Vaavanyisi 19:5 - BIBELE Mahungu Lamanene

⁵ Hi siku ra vumune, va pfuka ka ha ri mpundzu swinene, kutani Mulevhi a tilulamisela ku famba; kambe tata wa nsati a ku ka mukon'wana wa yena: “U ta rhanga hi ku phemanyana u miyeta nyoka, hi kona u nga ta famba.”

Xitsonga (Bibele)

⁵ Kute hi siku ra vumune va pfuka nimpundzu, kuteloko Mulevhi a ku wa famba, tata wa wansati a ku eka mukon'wana wa yena: “Tiyisa mbilu ya wena hi xipandzwa xa vuswa, mi ta tifambela.”

Vaavanyisi 19:5 Referans Kwoze

Vaavanyisi 19:8

Hi siku ra vuntlhanu Mulevhi a pfuka ka ha ri mpundzu swinene, a tilulamisela ku famba, kambe tata wa nsati a ku: “U ta rhanga u miyeta nyoka, u yimanyana dyambu ri kondza ri rhenga.” Kutani va dya swin'we.

Genesa 18:5

Leswi mi teke hi laha ka mina nandza wa n'wina, ndza ha ta sungula hi ku mi lavela vuswanyana mi ta miyeta nyoka, kutani hi kona mi nga ta ya emahlweni ni riendzo ra n'wina.” Vona va hlamula va ku: “Hiswona, endla hilaha u vulaka hakona.”

Timhaka 9:19

Kuteloko a dyile swakudya, a tlhela a kuma matimba. Sawulo a tshama ni vadyondzisiwa va le Damaska masiku ma nga ri mangani.

Yohane 4:34

Yesu a ku ka vona: “Swakudya swa mina i ku endla ku rhandza ka Loyi a ndzi rhumeke, ni ku heta ntirho wa yena swinene.

Pisalema 104:15

yi nga vhinyo leyi tsakisaka timbilu ta vona, ni mafurha ya ku tola exikandzeni, ni vuswa lebyi tiyisaka miri wa vona.

1 TIHOSI 13:7

Kutani hosi yi ku ka munhu wa Xikwembu: “A hi fambe swin'we ekaya ka mina, u ta wisanyana kona, naswona ndzi ta ku nyika xanchumu.”

1 SAMIELE 30:12

Va tlhela va n'wi nyika na ximbhundzwanyana xa makuwa lama omeke, ni swichocho swimbirhi swa mihandzu ya vhinya. Mufana loyi a a nga dyanga nchumu ku ringana masiku manharhu, kutani loko a dyile, matimba ya yena ma vuya, a xalamuka.

Vaavanyisi 19:4

Hiloko tata wa nsati a khomeleta Mulevhi leswaku a nga fambi, kutani a xwa na vona masiku manharhu, va dya kona, va nwa, va tlhela va etlela kona.