Vaavanyisi 3:10 - BIBELE Mahungu Lamanene

¹⁰ Moya wa HOSI Xikwembu wu nghena eka yena, kutani a va murhangeri wa Vaisraele, a huma nyimpi, kutani HOSI Xikwembu xi nyiketa Kuxani-Rixatayimi hosi ya le Mesopotamiya emavokweni ya yena, a n'wi hlula.

Xitsonga (Bibele)

¹⁰ Moya wa Yehovha wu va eka yena; a avanyisa ta Israele, a huma nyimpi; kutani Yehovha a nyiketa Kuxani-Rixitayimi hosi ya Mesopotamiya emavokweni ya yena. Kutani voko ra yena ri hlula Kuxani-Rixitayimi.

Vaavanyisi 3:10 Referans Kwoze

1 SAMIELE 11:6

Loko Sawulo a twa timhaka teto, a tala hi Moya wa Xikwembu swinene, a kariha ngopfu;

Vaavanyisi 14:19

Hiloko Moya wa HOSI Xikwembu wu nghena Samsoni hi matimba swinene, kutani a rhelela a ya emutini wa Exikaloni, a fika a dlaya vavanuna va muti lowu va 30, a phangha swiambalo swa vona swo bomba ha swona, a ya nyika lava kumeke nhlamuselo ya ntshayito wa yena. Kutani Samsoni a suka a muka a hlundzukile swinene.

Vaavanyisi 14:6

Kutani Moya wa HOSI Xikwembu wu n'wi nghena hi matimba swinene. Hiloko a phatlulela nghala ya kona wonge hi loko a phatlulela ximbutana, a nga khomanga nchumu emavokweni, kambe tata wa yena ni mana wa yena, a nga va byelanga leswi nga humelela.

Vaavanyisi 13:25

Loko Samsoni a ri eka Mixaxa-ya-Dani, exikarhi ka muti wa Sora ni wa Exitawulu, a sungula ku ngheniwa hi Moya wa HOSI Xikwembu.

Vaavanyisi 11:29

Hiloko Moya wa HOSI Xikwembu wu nghena eka Yefta, kutani a famba a tsemakanya hi le Giliyadi ni le ka Manase, a hundza hi le mutini wa Mispa lowu nga Giliyadi, a ya fika eka Vaamoni.

Vaavanyisi 6:34

Moya wa HOSI Xikwembu wu nghena eka Gidiyoni, kutani a ba mhalamhala, a vitana va ka Abiezere leswaku va n'wi landza.

2 TIKRONIKA 15:1

Moya wa Xikwembu wu nghena eka Azariya n'wana Odede,

Tinhlayo 24:2

Loko Balaama a tlakusa mahlo, a vona Vaisraele va govile hi ku ya hi tinyimba ta vona; kutani a xikeriwa hi moya wa Xikwembu,

Vaheveru 6:4

Hikuva lava va tshamaka va voningiwa hi Xikwembu, lava nantsweke nyiko ya le tilweni, lava averiweke Moya lowo Kwetsima,

Pisalema 51:11

U nga ndzi cukumeteli kule na wena, u nga ndzi tekeli Moya wa wena lowo kwetsima.

2 TIKRONIKA 20:14

Kutani moya wa HOSI Xikwembu wu xikela eka Yahaziele n'wana Zakariya, wa Benaya, wa Yehiele, wa Mataniya, Mulevhi wa va ka Asafa loyi a a ri enhlengeletanweni,

1 SAMIELE 16:13

Kavaloko Samiele a teka rimhondzo ra mafurha, a chela Davhida enhlokweni exikarhi ka vamakwavo. Kutani Moya wa HOSI Xikwembu wu nghena Davhida hi matimba, wu va na yena ku sukela siku rero ku ya ni ku ya. Samiele yena a tlhelela eRhama.

1 SAMIELE 10:6

Kutani moya wa HOSI Xikwembu wu ta ku nghena hi matimba swinene; u ta vhumbha swin'we na vona, u hundzuka munhu lontshwa.

Tinhlayo 27:18

Kutani HOSI Xikwembu xi ku ka Muxe: “Vitana Yoxuwa n'wana Nuni, u n'wi tlhandleka mavoko, hikuva i wanuna loyi Moya wu nga eka yena.

Tinhlayo 11:29

Kambe Muxe a n'wi hlamula, a ku: “Xana u lava ku ndzi sirhela hi ku vondzoka ka wena ke? A swi ta saseka loko HOSI Xikwembu xi nga xikisela Vaisraele hinkwavo Moya wa xona, xi va endla vaprofeta!”

Tinhlayo 11:25

Kutani HOSI Xikwembu xi rhelela xi ri epapeni, xi ta vulavula na yena; xi hunguta moya wun'wana eka lowu Muxe a a ri na wona, xi wu avela vakulukumba lava va 70. Loko wu va xikerile, va sungula ku vhumbha, kambe swi lo va swa siku rero ntsena.

Tinhlayo 11:17

Mina ndzi ta rhelela ndzi ta vulavula na wena kona; ndzi ta hunguta moya lowu wu nga eka wena, ndzi avela vakulukumba lava, leswaku va ta ku pfuna ku rhwala ndzhwalo wa ku rhangela Vaisraele, kutani a wu nga ha wu rhwali u ri wexe.

Vaavanyisi 3:8

Hikokwalaho, HOSI Xikwembu xi va karihela, xi va nyiketa emavokweni ya Kuxani-Rixatayimi hosi ya le Mesopotamiya, kutani Vaisraele va va malandza ya yena ku ringana malembe ya 8.

Vaavanyisi 3:11

Hiloko ku va ni ku rhula etikweni ku ringana malembe ya 40, kutani Otiniele n'wana Kenazi a lova.

1 TIKRONIKA 12:18

Hiloko Amasayi, un'wana wa varhangeri va tinhenha ta 30, a ngheniwa hi Moya, kutani a ku: “We Davhida, hi vanhu va wena, hi yima na wena, we n'wana Yese. Ku rhula a ku ve etikweni ra wena, ni ka hinkwavo lava va ku seketelaka, hikuva Xikwembu xa wena xa ku pfuna!” Kutani Davhida a va amukela, a va endla varhangeri va mavuthu ya yena.

Vaavanyisi 11:32

Kutani Yefta a tsemakanya a ya lwa ni Vaamoni; hiloko HOSI Xikwembu xi va nyiketa emavokweni ya yena.

Vaavanyisi 15:14

Kuteloko a fika eLehi, Vafilista va n'wi hlanganisa va ri karhi va ba huwa; kutani Moya wa HOSI Xikwembu wu nghena Samsoni hi matimba swinene, tintambhu leti a va n'wi bohile mavoko ha tona ti debya, wonge i ntsembyani loko wu tshwa hi ndzilo, mafundzu ya tona ma ntshunxeka.

1 SAMIELE 10:10

Loko va fika eGibeya, ntlawa wa vaprofeta wu tshuka wu hlangana na yena, moya wa Xikwembu wu n'wi nghena hi matimba swinene, kutani a vhumbha swin'we ni vaprofeta.