Vaavanyisi 2:4 - BIBELE Mahungu Lamanene

⁴ Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

Xitsonga (Bibele)

⁴ Kakuloko ntsumi ya Yehovha ya ha vulavula timhaka teto eka vana va Israele hinkwavo, tiko ri kolola hi ku rila.

Vaavanyisi 2:4 Referans Kwoze

Yakobo 4:9

Vavisekani, mi ba nkosi, mi rila. Ku hleka ka n'wina a ku hundzuke xirilo, ku tsaka ka n'wina a ku hundzuke gome.

2 Vakorinto 7:10

Loko ku vaviseka ku rhwariwa hi mukhuva lowu tsakeriwaka hi Xikwembu, ku tisa ku hundzuka, kutani ku hundzuka loku ku yisa eku ponisiweni, a ku khomisi tingana; kasi ku vaviseka hi mhaka ya swa misava, ku vanga rifu.

Luka 7:38

Kutani a ta hi le ndzhaku ka Yesu, a nkhinsama a ri karhi a rila, a tsakamisa ni milenge ya Yesu hi mihloti, a yi sula hi misisi ya yena, a yi ntswontswa; endzhaku ka sweswo a yi tota hi mafurha layo nun'hwela.

Luka 6:21

Mi katekile n'wina mi twaka ndlala sweswi, hikuva mi ta dya mi xurha. Mi katekile n'wina mi rilaka sweswi, hikuva mi ta hlekelela.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Swivuriso 17:10

Munhu loyi a twisisaka, ú hatla ku twa loko a tshinyiwa, kasi xiphunta, hambi xo himeteriwa ka dzana, a xi twi.

Ezra 10:1

Loko Ezra a ri karhi a khongela kusuhi ni yindlu ya Xikwembu, a kombela leswaku xi va rivalela xidyoho lexi, a rila a titlatlatela ehansi, kutani Vaisraele lavo tala va ya va fika va n'wi rhendzela, va ri vavanuna, ni vavasati, ni vana, va ri karhi va rila hi xiviti lexikulu.

1 SAMIELE 7:6

Loko va hlengeletanile eMispa, va ka mati, kutani va ma halata emahlweni ka HOSI Xikwembu; va titsona swakudya siku rero va ri endhawini yoleyo, kutani va tisola va ku: “Hi dyoherile HOSI.” (Emutini wa Mispa, hi kona laha Samiele a a tolovele ku avanyisa timhaka ta Vaisraele a ri kona.)

Vaavanyisi 2:3

Kutani sweswi ndzi mi byela leswaku a ndzi nga va hlongoli va suka emahlweni ka n'wina. Va ta hundzuka ntlhamu eka n'wina, kutani va ta mi phasa hi swikwembu swa vona.”

Vaavanyisi 2:5

Kutani va thya ndhawu leyi evito ra Bokimi (hileswaku: “Lava rilaka”), kutani va humesela HOSI Xikwembu emagandzelo exivandleni lexi.

1 SAMIELE 11:4

Loko varhumiwa va fika eGibeya emutini wa Sawulo, va rungulela vanhu va tiko timhaka leti, kutani hinkwavo va tlhava mukhosi.

Yuwele 2:12

HOSI Xikwembu xi vula sweswo xi ri: “Hambi ku ri sweswi, mi nga ha vuyela eka mina hi timbilu ta n'wina hinkwato, mi titsona, mi rila mi khavaxela.”