mi vuriwa makhuna hi lava vuriwaka mankwehe, hikwalaho ka ngoma leyi endliwaka enyameni hi mavoko,

Vaefesa 2:11 Referans Kwoze

Vakolosa 2:11

Eka yena mi yimbisiwile, ku nga ri hi mavoko ya vanhu, kambe hi ku yimbisiwa ka Xikriste, loku ku hi ntshunxaka eka miri lowu wu dyohaka.

Vakolosa 2:13

Khale, a mi ri lava feke hikwalaho ka milandzu ya n'wina, hileswi a mi ri vamatiko lava nga yimbangiki, kutani Xikwembu xi mi hanyisile swin'we na Kriste. Xi hi rivalerile milandzu ya hina hinkwayo,

Vakolosa 3:11

Laha a ku na Mugriki ni Muyuda, a ku na la yimbeke ni la nga yimbangiki, a ku na munhu wa matiko ni munhu wa hava, a ku na hlonga ni muntshunxeki, kambe i Kriste la nga hinkwaswo eka hinkwavo.

Vakolosa 1:21

Na n'wina lava khale a mi ri kule ni Xikwembu, a mi ri valala va xona hi miehleketo ya n'wina ni mintirho ya n'wina leyo biha;

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Vaefesa 5:8

Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Vagalatiya 6:12

Hinkwavo lava ringetaka ku tikomba va ri lavanene ni ku tidzunisa hi swilo swa laha misaveni, hi vona lava va mi sindzisaka ku yimba; va endlela ntsena leswaku va ta ka va nga xanisiwi hikwalaho ka xihambano xa Kriste;

1 Vakorinto 12:2

Ma swi tiva leswaku, loko ma ha ri vamatiko, a mi yisiwa hala ni hala, mi kokeriwa eka swikwembu swa hava leswi nga vulavuriki.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

1 SAMIELE 17:26

Davhida a vutisa lava a va yimile kwalaho, a ku: “Va ri, ú ta nyikiwa yini munhu la nga ta dlaya Mufilista loyi, a kutsula Israele endzhukanweni lowu, xana? Swona o va mani Mufilista loyi wo ka a nga yimbanga, leswi a pfukaka mavuthu ya Xikwembu lexi hanyaka, xana?”

Duteronoma 16:12

“Tsundzukani leswaku a mi ri mahlonga etikweni ra Egipta; hikokwalaho mi tikarhatela ku hlayisa milawu leyi.

Duteronoma 15:15

Tsundzuka leswaku a wu ri hlonga etikweni ra Egipta, kambe HOSI Xikwembu xa wena xi ku kutsurile; kutani hi swona leswi endlaka leswaku ndzi ku lerisa leswi namuntlha.

Duteronoma 9:7

“Mi fanele ku tsundzuka leswaku le mananga mi hlundzukisile HOSI Xikwembu, mi nga tshuki mi swi rivala. Ku sukela siku leri mi humeke ha rona le tikweni ra Egipta, ku fika namuntlha, a mi yingisanga swileriso swa HOSI Xikwembu;

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Vagalatiya 2:15

Hina hi Vayuda hi ku velekiwa, a hi vamatiko va nga “vadyohi”.

Ezekiele 36:31

Mi ta anakanya mahanyelo ya n'wina layo biha ni mintirho ya n'wina leyi nga tsakisiki, kutani mi ta tisola hikwalaho ka swidyoho swa n'wina ni manyala lawa mi ma endleke.

Duteronoma 5:15

Tsundzuka leswaku a wu ri hlonga etikweni ra Egipta, ni leswaku mina HOSI Xikwembu xa wena ndzi ku humesile evuhlongeni byebyo, hi ntamu lowukulu ni mintirho ya matimba. Hikokwalaho, mina HOSI Xikwembu xa wena ndzi ku lerisa ku hlayisa siku ra Savata.

Ezekiele 20:43

Loko mi ri etikweni rero, mi ta tsundzuka hinkwaswo leswi mi swi endleke, leswi mi tinyamiseke ha swona, kutani mi ta tisola ehenhla ka mintirho ya n'wina hinkwayo leyo biha.

1 SAMIELE 17:36

Mina ndzi nandza wa wena; ndzi dlayile tinghala ni swinkankanka. Kutani ndzi ta endla swo tano eka Mufilista loyi wo ka a nga yimbanga, hikuva ú pfuka mavuthu ya Xikwembu lexi hanyaka.”

Varhoma 2:26

Kambe loko munhu la nga yimbangiki a hlayisa swileriso swa Nawu, ú ta hlayiwa la yimbeke, hambiloko a nga yimbanga.

Varhoma 2:27

Kutani loko munhu la nga yimbangiki a famba hi Nawu, ú ta ku avanyisa wena la tlulaka Nawu, hambiloko u ri ni leswi tsariweke swa Nawu, kumbe hambi u yimbile.

Varhoma 11:17

Kambe leswi marhavi man'wana ma phatluriweke, ni leswi wena mutlhwari wa le nhoveni u tlhomiweke ematshan'wini ya wona, u tlhela u phameriwa mafurha ya rimitsu ra mutlhwari wa le kaya,

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Matewu 20:7

Va n'wi hlamula va ku: ‘Hi tshamile, hikuva a hi thoriwanga.’ A ku ka vona: ‘Na n'wina, yanani ensin'wini ya vhinya.’