Vaefesa 1:7 - BIBELE Mahungu Lamanene

⁷ Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Testamente Leyimpsha Xichangana

⁷ Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Xitsonga (Bibele)

⁷ ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Vaefesa 1:7 Referans Kwoze

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Varhoma 3:24

Kambe va hlayiwa lava lulameke hi tintswalo ta Xikwembu, hi ku nyikiwa, ha Kriste Yesu loyi a va kutsulaka.

Vakolosa 1:14

loyi eka yena hi nga ni ku rivaleriwa ka swidyoho ni ku kutsuriwa.

Vaheveru 9:22

Hikuva hakunene, ehansi ka Nawu, hi nga ku hinkwaswo swi basisiwa hi ku cheriwa ngati, kutani ehandle ka ku halatiwa ka ngati ku hava ku rivaleriwa ka swidyoho.

Matewu 26:28

hikuva leswi i ngati ya mina, ngati ya ntwanano leyi halateriwaka lavo tala leswaku va rivaleriwa swidyoho.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

1 Yohane 2:12

Ndzi tsalela n'wina, vana vanga, hikuva swidyoho swa n'wina swi rivaleriwile hikwalaho ka Kriste.

Vafilipiya 4:19

Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

Vaefesa 2:7

Xi endlile leswi ku komba, eminkarhini leyi taka, ku tala loku nga pimekiki ka tintswalo ta xona, hi vunene lebyi xi hi endleleke byona ha Kriste Yesu.

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Pisalema 130:7

N'wina Vaisraele, langutelani HOSI, hikuva rirhandzu ra yona ra tshembeka, naswona yi hi kutsurile ko tala.

Vaefesa 3:16

Ndzi kombela Xikwembu leswaku entalweni wa ku dzuneka ka xona, xi mi nyika matimba, hi Moya wa xona, ku tiya emunhwini wa n'wina wa le ndzeni,

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Daniele 9:9

Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

Ntirho 33:24

Yi ta n'wi twela vusiwana, yi ku ka Xikwembu: ‘We HOSI, u nga tshiki munhu loyi a hojomela esirheni, ndzi kumile xo riha milandzu ya yena!’

1 Yohane 4:10

Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Daniele 9:19

We HOSI, hi yingise! HOSI, hi rivalele! HOSI, twana xirilo xa hina, u hatla u hi lwela, hikwalaho ka leswi u nga swona, we Xikwembu xanga, ni hikwalaho ka muti lowu wa wena ni vaaki va wona lava thyiweke vito ra wena.

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Timhaka 10:43

Hi yena loyi vaprofeta hinkwavo va vuleke vumbhoni ehenhla ka yena loko va te: ‘Un'wana ni un'wana la pfumelaka ka yena, ú ta kuma ku rivaleriwa ka swidyoho hi vito ra yena.’ ”

Yohane 20:23

Loko mi rivalela vanhu swidyoho swa vona, va ta rivaleriwa hakunene; loko mi nga rivaleli vanhu swidyoho swa vona, a va nga rivaleriwi.”

Marka 14:24

A ku ka vona: “Leswi i ngati ya mina, ngati ya ntwanano, leyi halateriwaka lavo tala.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Tito 3:6

Xikwembu xi cherile Moya lowu hi ntalo ehenhla ka hina ha Yesu Kriste Muponisi wa hina,

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Vakolosa 2:13

Khale, a mi ri lava feke hikwalaho ka milandzu ya n'wina, hileswi a mi ri vamatiko lava nga yimbangiki, kutani Xikwembu xi mi hanyisile swin'we na Kriste. Xi hi rivalerile milandzu ya hina hinkwayo,

Vakolosa 2:2

Ndzi lava leswaku timbilu ta vona ti tiyisiwa, ni leswaku va khomana swin'we hi rirhandzu, kutani va ta fumisiwa hi matlhelo hinkwawo hi ku nyikiwa ku twisisa loku hetisekeke, leswaku va tiva xihundla xa Xikwembu, a nga Kriste;

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vaefesa 2:4

Kambe Xikwembu xi ni musa swinene, hikwalaho ka rirhandzu lerikulu leri xi hi rhandzeke ha rona.

Varhoma 9:23

Kumbe, ku yini ka swona ke, loko xi endlele ku tivisa vukulu bya ku kwetsima ka xona, ehenhla ka swibya leswi a swi vumberiwile ku tsetseleriwa, swi nga swibya leswi xi swi lunghiseke ka ha ri ku sunguleni leswaku swi ta nyikiwa ku kwetsima ka xona, xana?

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Luka 24:47

Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Luka 1:77

ni ku tivisa tiko ra yona leswaku ri ta ponisiwa, hi ku rivaleriwa ka swidyoho swa rona.

Zakariya 9:11

Xikwembu xi ku ka Vaisraele: “Ndzi endlile ntwanano na n'wina lowu funghiweke hi ngati, hikokwalaho ndzi ta ntshunxa vanhu va n'wina lava khomiweke, ndzi ta va humesa evukhumbini bya vona lebyi fanaka ni khele ro pfumala mati.

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Pisalema 130:4

Kambe hi wena la hi rivalelaka, we HOSI. Hikokwalaho vanhu a va ku kombe xichavo.

Matewu 6:12

u hi rivalela swidyoho swa hina, tanihi loko na hina hi rivalela lava hi dyohelaka;

Varhoma 3:25

Xikwembu xi n'wi vekile leswaku hi ku fa ka yena, vanhu va rivaleriwa swidyoho, loko va pfumela eka yena; xi endlele ku komba hilaha xi endlaka vanhu va va lava lulameke hakona, hikuva a xi hlayelanga vanhu ku dyoha ka vona ka khale, eminkarhini ya ku tsetselela ka xona;

Vaefesa 1:8

ti nga leti xi nga hi chululela tona! Hi vutlhari hinkwabyo bya xona ni ku anakanya hinkwako ka xona,

Vaefesa 1:14

Moya lowu i xitiyiso xa ndzhaka ya hina leyi hi nga ta yi kuma, siku Xikwembu xi nyikaka ku ntshunxeka loku hetisekeke eka lava nga va xona, ku endlela leswaku va dzunisa ku twala ka xona.

Vaefesa 1:18

Ndzi kombela leswaku miehleketo ya n'wina yi pfuleka, mi ta tiva leswaku ku tshemba loku xi mi vitanelaka kona hi loku ko yini, ni leswaku ku tala ka ndzhaka ya xona leyo saseka ngopfu leyi tshembisiwaka vahlawuriwa va xona, hi loku ko yini,