Vaavanyisi 19:3 - BIBELE Mahungu Lamanene

³ Kutani nuna wa yena a suka a n'wi landza, leswaku a ta n'wi khongotela a vuya na yena. Mulevhi loyi ú fambile ni nandza wa yena ni timbhongolo timbirhi. Loko a fika evukon'wanini, tata wa nsati a n'wi vona a ri karhi a ta, kutani a ya n'wi hlanganisa a tsakile.

Xitsonga (Bibele)

³ Kutani nuna wa yena a suka, a n'wi landzela ku ya vulavula na yena hilaha mbilu ya yena yi swi rhandzaka hakona, a ta n'wi tlherisa; a famba ni nandza wa yena ni timbhongolo timbirhi. Kutani nsati yeloyi a n'wi amukela endlwini ya tata wa yena, kuteloko tata wa wansati a n'wi vona, a ya hlangana na yena hi ku tsaka.

Vaavanyisi 19:3 Referans Kwoze

Genesa 50:21

Mi nga chavi, ndzi ta mi nyika swakudya, n'wina ni vana va n'wina.” Hi marito wolawo ya tintswalo, Yosefa a rhulisa timbilu ta vamakwavo.

Genesa 34:3

Kambe Dina N'wa-Yakobo a yiva mbilu ya Xikeme, hiloko Xikeme a sungula ku rhandza Dina, a vulavula na yena kahle.

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Yohane 8:11

A ku: “Na un'we a nga kona, Hosi.” Yesu a ku ka yena: “Na mina a ndzi ku avanyisi; famba, kutani u nga ha tlheli u dyoha.”]

Matewu 1:19

Leswi Yosefa nuna wa yena a a ri munhu wo lulama, naswona a nga lavi ku n'wi khomisa tingana, a endla makungu ya ku n'wi tshika exihundleni.

Hosiya 2:14

“Sweswi ndzi ta ya bula na yena, ndzi n'wi teka ndzi ya na yena emananga, ndzi ya n'wi byela leswi swi nga ta n'wi tsakisa.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Vaavanyisi 15:1

Endzhaku ka masiku ma nga ri mangani, hi nkarhi wa ntshovelo wa koroni, Samsoni a teka ximbutana a famba na xona a ya pfuxela nsati wa yena. Kutani a fika a ku: “Ndzi lava ku nghena endlwini leyi nsati wa mina a nga eka yona.” Kambe tata wa nsati a n'wi alela ku nghena,

Tinhlayo 22:22

Ku famba ka Balaama swi hlundzukisile Xikwembu swinene, kutani ntsumi ya xona yi yima endleleni yi n'wi sivela. Balaama a a famba ni malandza ya yena mambirhi, a gadile mbhongolo.

Levhitika 20:10

“Loko wanuna a endla vuoswi ni nsati wa munhukulobye, vaoswi lava va fanele ku dlayiwa hi vumbirhi bya vona.

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

Vaavanyisi 19:2

Kutani Mulevhi a holova ni nsati loyi wa yena, kutani nsati a lan'wa a ya karikwavo eBetlehema, a ya tshama kona ku ringana mune wa tin'hweti.

Vaavanyisi 19:4

Hiloko tata wa nsati a khomeleta Mulevhi leswaku a nga fambi, kutani a xwa na vona masiku manharhu, va dya kona, va nwa, va tlhela va etlela kona.

Vaavanyisi 19:26

Kutani hi vurhonga byebyo, wansati a famba a ya fika a wela enyangweni ya yindlu ya mukhalabye leyi nuna wa yena a a etlele eka yona. Loko ku sungula ku vonakala, wansati a a ha ri kwala nyangweni.

Hosiya 2:16

“Mina HOSI ndza ku byela ndzi ri: Hi siku rero, u ta ndzi vula ‘Nuna wa mina’, u nga ka u nga ha ndzi vuli ‘Baali wa mina’.