Tito 1:2 - BIBELE Mahungu Lamanene

² byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

Testamente Leyimpsha Xichangana

² bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Xitsonga (Bibele)

² hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Tito 1:2 Referans Kwoze

Tinhlayo 23:19

Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

1 Yohane 2:25

Kutani leswi a nga hi tshembisa swona, i vutomi lebyi nga heriki.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Yuda 1:21

Tshamani erirhandzwini ra Xikwembu. Langutelani musa wa Hosi ya hina Yesu Kriste lowu yisaka evutomini lebyi nga heriki.

2 Timotiya 1:1

Mina Pawulo, muapostola wa Kriste Yesu hi ku rhandza ka Xikwembu, mina ndzi rhumiweke ku twarisa vutomi lebyi nga kona eka Kriste Yesu, lebyi hi tshembisiweke byona,

Tito 3:7

leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Tito 2:13

hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

2 Timotiya 2:15

Endla hi matimba ku vonaka u ri la nkhensekaka emahlweni ka Xikwembu, u nga ri na tingana hi ntirho wa wena, u dyondzisa Rito ra ntiyiso hi ndlela leyinene.

2 Timotiya 2:13

loko hi nga tshembeki, yena wa tshembeka masiku hinkwawo, hikuva a nga ka a nga tilandzuli.”

1 SAMIELE 15:29

Naswona, Xikwembu lexi Vaisraele va tidzunisaka ha xona, a xi hembi, a xi tlheli emakungwini ya xona. A xi fani na vanhu, xona a xi tlheli!”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

1 Vatesalonika 5:8

Kambe leswi hina hi nga va nhlekanhi, a hi tikhomeni, hi ambala ku pfumela ni rirhandzu xi va xisirhelelo xa hina exifuveni, kutani enhlokweni hi ambala ku langutela ka ku ponisiwa, xi va xihuku xa hina.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

1 Timotiya 6:19

Hi mukhuva lowu va tihlengeletela xuma lexinene, lexi tiyeke, xa minkarhi leyi taka, leswaku va ta amukela vutomi bya xiviri.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Timhaka 15:18

Hosi yi vula sweswo, yona yi tirhaka swilo leswi, swi nga swilo leswi tivisiweke khale.’

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Yohane 10:28

Ndzi ti nyika vutomi lebyi nga heriki; ti nga ka ti nga lovi ni siku ni rin'we, naswona a ku na munhu la nga ta ti vutla evokweni ra mina.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Yohane 6:54

Loyi a dyaka nyama ya nga ni ku nwa ngati ya nga, ú ni vutomi lebyi nga heriki, kutani mina ndzi ta n'wi pfuxa hi siku ra makumu.

Yohane 5:39

Mi lavisisa Matsalwa, hikuva mi anakanya leswaku, eka wona, mi ta kuma vutomi lebyi nga heriki; kasi hi wona lama vekaka vumbhoni ehenhla ka mina.

1 Timotiya 6:12

Lwana nyimpi leyinene ya ku pfumela; tamela hi mandla mambirhi vutomi lebyi nga heriki, lebyi u nga vitaniwa hikwalaho ka byona ni ku veka vumbhoni lebyinene ehenhla ka byona, emahlweni ka vanhu lavo tala lava nga ku twa.

1 Vatesalonika 2:15

Vayuda hi vona lava dlayeke Hosi Yesu ni vaprofeta, kutani na hina va hi xanisile; a va tsakisi Xikwembu, naswona va lwa ni vanhu hinkwavo.

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Varhoma 5:4

ku tiyisela ku tswala ku hlula miringo, ni ku hlula miringo ku tswala ku langutela;

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Varhoma 1:2

Evhangeli leyi, hi yona leyi Xikwembu xi yi tshembiseke khale, hi vaprofeta va xona, eMatsalweni layo hlawuleka;

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Marka 10:30

ú ta nyikiwa swilo leswi ka dzana eminkarhini ya sweswi: hi leswaku tindlu, ni vamakwavo, ni vamanana, ni vana, ni masimu, swin'we ni ku xaniseka; kutani eminkarhini leyi taka, ú ta nyikiwa vutomi lebyi nga heriki.

Marka 10:17

Kuteloko Yesu a humile ni ku khoma ndlela, munhu un'wana a ta ka yena hi ku tsutsuma, a fika a nkhinsama emahlweni ka yena, a n'wi vutisa a ku: “Mudyondzisi lonene, ndzi nga endla yini leswaku ndzi ta dya ndzhaka ya vutomi lebyi nga heriki?”

Esaya 1:20

kambe loko mi tiarisa mi ndzi fularhela, mi ta herisiwa hi fumu. Ndzi vulavurile, mina HOSI!”