Tito 2:10 - BIBELE Mahungu Lamanene

¹⁰ kumbe ku va yivela, kambe ematshan'wini ya swona a va tikombe leswaku va lulamile ni ku tshembeka masiku hinkwawo, kutani eka hinkwaswo leswi va swi endlaka va ta komba ku saseka ka leswi dyondzisiwaka hi tlhelo ra Xikwembu Muponisi wa hina.

Testamente Leyimpsha Xichangana

¹⁰ kumbe kuvayivela, handle ka lesvo avakombise lesvaku valulamile ni kutshembeka masiku hinkwawu, kutani ka hinkwasvu lesvi vasviyendlaka vatakomba kusaseka ka lesvijondzisiwaka hi tlhelo ra Xikwembu Muponisi wa hina.

Xitsonga (Bibele)

¹⁰ va nga yivi nchumu, kambe va endla hinkwaswo hi ku dzuneka lokunene va ta dzunisa etimhakeni hinkwato, dyondzo ya Xikwembu, Mukutsuri wa hina.

Tito 2:10 Referans Kwoze

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

2 Yohane 1:9

Un'wana ni un'wana loyi a yaka emahlweni ni swa yena a nga tiyiseli edyondzweni ya Kriste, a nga na Xikwembu; loyi a tiyiselaka edyondzweni ya kona, ú na Tatana swin'we ni N'wana.

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

1 Petro 3:16

kambe mi swi endla hi moya wa ku olova ni wa xichavo. Naswona, mi tshama mi ri ni ripfalo leri tengeke, leswaku loko mi hemberiwa, lava sandzaka mahanyelo ya n'wina layo lulama ya Xikriste, va ta khomiwa hi tingana.

Tito 1:3

kutani xi byi humesele erivaleni hi mahungu ya xona, loko nkarhi lowunene wu fikile, hikuva ndzi nyikiwile mahungu lawa ku ma twarisa, hi ku lerisa ka Xikwembu muponisi wa hina.

1 Timotiya 6:3

Loko munhu un'wana a dyondzisa swo tiva hi yena, leswi hambaneke ni marito lama hanyaka ya xiviri ya Hosi ya hina Yesu Kriste, ni dyondzo leyi fambelanaka ni vukhongeri,

1 Timotiya 6:1

Lava rhwexiweke joko ra vuhlonga, a va teke vinyi va vona va ri lava fanelaka ku xiximiwa, leswaku vito ra Xikwembu ni leswi hi swi dyondzisaka, swi nga tshuki swi soriwa.

1 Vakorinto 4:2

Sweswi ke, leswi lavekaka eka valanguteri hileswaku munhu a kumeka a ri la tshembekeke.

Luka 16:10

Loyi a tshembekeke eka leswitsongo, ni ka leswikulu ú ta tshembeka; loyi a nga tshembekangiki eka leswitsongo, ni ka leswikulu a nga ka a nga tshembeki.

Matewu 24:45

“Xana nandza la tshembekaka, wo tlhariha, hi wihi xana? Hi loyi n'wini wa yena a n'wi vekeke ku hlayisa malandza laman'wana la mutini, a ma phamela swakudya hi nkarhi wa kona.

Pisalema 101:6

Vaaki va tiko lavo tshembeka, ndzi ta va tsakela, ndzi va rhurhela emutini wa mina; vanhu va mahanyelo lamanene, hi vona lava ndzi nga ta va hlawula leswaku va ndzi tirhela.

1 SAMIELE 26:23

HOSI Xikwembu xi hakela munhu un'wana ni un'wana la lulameke, la tshembekeke! Namuntlha, a xi ku nyiketile emavokweni ya mina, kambe a ndzi swi lavanga ku tshambuluta voko ra mina, ndzi ku vavisa, wena muhlawuriwa wa xona.

1 Timotiya 5:17

Endla leswaku vakulukumba lava tirhaka swinene ntirho wa vurisi va kombisiwa xichavo lexikulu, ngopfu-ngopfu lava tikarhataka ku twarisa Rito ni ku dyondzisa,

1 Timotiya 1:1

Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

1 SAMIELE 22:14

Ahimeleke a hlamula hosi a ku: “Xana, exikarhi ka malandza hinkwawo ya wena, ú kona la tshembekaka ku fana na Davhida xana? Davhida i mukon'wana wa wena hosi, ni ndhuna ya varindzi va wena, munhu la xiximiwaka ngopfu endyangwini wa wena!

Yohane 12:6

A a vurisa sweswo, ku nga ri hileswi a a ri ni mhaka ni swisiwana, kambe hileswi a a ri khamba. A a ri mutameri wa nkwama wa mali, kutani a a tolovele ku pambula leswi cheriweke kona.

Luka 1:47

ni moya wa mina wu titsakela eka Xikwembu, Muponisi wanga,

Luka 1:80

Kutani n'wana a kula a ri karhi a kuma matimba emoyeni; kutani a ya tshama emananga ku ko ku fika siku leri a humeleleke ha rona eka Israele.

Tito 3:4

Kambe siku musa wa Xikwembu Muponisi wa hina, ni rirhandzu ra xona, swi humeleleke,