Vaavanyisi 2:5 - BIBELE Mahungu Lamanene

⁵ Kutani va thya ndhawu leyi evito ra Bokimi (hileswaku: “Lava rilaka”), kutani va humesela HOSI Xikwembu emagandzelo exivandleni lexi.

Xitsonga (Bibele)

⁵ Hikwalaho, va thya xivandla xexo vito ra Bokimi (varili), kutani va humesela Yehovha magandzelo kona.

Vaavanyisi 2:5 Referans Kwoze

1 SAMIELE 7:9

Kavaloko Samiele a tlhava xinyimpfana lexa ha mamaka, a endla gandzelo leri hisiwaka ha xona, a xi humesela HOSI Xikwembu; kutani Samiele a khongelela Vaisraele hi ku huwelela eka xona, kutani xona xi hlamula xikhongelo xa kona.

Vaavanyisi 13:19

Kutani Manowaka a teka ximbutana ni mapa ya gandzelo, a ya swi veka ehenhla ka ribye, a humesa gandzelo leri hisiwaka a humesela HOSI Xikwembu lexi endlaka swihlamariso.

Vaavanyisi 6:24

Kutani Gidiyoni a akela HOSI Xikwembu alitari exivandleni xexo, a yi thya vito ra “HOSI-i-ku-rhula”. Alitari ya kona ya ha ri kona ni namuntlha le Ofira, emutini wa va ka Abiezere.

Yoxuwa 7:26

Vaisraele va fumba maribye ehenhla ka ntsumbu wa Akani ma endla nhulu leyikulu leyi nga kona ni namuntlha; kutani vukari bya HOSI Xikwembu byi vohla. Hikwalaho, ndhawu leyi ni namuntlha ya ha vuriwa Nkova wa Akora (hileswaku “Nkova-wa-Khombo”).

Genesa 35:8

Debora mutirheli wa Rhaveka a lova, kutani va n'wi lahla ehansi ka murhi wa nkuhlu edzongeni ra muti wa Betele, hikokwalaho murhi lowu va wu thya vito ra Aloni-Bakuti (hileswaku: “Nkuhlu-wa-swirilo”).

Vaavanyisi 2:1

Ntsumi ya HOSI Xikwembu yi suka emutini wa Giligala, yi tlhandlukela emutini wa Bokimi, yi fika yi byela Vaisraele, yi ku: “Ndzi mi humesile etikweni ra Egipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina. Kutani ndzi mi byerile ndzi ku: ‘Ndzi nga ka ndzi nga tshovi ntwanano wa mina na n'wina;

Vaavanyisi 2:4

Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

Vaavanyisi 2:6

Kutani Yoxuwa a byela vanhu leswaku va muka, Muisraele un'wana ni un'wana a famba a ya teka ndhawu leyi a averiweke yona, leswaku yi ta va ndzhaka ya yena.