Vaavanyisi 18:3 - BIBELE Mahungu Lamanene

³ Loko va ri kwale mutini wa Mika, va tiva jaha lera Mulevhi hi mavulavulele ya rona, kutani va ya eka rona, va ri vutisa va ku: “Loyi a nga ku tisa laha i mani xana? Lexi u endlaka xona kwala i ncini, naswona u tirha ntirho muni xana?”

Xitsonga (Bibele)

³ Kakuloko va ha ri ekusuhi ni yindlu ya Mika, va twa rito ra jaha ra Mulevhi, kutani va hambukela kona, va ku eka yena: “U tisiwe halenu hi mani-ke? U endla yini kwala, mhaka ya wena kwala hi yihi?”

Vaavanyisi 18:3 Referans Kwoze

Matewu 26:73

Endzhakunyana, lava a va ri kwalaho va tshinela, va ku ka Petro: “Hakunene, na wena, u un'wana wa vona, hikuva u tikomba hi mavulavulele ya wena.”

Esaya 22:16

“Xana wena u tivona u ri mani, naswona u nyikiwile hi mani mpfumelelo wo tilunghisela sirha; hikwalaho ka yini u ya kovotla ribye exintshabyanini, u tilulamisela ndhawu leyi u nga ta lahliwa eka yona, xana?

Vaavanyisi 12:6

a va ku ka yena: “Vula u ku ‘Xibolete’.” Kambe vanhu va ka Efrayimi a va tsandzeka ku vula kahle rito leri, hikuva a va ku “Sibolete”; kutani va le Giliyadi a va va khoma va va dlayela kwale mahlalukweni ya Yordani. Enkarhini wolowo, ku dlayiwile vanhu va ka Efrayimi vo ringana 42 000.

Genesa 27:22

Hiloko Yakobo a tshinela kusuhi ni tata wa yena Isaka, kutani Isaka a n'wi ambamba a ku: “Rito i ra Yakobo, kambe mavoko i ya Esawu!”

Vaavanyisi 18:2

Kutani va ka Dani va hlawula vavanuna vo tiya va ntlhanu va huma emindyangwini hinkwayo ya nyimba ya ka vona, va va rhuma va suka eSora ni le Exitawulu, leswaku va ya valanga ni ku xiyaxiya tiko, va ku ka vona: “Fambani mi ya xiyaxiya tiko.” Kavaloko vavanuna lava va famba va ya humelela hi le mutini wa Mika emagangeni ya Efrayimi, va fika va xwa kona.

Vaavanyisi 18:4

Jaha ri va hlamusela leswi Mika a ri endleleke swona, kutani ri ku: “Ú ndzi nyikile ntirho wa ku va muprista wa yena.”