Vaavanyisi 7:2 - BIBELE Mahungu Lamanene

² HOSI Xikwembu xi ku ka Gidiyoni: “Vanhu lava u nga na vona va tele ngopfu! Ndzi nga ka ndzi nga nyiketi Vamidiyani emavokweni ya Vaisraele vo tarisa sweswo, hikuva va nga tikurisa emahlweni ka mina, va ku: ‘Hi tiponisile hi matimba ya hina.’

Xitsonga (Bibele)

² Yehovha a ku eka Gidiyoni: “Vanhu lava u nga na vona va tele ngopfu, ndzi nga ka ndzi nga nyiketi Vamidiyani emavokweni ya vona, Vaisraele va nga ti tshuka va tidzunisa ematshan'weni ya ku dzunisa mina, va ku: ‘Hi tilamulerile hi mavoko ya hina.’

Vaavanyisi 7:2 Referans Kwoze

Duteronoma 8:17

“Tivoneleni, mi nga tshuki mi anakanya leswaku rifuwo leri mi nga ta va na rona, mi ta va mi ri kumile hi ntamu wa n'wina ni mintirho ya n'wina ya matimba;

2 Vakorinto 4:7

Kambe hina hi nyikiweke ku rhwala xuma lexi, hi fana ni timbita ta vumba; swi komba leswaku matimba lamakulu lawa, lama tlulaka hinkwaswo, ma huma eka Xikwembu, a ma humi eka hina.

Varhoma 11:18

u nga tshuki u tikukumuxa, u sandza marhavi lama phatluriweke; wo tikukumuxa ntsena, a hi wena la rhwalaka rimitsu, kambe i rimitsu leri ri ku rhwalaka.

Vaefesa 2:9

Ku hava xo tikurisa ha xona emhakeni leyi, hikuva a swi humi eku tikarhateni ka n'wina.

Zakariya 12:7

HOSI Xikwembu xi ta rhanga xi nyika mavuthu ya va ka Yuda matimba yo hlula valala, leswaku vatukulu va Davhida ni vaaki va Yerusalema va nga tluli va le Yuda hi ku dzuneka.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Ezekiele 28:17

Vumbhurhi bya wena byi ku vangele ku tikurisa, kutani u onha vutlhari bya wena hi ku navela ku dzunisiwa hi vanhu. Ndzi ku bile u wela hansi, tihosi letin'wana ti ri karhi ti swi vona, kutani ti tsaka.

1 SAMIELE 14:6

Yonatani a byela jaha leri a ri n'wi rhwalela matlhari, a ku: “A hi tsemakanye hi ya laha makhuna lawaya ma goveke kona; kumbexana HOSI Xikwembu xi ta hi pfuna, hikuva ku hava lexi nga sivelaka HOSI Xikwembu ku hi lamulela, hambi hi tele kumbe hi nga talanga.”

Duteronoma 32:27

kambe ndzi chavile leswaku valala va vona va nga swi teka hi ndlela leyi nga riki yona, kutani va ndzi hlekula, va ku: Hi hlurile hi matimba ya hina, a hi HOSI Xikwembu lexi xi endleke hinkwaswo leswi!’

Varhoma 3:27

Loko swi ri tano, ku tidzunisa ku nga va kwihi ke? Ku dlayiwile! Hi mhaka yihi ke? Hi mhaka ya mintirho leyi endliweke xana? E-e! Ku dlayiwile hi mhaka ya ku pfumela.

Habakuku 1:16

Hikokwalaho, va humesela tinkoka ta vona emagandzelo, va hisela masole ya vona emirhi ya risuna; hikuva ha swona Vakalediya va hanya emafurheni, eswakudyeni leswo xawula.

Daniele 4:30

Kutani a ku: “Muti lowukulu lowu wa Babilona, ndzi wu akile hi matimba ya mina ntsena, leswaku wu va ntsindza wa mina, wu dzunisa vukulukumba bya mina!”

Ezekiele 28:2

“Wena munhu, byela hosi ya le Tiri leswaku mina HOSI N'wini wa hinkwaswo ndzi ni rito eka yona leri nge: U tikurisa ngopfu, u ri: ‘Mina ndzi xikwembu! Ndzi tshamile xiluvelweni xa swikwembu exivindzini xa malwandle!’ Kasi wena u munhu ntsena, a wu xin'wana xa swikwembu! Wo tixisa loko u anakanya leswaku u tlharihile kukota swona.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Esaya 10:13

Yi tidzunisa yi ku: “Matimba ya mina, hi wona ma tirheke swilo leswi, ndzi swi endlile hi vutlhari bya mina, hikuva ndzi kota ku twisisa; mindzilekana ya matiko ndzi yi herisile, kutani ndzi phangha xuma xa wona; ndzi nghenile ku fana ni nkuzi, ndzi susa tihosi eswiluvelweni swa tona.

2 TIKRONIKA 14:11

Kutani Asa a khongela HOSI Xikwembu xa yena, a ku: “We HOSI, hi wena ntsena u kotaka ku lwela lava tsaneke, u va ponisa eka lava va va tlulaka hi matimba. Hi pfune u va na hina, we HOSI, Xikwembu xa hina, hikuva hi tshemba wena ntsena; loko hi ya hlangana ni ntshungu lowu wa valala, hi lava ku twarisa vito ra wena. We HOSI, u Xikwembu xa hina, u nga pfumeli leswaku loyi a nga munhu ntsena a ku tlula hi matimba!”

Esaya 2:17

Esikwini rero, vanhu va manyunyu va ta nyumisiwa, lava tidzunisaka va ta tsongahatiwa; HOSI Xikwembu hi xona ntsena xi nga ta dzunisiwa.

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Esaya 2:11

Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Genesa 46:2

Kutani nivusiku Xikwembu xi vulavula na yena hi xivono, xi ku: “Yakobo, Yakobo!” Yena a pfumela a ku: “Hi mina loyi!”

Tinhlayo 31:4

Eka nyimba yin'wana ni yin'wana, mi ta humesa vavanuna va 1 000, va ya enyimpini.”