Vaavanyisi 6:4 - BIBELE Mahungu Lamanene

⁴ va rhendzela Vaisraele, va herisa swa le masin'wini hinkwaswo ku ya fika kusuhi na Gaza, va nga siyi nchumu lexi Vaisraele va nga tihanyisaka ha xona, swi tsandza hambi nyimpfu, kumbe homu, kumbe mbhongolo yinene!

Xitsonga (Bibele)

⁴ Va fika va gova ekusuhi na vona, va herisa mavele emasin'wini ku ya fika eGaza, a va nga siyeri Vaisraele swakudya, hambi yi ri nyimpfu, kumbe homu, kumbe mbhongolo.

Vaavanyisi 6:4 Referans Kwoze

Levhitika 26:16

ndzi ta mi endla leswi: Ndzi ta mi rhumela swilo swo chavisa ngopfu; mi ta va ni vuvabyi bya xifuva ni dari, byi mi dlaya mahlo byi mi heta ni matimba. Mi ta rima swilo leswi n'wina mi nga ta ka mi nga swi dyi, swi ta dyiwa hi valala va n'wina.

Duteronoma 28:51

Va ta dya leswi tswariweke hi swifuwo swa n'wina, va dya ni ntshovelo wa masimu ya n'wina, mi kondza mi herisiwa. Va ta mi tekela hinkwaswo: Mavele, ni vhinyo, ni mafurha, ni leswi velekiweke hi swifuwo swa n'wina leswikulu ni leswitsongo, va ko va mi lovisa.

Mikiya 6:15

Masimu mi ta rima, kambe a mi nga tshoveli; mihandzu ya mirhi ya mitlhwari mi ta khuvuta, kambe a mi nga toli mafurha ya kona; ni mihandzu ya vhinya mi ta pyanyela, kambe vhinyo ya kona a mi nga yi nwi.

Duteronoma 28:33

Swa le masin'wini ya n'wina ni mihandzu ya nyuku wa n'wina, swi ta dyiwa hi vanhu lava mi nga va tiviki. Vutomi bya n'wina hinkwabyo mi ta va eku xanisekeni, mi tshikeleriwa,

Swivuriso 28:3

Xisiwana xa mulanguteri, lexi xanisaka swisiwana-kulobye, xi fana ni mpfula ya ximbhembhe, leyi herisaka swakudya.

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Genesa 10:19

ndzilekana wa tiko ra vona wu sungula eSidoni wu kongoma eGerara, wu ya fika eGaza; kutani wu jika wu kongoma etlhelo ra Sodoma na Gomora, na Adama, na Seboyimi, wu ya helela eLaxa.

Obadiya 1:5

“Loko vayivi va mi tela, ni loko mi ngheneriwa hi makhamba nivusiku, va ta phangha hinkwaswo leswi va swi lavaka, va ta tshovela swa muti wa n'wina kukotisa vhinya, va siya makhwaji ntsena; mi ta sala mi lo gòò!

Vaavanyisi 6:3

Minkarhi hinkwayo loko Vaisraele va rimile masimu, Vamidiyani ni Vaamaleke ni va le vuxeni a va ta va ta va hlasela,

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”