Vaefesa 1:22 - BIBELE Mahungu Lamanene

²² Kutani Xikwembu xi vekile hinkwaswo ehansi ka minkondzo ya Kriste, xi tlhela xi n'wi nyika eka Kereke, a ri nhloko ya hinkwaswo.

Testamente Leyimpsha Xichangana

²² Kutani Xikwembu xivekile hinkwasvu hansi ka minkondzo ya Kriste, xitlhela ximuveka Kerekeni, kuva nhloko ya hinkwasvu.

Xitsonga (Bibele)

²² kutani u vekile hinkwaswo ehansi ka milenge ya yena, a tlhela a n'wi veka ehenhla ka hinkwaswo, ku va nhloko ya Kereke,

Vaefesa 1:22 Referans Kwoze

Vakolosa 1:18

Hi yena nhloko ya miri, hileswaku ya Kereke. Hi yena masungulo ya hinkwaswo ni loyi a rhangeke a pfuka exikarhi ka vafi, leswaku a va lowo rhanga eswilweni hinkwaswo.

Vakolosa 2:10

kutani n'wina mi kumile vutomi lebyo tala eka yena; hi yena la nga nhloko ya hinkwaswo leswi nga ni vundhuna ni ku fuma.

Vaheveru 2:8

u vekile hinkwaswo swi va hansi ka minkondzo ya yena.” Kutani ke, loko Xikwembu xi vekile hinkwaswo ehansi ka minkondzo ya yena, swi vula leswaku a xi siyanga xilo ni xin'we xi nga ri hansi ka yena. Kambe, hilaha timhaka ti yimeke hakona, hina a hi si kota ku vona swilo hinkwaswo swi ri hansi ka yena.

Vakolosa 2:19

munhu wo tano a nga namarheli Nhloko, leyi ha yona miri hinkwawo wu phameriwaka ni ku hlanganisiwa swinene, hi misiha ni tinyama ta wona, kutani wu kula hi ku kula loku humaka eka Xikwembu.

Vaefesa 5:23

Hikuva nuna i nhloko ya nsati wa yena, kukota leswi Kriste na yena a nga nhloko ya Kereke, naswona Kriste i muponisi wa Kereke, miri wa yena;

1 Vakorinto 11:3

Kambe ndzi lava leswaku mi tiva leswi: Kriste i nhloko ya wanuna un'wana ni un'wana, wanuna i nhloko ya wansati, Xikwembu i nhloko ya Kriste.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Vaefesa 3:21

eka yena a ku ve ku dzuneka ekerekeni ni ka Kriste Yesu, hi minkarhi ni minkarhi hilaha ku nga heriki. Amen!

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

1 Timotiya 3:15

leswaku loko ndzi tshuka ndzi hlwela, u ta swi kota ku tiva hilaha munhu a nga hanyaka hakona loko a ri endyangwini wa Xikwembu, yi nga kereke ya Xikwembu lexi hanyaka, mhandze leyikulu ni xiseketelo xa leswi nga ntiyiso.

Matewu 16:18

Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Pisalema 91:13

U ta kandziyela nghala ni xivatlankombe, u phyandlasela vana va nghala ni tinyoka.

Vakolosa 1:8

Hi yena la nga hi tivisa ta rirhandzu leri mi nga nyikiwa rona hi Moya.

Pisalema 110:1

HOSI Xikwembu xi byerile murhangeri wa tiko ra ka hina xi ku: “Tana u ta tshama evokweni ra mina ra xinene, kutani ndzi ta veka valala va wena ehansi ka minkondzo ya wena.”