Vaavanyisi 2:1 - BIBELE Mahungu Lamanene

¹ Ntsumi ya HOSI Xikwembu yi suka emutini wa Giligala, yi tlhandlukela emutini wa Bokimi, yi fika yi byela Vaisraele, yi ku: “Ndzi mi humesile etikweni ra Egipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina. Kutani ndzi mi byerile ndzi ku: ‘Ndzi nga ka ndzi nga tshovi ntwanano wa mina na n'wina;

Xitsonga (Bibele)

¹ Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

Vaavanyisi 2:1 Referans Kwoze

Levhitika 26:42

Loko vo endla sweswo, ndzi ta tsundzuka ntwanano lowu ndzi wu endleke na Yakobo ni lowu ndzi wu endleke na Isaka, ni lowu ndzi wu endleke na Abrahama, ndzi tsundzuka ni tiko ra vona.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Eksoda 23:20

“Vonani, ndzi mi rhumela ntsumi leyi nga ta mi rhangela; yi ta mi sirhelela eriendzweni ra n'wina, yi ya mi fikisa endhawini leyi ndzi yi lulamiseke.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Zakariya 11:10

Kutani ndzi teka nhonga ya mina leyi vuriwaka “Musa”, ndzi yi tshova, ndzi endlela ku onha ntwanano lowu a ndzi wu endlile ni vanhu va matiko hinkwawo.

Yeremiya 14:21

Leswi hi vuriwaka vanhu va wena, u nga hi tshiki, u nga fularheli xiluvelo xa wena lexi dzunekaka; anakanya ntwanano lowu u nga wu endla na hina, u nga wu tshovi!

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Pisalema 89:34

Ntwanano wa mina na yena a ndzi nga wu tshovi, ni marito lama humeke enon'weni wa mina a ndzi nga ma hundzuluxi.

Vaavanyisi 13:3

Siku rin'wana, ntsumi ya HOSI Xikwembu yi humelela eka wansati loyi, yi ku ka yena: “Vona, u mhika, a wu kumi vana, kambe u ta tika u veleka n'wana wa mufana.

Vaavanyisi 2:5

Kutani va thya ndhawu leyi evito ra Bokimi (hileswaku: “Lava rilaka”), kutani va humesela HOSI Xikwembu emagandzelo exivandleni lexi.

Yoxuwa 3:10

Kutani Yoxuwa a ku ka vona: “Mi ta swi tiva leswaku Xikwembu lexi hanyaka xi le xikarhi ka n'wina, naswona xi nga ka xi nga tsandzeki ku hlongola Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi, va suka emahlweni ka n'wina.

Duteronoma 7:9

Hikokwalaho, tsundzukani leswaku HOSI Xikwembu xa n'wina, i Xikwembu xi ri xoxe, naswona xa tshembeka, xi hlayisa ntwanano wa xona. Lava va xi rhandzaka ni ku hlayisa milawu ya xona, xa va rhandza ku ya fika eka rixaka ra madzana-dzana.

Duteronoma 4:34

Ku hava xikwembu ni xin'we lexi nga tshama xi ringeta ku ya tihumesela vanhu va xona exikarhi ka rixaka rin'wana, hi ku tirhisa mintungu, ni swikombiso, ni mahlori, ni tinyimpi, hi ntamu lowukulu ni mintirho ya matimba leyi chavisaka ngopfu. I HOSI Xikwembu xa n'wina ntsena lexi endleke swilo leswi hinkwaswo etikweni ra Egipta, mi ri karhi mi swi vona.

Tinhlayo 14:34

Mi ta xaniseka malembe ya 40 hikwalaho ka milandzu ya n'wina, hikuva masiku lawa mi nga valanga tiko ha wona a ma ri 40, hileswaku siku rin'wana ni rin'wana ri yimela lembe rin'we. Mi ta swi tiva leswaku mi ndzi khunguvanyisile ngopfu!

Levhitika 26:44

Hambiswiritano, loko va ri ematikweni ya valala va vona a ndzi nga va tshiki, kumbe ku nyangatseka ndzi va herisela makumu, hikuva sweswo swi nga herisa ntwanano lowu ndzi wu endleke na vona: Hi mina HOSI, Xikwembu xa vona.

Eksoda 33:14

Hiloko HOSI Xikwembu xi ku: “Mina hi ndzexe ndzi ta famba na n'wina, ndzi mi yisa lomu mi nga ta tshamiseka kona.”

Eksoda 14:19

Kutani ntsumi ya Xikwembu leyi a yi rhangela mintshungu ya Vaisraele, yi suka yi ya endzhaku ka vona. Na rona papa leri a ri nembelela emahlweni ka vona ri suka ri ya yima hi le ndzhaku ka vona,

Eksoda 14:14

HOSI Xikwembu, hi xona xi nga ta mi lwela, n'wina mo miyela mi ku whííí!”

Genesa 48:16

yona ntsumi leyi yi ndzi kutsuleke eka leswo biha hinkwaswo, a xi katekise majaha lawa! A va ve vona lava nga ta yisa vito ra mina emahlweni, ni mavito ya vatata wa mina Abrahama na Isaka. A va andze va va vanhu va ntsandza-vahlayi emisaveni leyi!”

Genesa 16:13

Kutani Hagara a thya HOSI Xikwembu lexi vulavuleke na yena evito ra “Xikwembu-lexi-voniwaka”, hikuva a a ku: “Xana ndzi nga va ndzi vonile Xikwembu hakunene, ndzi tama ndza ha hanya xana?”

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Vaavanyisi 6:8

xi va rhumerile muprofeta, a fika a ku ka vona: “HOSI Xikwembu xa Israele xi vula sweswo, xi ri: ‘Hi mina loyi a mi humeseke etikweni ra Egipta ni le vuhlongeni bya kona;

Vaavanyisi 13:2

Emutini wa Sora, a ku ri ni wanuna un'wana wa nyimba ya ka Dani, loyi a va ku i Manowaka. Nsati wa yena a a ri mhika.

Duteronoma 1:8

Tiko leri hinkwaro, mina HOSI Xikwembu ndzi hlambanyile leswaku ndzi ta ri nyika vatata wa n'wina Abrahama, na Isaka, na Yakobo, swin'we ni vatukulu va vona, kutani nghenani mi ri teka, hikuva ndzi mi nyikile rona.’ ”

Vaavanyisi 11:24

Xana u nga ala ku teka leswi Kemoxi xikwembu xa wena xi ku nyikaka swona xana? Hina hi ta hlayisa hinkwaswo leswi HOSI Xikwembu xa hina xi tekeleke van'wana xi nyika hina.

Pisalema 89:3

Wena u vurile u ku: “Ndzi endlile ntwanano ni muhlawuriwa wanga. Emahlweni ka Davhida nandza wa mina ndzi tibohile hi ku hlambanya ndzi ku: