Vaavanyisi 21:1 - BIBELE Mahungu Lamanene

¹ Loko Vaisraele va ri eMispa, va hlambanyile va ku: “A ku na un'we wa hina loyi a nga ta pfumela leswaku n'wana wa yena a tekiwa hi munhu wa ka Benjamini.”

Xitsonga (Bibele)

¹ Vavanuna va Israele a va hlambanyile eMispa, va te: “A ku nga vi na un'we wa hina la nga ta nyika n'wana wa yena ku tekiwa hi va Benjamini.”

Vaavanyisi 21:1 Referans Kwoze

Vaavanyisi 20:1

Kutani Vaisraele hinkwavo, ku suka eDani ku ya fika eBerexeba, ku katsa ni va le tikweni ra Giliyadi, va hlengeletana emahlweni ka HOSI Xikwembu eMispa, va ri ni xikongomelo xin'we.

Marka 6:23

A engeta a n'wi hlambanyela hi matimba, a ku: “Leswi u nga ta swi kombela eka mina, ndzi ta ku nyika swona, hambi ku ri ku ku avanyisela hi le xikarhi tiko leri ndzi ri fumaka.”

Timhaka 23:12

Loko ri xa, Vayuda va endla makungu, va tiboha hi ku hlambanya, va ku: “Hi nga ka hi nga dyi ni ku nwa, loko hi nga si dlaya Pawulo.”

Eklesiasta 5:2

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

Vaavanyisi 21:18

Kambe hi nga ka hi nga va nyiki vana va hina leswaku va va vasati va vona.” (Vaisraele a va hlambanyile va ku: “Munhu loyi a pfumelaka leswaku n'wana wa yena a tekiwa hi va ka Benjamini, a a rhukaniwe.”)

Vaavanyisi 20:8

Kutani vanhu hinkwavo va yima hi rito rin'we, va ku: “Namuntlha a ku mukiwi, a ku na un'we wa hina loyi a nga ta tlhelela ekaya.

Varhoma 10:2

Ndzi nga va mbhoni ya vona leswaku va hisekela Xikwembu, kambe va hiseka va nga ri na vutivi;

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

1 SAMIELE 14:24

Vavanuna va Israele a va karhele ngopfu siku rero, hikuva Sawulo a a arisile masocha ku dya, a hlambanya, a ku: “Khombo eka un'wana ni un'wana la nga ta dya xanchumu ri nga si pela, na mina ndzi nga si tirihisela eka valala va mina.” Hikokwalaho a ku vanga na un'we wa vona la khumbeke swakudya.

Vaavanyisi 21:7

Hi to yini hi lava saleke xana? Vasati va ta va kuma kwihi, leswi hi hlambanyeke emahlweni ka HOSI Xikwembu leswaku vana va hina a hi nga va pfumeleli ku tekiwa hi va ka Benjamini.”

Vaavanyisi 21:5

Kutani va vutisana va ku: “Exikarhi ka tinyimba hinkwato ta Israele, xana va kona vanhu va nyimba yin'wana lava a va nga yanga emahlweni ka HOSI Xikwembu ehlengeletanweni ya le Mispa, xana?” A va vutisana hi mhaka ya leswi va endleke xitshembiso lexikulu hi ku hlambanya, hi tlhelo ra vanhu lava nga ta ka va nga yi emahlweni ka HOSI Xikwembu eMispa; a va bohile leswaku vanhu va kona va ta dlawa.

Vaavanyisi 20:10

Eka vavanuna van'wana ni van'wana va dzana, va tinyimba hinkwato ta Vaisraele, ku ta hlawuriwa vavanuna va khume, lava nga ta hamba va phamela masocha loko ma ri karhi ma rihisela manyala lawa va ka Benjamini lava akeke emutini wa Gibeya, va ma endleke exikarhi ka Vaisraele.”

Vaavanyisi 20:48

Hiloko vavanuna va Israele va ya va ya hlasela va ka Benjamini lava saleke, va dlayetela vanhu ni swifuwo ni hinkwaswo leswi a va hlangana na swona. Miti hinkwayo leyi va nga yi kuma, va yi hisa hi ndzilo.

Vaavanyisi 21:22

Loko vatata wa vona kumbe vamakwavo va ta va ta vilela eka n'wina, mi ta va byela mi ku: ‘Hi kombela leswaku mi hi tshikela vona hi va hlayisa, va va vasati va hina, hikuva a hi va tekanga hi nyimpi; hambi n'wina, a mi na nandzu, hikuva vana va n'wina a mi lo va pfumelela leswaku va tekiwa hi hina va ka Benjamini!’ ”

Yeremiya 40:6

Hiloko Yeremiya a ya eka Gedaliya n'wana Ahikama le Mispa, a ya tshama na yena exikarhi ka varikwavo lava saleke etikweni.