Tito 1:15 - BIBELE Mahungu Lamanene

¹⁵ Swilo hinkwaswo swi tengile eka lava tengeke; kambe a ku na lexi tengeke eka lava nyameke, ni ka lava nga pfumeriki, hikuva miehleketo ya vona ni mapfalo ya vona swi nyamisiwile.

Testamente Leyimpsha Xichangana

¹⁵ Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

Xitsonga (Bibele)

¹⁵ Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo.

Tito 1:15 Referans Kwoze

Varhoma 14:14

Ndza swi tiva ni ku kholwa swinene, hikwalaho ka Hosi Yesu, leswaku ku hava xilo ni xin'we lexi, hi xoxe, xi nyameke; kambe xilo xi nyamile ntsena eka yena loyi a anakanyaka leswaku xi nyamile.

Varhoma 14:20

U nga hahluli ntirho wa Xikwembu hikwalaho ka swakudya. Swilo hinkwaswo swi tengile; kambe i ku hoxa loko munhu, hi ku dya ka yena, a khunguvanyisa van'wana.

1 Vakorinto 10:23

Mi ri: “Hinkwaswo swa pfumeleleka.” Swa twala, kambe a hi hinkwaswo leswi pfunaka. Mi ri: “Hinkwaswo swa pfumeleleka.” Kambe a hi hinkwaswo leswi akisaka.

Matewu 15:18

Kasi leswi humaka enon'weni, swi pfa hi le mbilwini, kutani hi swona leswi nyamisaka munhu.

Varhoma 14:23

Kambe loyi a kanakanaka, wa avanyisiwa loko a dya, hikuva a nga endli hi ku kholwa; kutani xin'wana ni xin'wana lexi nga endliwiki hi ku kholwa, i xidyoho.

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

Timhaka 10:15

Rito ri tlhela ri ku ka yena ra vumbirhi: “Swilo leswi Xikwembu xi nga vula leswaku swi tengile, u nga vuli leswaku swa yila.”

1 Vakorinto 8:7

A hi hinkwavo lava nga ni vutivi lebyi; leswi vanhu van'wana va ha toloveleke swikwembu swa hava, va dya swakudya swa vona wonge hi loko swi ri leswi humeseriweke swikwembu leswi, kutani ripfalo ra vona ri nyamile hikwalaho ka ku tsana ka vona.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

1 Vakorinto 10:25

Nyama leyi xaviweke lomu yi xavisiwaka kona, dyanani yona hi ripfalo leri ntshunxekeke, mi nga vutisi lomu yi humaka kona,

1 Timotiya 6:5

naswona swi vanga ku holova exikarhi ka vanhu lava boleke miehleketo ni ku lahlekeriwa hi ntiyiso, lava ehleketaka leswaku vukhongeri i ndlela yo kuma rifuwo.

Swivuriso 21:4

Ku tikurisa ni manyunyu i rivoni ra lavo homboloka, kambe swa va dyohisa.

Hagayi 2:13

Hagayi a ya emahlweni a ku: “Loko munhu un'wana a nyamisiwile hi ku khumbana ni xilo lexi feke, kutani a ya khumba swakudya leswi, xana swi ta nyamisiwa na swona ke?” Vaprista va hlamula va ku: “Ina, swi ta nyamisiwa na swona.”

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Swivuriso 30:12

Ku ni vanhu lava tivonaka va tengile, kasi va lo pyì, hi thyaka!

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.