Vaavanyisi 4:7 - BIBELE Mahungu Lamanene

⁷ Kutani mina HOSI ndzi ta yenga Sisera mufambisi wa mavuthu ya Yabini, a ta hlangana na wena exinambyaneni xa Kixoni, a ri ni makalichi ni masocha ya yena; kutani mina ndzi ta n'wi nyiketa emavokweni ya wena.’ ”

Xitsonga (Bibele)

⁷ Ndzi ta kokela eka wena, enambyeni wa Kixoni, Sisera, mufambisi wa mavandla ya Yabini, ni tigolonyi ta yena, ni tiko ra yena ndzi ta va nyiketa emavokweni ya wena.”

Vaavanyisi 4:7 Referans Kwoze

1 TIHOSI 18:40

Hiloko Eliya a va lerisa a ku: “Khomani vaprista va Baali, ku nga baleki ni un'we wa vona.” Kutani va va khoma; Eliya a rhelela na vona exinkobyaneni xa Kixoni, va ya dlayeriwa kona.

Vaavanyisi 5:21

Va dyiwile hi mati ya xinambyana xa Kixoni, xi nga xinambyana lexi hingakanyeke ndlela ya vona, xona xinambyana xa Kixoni. Wena, moya wanga, yana emahlweni, u nga heli matimba!

1 SAMIELE 24:18

Namuntlha u kombisile vunene lebyi a wu ndzi tirhela ha byona, hikuva hambileswi HOSI Xikwembu a xi ndzi nyiketile emavokweni ya wena, a wu ndzi dlayanga.

1 SAMIELE 24:10

Namuntlha, u swi vonile hi wexe hilaha HOSI Xikwembu xi ku nyiketeke hakona emavokweni ya mina, le bakweni. Van'wana a va ndzi kucetela leswaku ndzi ku dlaya, kambe ndzi ku tsetselerile, ndzi tiyisa leswaku ndzi nga ka ndzi nga ku khumbi, wena n'wini wanga, hikuva u muhlawuriwa wa HOSI Xikwembu.

Vaavanyisi 4:14

Kutani Debora a ku ka Baraka: “Huma u ya lwa, hikuva leri hi rona siku leri HOSI Xikwembu xi nga ta nyiketa Sisera emavokweni ya wena. Ndzi vula ndzi tiyisile ndzi ri, xi ta va mufambisi wa wena!” Kutani Baraka a suka entshaveni ya Taboro, a rhelela a ri ni masocha ya yena ya 10 000.

Yoxuwa 10:8

Kutani HOSI Xikwembu xi ku ka Yoxuwa: “U nga va chavi, hikuva ndzi va nyiketile emavokweni ya wena; ku hava ni un'we wa vona loyi a nga ta yima emahlweni ka wena.”

Yoxuwa 8:7

kambe n'wina mi ta huma laha mi nga ta va mi tumberile kona, mi teka muti wa Ayi, hikuva HOSI Xikwembu xa n'wina xi ta wu nyiketa emavokweni ya n'wina.

Eksoda 21:13

Kasi loko a nga n'wi jumanga, kambe a ri mina Xikwembu ndzi nga n'wi nyiketa leswaku a dlayiwa, ndzi ta komba mudlayi lomu a nga ta tumbela kona.

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Yoxuwa 11:20

HOSI Xikwembu hi xona xi nga nonon'hwisa timbilu ta vanhu lava leswaku va ta lwa nyimpi ni Vaisraele. HOSI Xikwembu a xi endlela leswaku vanhu lava va nga tweriwi vusiwana, kambe va herisiwa va nyamalalela makumu hilaha xi leriseke Muxe hakona.

Yoxuwa 11:6

Kutani HOSI Xikwembu xi ku ka Yoxuwa: “U nga va chavi, hikuva mundzuku hi nkarhi wo fana ni lowu, ndzi ta va nyiketa emavokweni ya Vaisraele va file; tihanci ta vona u fanele ku ti lamata hi ku ti tsema misiha ya milenge. Makalichi wona u ma hisa hi ndzilo.”

Vaavanyisi 4:8

Baraka a ku ka Debora: “Loko wena u pfumela ku famba na mina, ndzi ta ya; kambe loko u nga pfumeli, a ndzi nga yi!”

Eksoda 14:8

HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Eksoda 14:17

Mina ndzi ta nonon'hwisa timbilu ta Vaegipta leswaku va ta nghena elwandle va landza Vaisraele; kutani ndzi ta dzunisiwa swinene hi mhaka ya leswi swi nga ta humelela eka Faro, ni le ka mavuthu ni makalichi ya yena, ni le ka vagadi va tihanci ta yena.