Vaefesa 2:1 - BIBELE Mahungu Lamanene

¹ Khale a mi file emoyeni hikwalaho ka swivi swa n'wina ni swidyoho swa n'wina.

Testamente Leyimpsha Xichangana

¹ Khale amifile moyeni hikolaho ka milandzu ya n'wina ni svijoho sva n'wina.

Xitsonga (Bibele)

¹ Na n'wina, a mi file emilandzwini ya n'wina ni le eku dyoheni ka n'wina,

Vaefesa 2:1 Referans Kwoze

Vakolosa 2:13

Khale, a mi ri lava feke hikwalaho ka milandzu ya n'wina, hileswi a mi ri vamatiko lava nga yimbangiki, kutani Xikwembu xi mi hanyisile swin'we na Kriste. Xi hi rivalerile milandzu ya hina hinkwayo,

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Vaefesa 4:18

Mianakanyo ya vona yi le munyameni; a va na ku averiwa evutomini bya Xikwembu, hikuva eka vona vutivi ku hava, na swona timbilu ta vona ti tlanyarile,

Yohane 5:21

Kukotisa leswi Tatana a pfuxaka vafi, a engeta a va nyika vutomi, swi tano na yena N'wana, ú nyika vutomi eka lava a rhandzaka ku va nyika byona.

1 Yohane 3:14

Ha swi tiva leswaku hi humile eku feni ku ya nghena evutomini, hikuva hi rhandza vamakwerhu. Loyi a nga riki na rirhandzu, ú tshama eku feni.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

1 Timotiya 5:6

Kasi loyi a navelaka ku tikorwisa ntsena, ú file hambiloko a ha hanya.

Yohane 5:25

Ndzi tiyisisile ndzi ri ka n'wina: Nkarhi wa ta, nisweswi wu tile, lowu vafi va nga ta twa rito ra N'wana wa Xikwembu, kutani lava va ri twaka va ta hanya.

1 Vakorinto 15:45

Hikokwalaho ku tsariwile, va ku: “Munhu lowo rhanga Adamu, ú endliwile xivumbiwa lexi hanyaka.” Kambe Adamu lowo hetelela ú endliwile moya lowu hanyisaka.

Yohane 10:10

Muyivi ú tela ntsena ku yiva, ni ku tlhava, ni ku lovisa; mina ndzi tile leswaku tinyimpfu ti va ni vutomi, ti byi kuma hi ntalo.

Nhlavutelo 3:1

“Tsalela ni ntsumi ya kereke ya le Sarda, u ku: “ ‘Marito ya loyi a nga ni mimoya ya 7 ya Xikwembu ni tinyeleti ta 7, hi lawa: Ndzi tiva mintirho ya wena: U ni vito ra leswaku wa hanya, kasi u file.

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Luka 15:24

hikuva n'wana loyi wa mina a a file, kambe sweswi wa hanya; a a lahlekile, kambe sweswi ú kumiwile.’ Kutani va sungula ku tsaka.

Matewu 8:22

Yesu a ku ka yena. “Ndzi landze, kutani u tshika vafi, va lahla vafi va vona.”

2 Vakorinto 5:14

Rirhandzu ra Kriste ra hi fambisa, hikuva hi fikile laha hi tivaka swinene leswaku munhu un'we ú fele hinkwavo; loko swi ri tano, hinkwavo va file.

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.