Vaavanyisi 1:17 - BIBELE Mahungu Lamanene

¹⁷ Va ka Yuda va famba swin'we ni vamakwavo, va ka Simiyoni va ya hlasela Vakanana lava a va akile emutini wa Sefata; kutani muti lowu va wu herisela makumu va wu thya vito ra Horma (hileswaku: “Lexi heriseriweke makumu”).

Xitsonga (Bibele)

¹⁷ Kambe Yuda a famba swin'we na Simiyoni, makwavo, va ya hlula Vakanana lava akeke eSefata, va va endla lavo yila (anathema). Hikwalaho muti wolowo wu thyiwile vito ra Horma (anathema).

Vaavanyisi 1:17 Referans Kwoze

Tinhlayo 21:3

HOSI Xikwembu xi yingisa xikombelo xa Vaisraele, kutani xi nyiketa Vakanana emavokweni ya vona; hiloko va va herisela makumu, vona ni miti ya vona; kutani ndhawu leyi yi thyiwa vito ra Horma (hileswaku “la heriseriweke makumu”).

2 TIKRONIKA 14:10

Hosi Asa na yena a huma nyimpi ku ya lwa na Zera, kutani mavuthu hinkwawo ma xaxametiwa enkoveni wa Sefata kusuhi na Marexa.

Vaavanyisi 1:3

Kutani va ka Yuda va byela vamakwavo va ka Simiyoni va ku: “A hi fambeni swin'we endhawini leyi hina hi averiweke yona hi ya lwa ni Vakanana, kutani na hina hi ta famba na n'wina endhawini leyi mi averiweke yona.” Kutani va ka Simiyoni va famba na vona.

Yoxuwa 19:4

na Elitolada, na Betuli, na Horma;

Tinhlayo 14:45

Kutani Vaamaleke ni Vakanana, lava a va tshama emagangeni, va rhelela va hlasela Vaisraele, va va hlongorisa ku ya fika eHorma.

1 SAMIELE 30:30

a rhumela ni le Horma, ni le Boraxani, ni le Ataki,