Vaavanyisi 2:11 - BIBELE Mahungu Lamanene

¹¹ Vaisraele va endla leswo biha emahlweni ka HOSI Xikwembu. Va tirhela swifaniso swa Baali,

Xitsonga (Bibele)

¹¹ Kutani Vaisraele va endla leswo biha emahlweni ka Yehovha, va tirhela Baali.

Vaavanyisi 2:11 Referans Kwoze

Vaavanyisi 10:6

Vaisraele va tlhela va endla leswo biha emahlweni ka HOSI Xikwembu: Va tirhela swifaniso swa Baali ni swa Astarte, swi nga swikwembu swa Vasiriya, ni Vasidoni, ni Vamowabu, ni Vaamoni, ni Vafilista. Vaisraele va tshika HOSI Xikwembu, va nga ha xi tirheli.

Vaavanyisi 6:1

Vaisraele va endla leswo biha emahlweni ka HOSI Xikwembu, kutani xi va nyiketa emavokweni ya Vamidiyani ku ringana malembe ya 7.

Vaavanyisi 4:1

Loko Ehudi a lovile, Vaisraele va engeta va endla leswo biha emahlweni ka HOSI Xikwembu.

Vaavanyisi 3:7

Kutani Vaisraele va sungula ku endla leswo biha emahlweni ka HOSI Xikwembu xa vona, va xi rivala, va ya tirhela swifaniso swa Baali ni timhandze ta Axera.

Vaavanyisi 8:33

Kuteloko Gidiyoni a ha ku lova, Vaisraele va tlhela va endla vunghwavava va tirhela Baali, kutani va teka Baala-Beriti xi va xikwembu xa vona.

1 TIHOSI 18:18

Eliya a hlamula a ku: “A hi mina la pfilunganyaka tiko ra Israele, kambe hi wena swin'we ni va ndyangu wa tata wa wena, hikuva mi tshikile swileriso swa HOSI Xikwembu, mi ya gandzela swifaniso swa Baali.

Vaavanyisi 13:1

Vaisraele va tlhela va endla leswo biha emahlweni ka HOSI Xikwembu, kutani xi va nyiketa emavokweni ya Vafilista, va va hansi ka vona ku ringana malembe ya 40.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.

Yeremiya 2:23

“Mi nga vuli mi ku: ‘A hi tinyamisanga, a hi khongelanga swikwembu swa Baali!’ Tsundzukani hilaha mi dyoheke hakona eminkoveni, anakanyani leswi mi swi endleke: A mi tsutsuma mi ya hala ni hala ku fana ni kamela ya ntswele leyi lavaka nkuzi.

Ezra 8:12

Eka va ka Azagadi, ku hume Yohanani n'wana Hakatani, a ri ni vavanuna va 110.

2 TIKRONIKA 33:6

Naswona a hisa vana va yena va xinuna enkoveni wa Hinomu, a endla magandzelo ha vona. A vhumbha, ni ku hlahluva, ni ku vutisa vafi, a tirhisana ni vangoma ni lava fembaka. A endla leswo biha ngopfu emahlweni ka HOSI Xikwembu, a kondza a xi hlundzukisa swinene.

2 TIKRONIKA 28:2

a hanya hi tindlela ta tihosi ta Israele, a vumba ni swifaniso swa Baali.

1 SAMIELE 7:4

Hakunene Vaisraele va cukumeta swifaniso swa Baali ni swa Astarte, va tirhela HOSI Xikwembu ntsena.

Vaavanyisi 10:10

Kutani Vaisraele va sungula ku huwelela eka HOSI Xikwembu, va ku: “Hi ku dyoherile, we Xikwembu, hikuva hi ku tshikile, hi ya tirhela swifaniso swa Baali.”

Vaavanyisi 3:12

Vaisraele va tlhela va endla leswo biha emahlweni ka HOSI Xikwembu. Kutani xi nyika Egiloni hosi ya Vamowabu ematimba yo hlula Vaisraele, hikuva a va endlile leswo biha emahlweni ka xona.

Genesa 38:7

Kambe Ere, mativula ya Yuda, a a ri ni mahanyelo layo biha emahlweni ka HOSI Xikwembu; hikokwalaho HOSI Xikwembu xi n'wi susa emisaveni.

Genesa 13:13

wu nga muti wa vanhu vo homboloka, lava a va dyohela ngopfu HOSI Xikwembu.

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Vaavanyisi 6:25

Hi vusiku byebyo, HOSI Xikwembu xi ku ka Gidiyoni: “Teka nkuzi ya tata wa wena, leya vumbirhi leyi nga ni malembe ya 7, kutani u mbundzumuxa alitari ya Baali leyi nga emutini wa tata wa wena, u tsema ni mhandze ya Axera leyi nga etlhelo ka alitari, yi wela hansi.

1 TIHOSI 22:53

A endla leswo biha emahlweni ka HOSI Xikwembu, a hanya hi tindlela ta tata wa yena, ni ta mana wa yena, ni ta Yerobuwamu n'wana Nebati loyi a a dyohisile Vaisraele.

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Pisalema 78:56

Hambiswiritano va tiarisile, va ringa Xikwembu xa le henhla-henhla, va ala ku yingisa swileriso swa xona.

Yeremiya 11:10

Va tlhelele eswidyohweni swa vatata wa vona lava nga ala ku ndzi yingisa; va tinyiketile eka swikwembu swin'wana, va swi tirhela. Vaisraele swin'we na vona va ka Yuda va tshovile ntwanano lowu ndzi wu endleke ni vatata wa vona.

Tinhlayo 25:3

Hi ndlela leyi, Vaisraele va tinyiketa ku tirhela xikwembu xa Baali xa le Peyori. Kutani HOSI Xikwembu xi karihela Vaisraele,

Duteronoma 4:25

“Loko mi ta va mi kumile vana ni vatukulu, ni loko mi hetile malembe layo tala etikweni leriya, mi nga tshuki mi tinyamisa hi ku tiendlela xifaniso xihi na xihi, lexi vatliweke kumbe lexi vumbiweke, lexi mi nga ta xi gandzela, hikuva mhaka yo tano yi bihile emahlweni ka HOSI Xikwembu xa n'wina, yi ta xi hlundzukisa.

1 SAMIELE 7:3

Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

1 SAMIELE 12:10

Hiloko va huwelela eka HOSI Xikwembu, va ku: ‘Hi dyohile, hikuva hi tshikile HOSI Xikwembu, hi ya tirhela swifaniso swa Baali ni swa Astarte xikwembukazi. Kambe sweswi, hi kutsule emavokweni ya valala va hina, hi ta ku tirhela.’

1 TIHOSI 11:5

Solomoni a sungula ku gandzela Astarte xikwembukazi xa Vasidoni, na Milikomo xikwembu xa ndzhukano xa Vaamoni.

2 TIKRONIKA 28:3

A hisa mirhi ya risuna enkoveni wa Hinomu, a hisa ni vana va yena a gandzela ha vona, a endla manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.