Vaefesa 2:10 - BIBELE Mahungu Lamanene

¹⁰ Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.

Testamente Leyimpsha Xichangana

¹⁰ Hikuva hina hivumbiwile hi Xikwembu, kutani, ka Yesu Kriste, Xikwembu xihivumbele kutirha mintirho leyinene, leyi xihilungiseleke yona khale, lesvaku hitayendla yona.

Xitsonga (Bibele)

¹⁰ Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Vaefesa 2:10 Referans Kwoze

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

2 Vakorinto 9:8

Xikwembu xi ni matimba ya ku mi nyika hinkwaswo leswi mi swi pfumalaka, ni ku tlula kwalaho, mi ta kota ku pfuna entirhweni wihi ni wihi lowunene, hikuva minkarhi hinkwayo mi kuma leswi swi mi ringanaka hi matlhelo hinkwawo,

Vaefesa 4:24

Ambalani munhu lontshwa la vumbiweke hi xifaniso xa Xikwembu, la tikombaka hi ku lulama ka yena ni ku hlawuleka loku nga ni ntiyiso.

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

2 Timotiya 3:17

leswaku mutirheli wa Xikwembu a va la hetisekeke, a tilulamisela ku endla ntirho wun'wana ni wun'wana lowunene.

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

2 Timotiya 2:21

Hikokwalaho, loko munhu a tibasisa eka swilo leswitsongo, ú ta va xibya xo tirha leswikulu, lexi hlawulekeke ni ku pfuna n'wini wa yindlu, xi yimela ku tirha ntirho wihi na wihi lowunene.

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Esaya 43:21

Vanhu lava, ndzi va vumbile leswaku va ndzi dzunisa vona vinyi.

Vaefesa 1:4

Niloko misava yi nga si tumbuluxiwa, Xikwembu a xi hi hlawurile eka Kriste, leswaku hi ta va lava hlawulekeke ni ku pfumala nandzu emahlweni ka xona.

1 Timotiya 6:18

Va byele ku endla leswo lulama, va tala rifuwo ra mintirho leyinene, va hanana, va tiva ni ku pambulela van'wana.

Tito 3:14

Varikwerhu a va dyondze ku chivirikela mintirho leyinene, va ta pfuna lomu ku pfumariwaka ngopfu; va nga tshuki va hanya vutomi lebyi nga pfuniki nchumu.

Vaheveru 10:24

A hi laveni tindlela to pfuxana, hi kombana rirhandzu ni mintirho leyinene.

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

Vakolosa 3:10

hikuva mi ambarile munhu wa hanyelo lerintshwa loyi a pfuxetiwaka kambe na kambe, leswaku mi kota ku tiva swinene Xikwembu lexi xi n'wi tumbuluxeke hi xifaniso xa xona.

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

1 Vakorinto 3:9

Hikuva hina hi vatirhi-kuloni eka Xikwembu, n'wina mi nsimu ya Xikwembu, mi yindlu ya Xikwembu.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Tito 3:1

Tsundzuxa lava u va dyondzisaka ku tiveka ehansi ka tihosi ni tindhuna, hi ku ti yingisa, va tshama va tilunghisela ku tirha mintirho hinkwayo leyinene;

1 Yohane 2:6

Loyi a vulaka leswaku ú tshame ka xona, ú fanele ku hanya hi mukhuva lowu na yena Yesu a hanyeke ha wona.

Pisalema 138:8

We HOSI, u ta hetisa makungu ya wena lamanene ehenhla ka mina; rirhandzu ra wena a ri na ku hela, hikokwalaho ntirho lowu u wu sunguleke, u nga wu tshiki empfhukeni!

Esaya 29:23

Loko vatukulu va Yakobo va vona leswi ndzi swi endleke exikarhi ka vona, va ta twarisa vito ra mina, Vaisraele va ta ndzi dzunisa va ndzi komba xichavo, mina Xikwembu xa vona.

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Yohane 3:21

Kambe loyi a hanyaka entiyisweni, wa ta eku vonakaleni, leswaku mintirho ya yena yi ta vonaka yi ri leyi endliweke hi ku yingisa Xikwembu.

Pisalema 51:10

We Xikwembu, vumba endzeni ka mina mbilu leyo tenga, u tlhela u pfuxa moya wo lulama endzeni ka mina.

2 Vatesalonika 2:17

va nga tiyisa timbilu ta n'wina, va mi nyika matimba ya ku endla ni ku vulavula hinkwaswo leswi nga swinene.

Varhoma 8:29

Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Timhaka 9:31

Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

2 Vakorinto 5:5

Kutani Xikwembu hi xoxe xi hi vumbele swona sweswo, kutani xi hi nyikile Moya, wu ri xitiyiso xa leswa ha taka.

Esaya 44:21

HOSI Xikwembu xi ri: “N'wina va ka Yakobo, ndzi vula n'wina Vaisraele malandza ya mina, mi nga tshuki mi rivala timhaka leti: Muvumbi wa n'wina, hi mina, n'wina mi malandza ya mina; ndzi nga ka ndzi nga mi rivali n'wina Vaisraele.

1 Timotiya 5:25

Hi mukhuva wolowo, na yona mintirho leyinene yi le rivaleni, kambe hambiloko yin'wana yi nga vonaki, yi nga ka yi nga tshami yi fihlekile.

1 Timotiya 2:10

kambe a va tibombise hi mintirho leyinene, hilaha swi fanelaka vavasati lava tivulaka va vukhongeri.

Duteronoma 5:33

Mi fanele ku hanya hi ndlela leyi HOSI Xikwembu xi mi lerisaka yona. Loko mi endla sweswo, mi ta kateka, naswona mi ta hanya masiku layo tala etikweni leri mi nga ta ri teka ri va ra n'wina.

1 Timotiya 5:10

naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Esaya 19:25

hikuva wona ma ta va ma katekisiwile hi HOSI ya matimba hinkwawo, yi ku: “A ku katekisiwe Vaegipta, vona vanhu va mina, ni Vaasiriya, lava ndzi va vumbeke, ni Vaisraele, yona ndzhaka ya mina.”

Pisalema 119:3

va nga lava chavaka ku endla leswo biha, lava fambaka etindleleni ta yona.

Pisalema 81:13

A ndzi ta tsaka ngopfu loko Vaisraele vanhu va mina va ndzi yingisa, va famba etindleleni ta mina.

Vagalatiya 6:15

Hikuva, hambi munhu a yimbile kumbe a nga yimbanga, a swi vuli nchumu. Mhaka leyikulu i ku va xivumbiwa lexintshwa.

Varhoma 8:1

Kutani sweswi a ka ha ri na ku avanyisiwa eka lava nga va ka Kriste Yesu.

Duteronoma 32:6

Xana hi yona ndlela leyi mi hakelaka HOSI Xikwembu ha yona, ke? Maphuphula ndzin'wina, vanhu vo ke mano, xana a hi xona xi nga Tata wa n'wina, yena loyi a mi vumbeke ke? Muendli ni mulweri wa n'wina, a hi xona ke?

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Esaya 43:7

hikuva hinkwavo i va mina, ndzi va tumbuluxele ku ndzi dzunisa, hi mina ndzi nga muvumbi ni muendli wa vona.’ ”

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri:

Vaefesa 2:6

Hi ku hi hlanganisa na Kriste Yesu, xi hi pfuxile eku feni swin'we na yena, ni ku hi endla lava fumaka na yena ehenhla ematilweni.

Vaefesa 2:13

Kambe sweswi, eka Kriste Yesu, n'wina lava khale a mi ri kule na Xikwembu, mi tshinetiwile kusuhi na xona hi ku fa ka Kriste.

Vaefesa 2:15

Ú herisile Nawu lowu nga ni swileriso ni swinawa-nawana; ú endlile leswi leswaku, hi tinxaka leti timbirhi, a ta vumba vanhu van'we lavantshwa lava hlanganaka eka yena, kutani swi tisa ku rhula.