Vaavanyisi 4:4 - BIBELE Mahungu Lamanene

⁴ Enkarhini lowu muprofeta wa xisati loyi a va ku i Debora, nkata Lapidoto, a a ri yena muavanyisi wa Vaisraele.

Xitsonga (Bibele)

⁴ Enkarhini wolowo, Debora, muprofeta wa wansati, nsati wa Lapidoto, a avanyisela Israele.

Vaavanyisi 4:4 Referans Kwoze

Luka 2:36

A ku ri na Ana, muprofeta wa xisati n'wana Fanuwele, wa va ka Asere; a a dyuharile ngopfu. Loko a tekiwa a ha ri lontshwa, ú hanyile ni nuna wa yena malembe ya 7,

2 TIHOSI 22:14

Kutani muprista Hilkiya, na Ahikama, na Akibora, na Xafani, na Asaya, va ya eka muprofeta wa xisati Hulida, nkata Xalumi n'wana Tikivha ntukulu wa Harihasi, muhlayisi wa swiambalo swa vaprista (enkarhini wolowo, Hulida a a tshama exivandleni xa Yerusalema lexi a xa ha ku akiwa), va fika va vulavula na yena.

Eksoda 15:20

Muprofeta Meriyamu, loyi a a ri makwavo wa Aroni, a teka xingomana; vavasati hinkwavo va huma va n'wi landza, va ri karhi va khankha, va khomile swingomana swa vona.

Vagalatiya 3:28

Hikokwalaho, a ku na Muyuda kumbe Mugriki, a ku na hlonga kumbe muntshunxeki, a ku na wanuna kumbe wansati, hikuva hinkwenu mi un'we eka Kriste Yesu.

1 Vakorinto 11:5

Kambe wansati un'wana ni un'wana la khongelaka, kumbe la vulaka Rito a nga funengelanga nchumu enhlokweni, ú sorisa nuna wa yena, la nga nhloko ya yena; swi fana ni loko onge ú byewuriwile.

Timhaka 21:9

A a ri ni vana va vanhwanyana va mune lava a va vula Rito.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Nehemiya 6:14

Kutani ndzi khongela ndzi ku: “We Xikwembu xanga, leswi Tobiya na Sanibalati va endlaka swona, u nga swi rivali; hambi a ri wansati lowa muprofeta loyi va nge i Nowadiya ni vaprofeta hinkwavo lava ringeteke ku ndzi chavisa, u nga va rivali!”

Vaavanyisi 4:3

Yabini ú xanisile Vaisraele swinene ku ringana malembe ya 20, hikuva a a ri ni makalichi ya nsimbhi ya 900. Kutani Vaisraele va huwelela eka HOSI Xikwembu, va kombela ku pfuniwa.

Vaavanyisi 4:5

A a toloverile ku tshama ehansi ka murhi wa ncindzu (“Ncindzu-wa-Debora”) exikarhi ka Rhama na Betele, emagangeni ya Efrayimi. Kutani Vaisraele a va tlhandlukela eka yena va ya avanyiseriwa timhaka.

Ezekiele 13:17

Xikwembu xi ri: “Wena munhu, languta vanyamusoro va ka n'wina, lava vulavulaka swo huma etinhlokweni ta vona ntsena; u fanele ku va kaneta,

Vaavanyisi 5:1

Hi siku rero, Debora na Baraka n'wana Abinowama va yimbelela risimu, va ku: